Romen 2:7 - Labib An Kreol Seselwa

⁷ Bann ki fer lebyen, pou ganny laglwar, loner ek limortalite.

Romen 2:7 ပူးပေါင်းရင်းမြစ်များ

Liv Zob 17:9

Sa enn ki zis i reste ferm dan son semen. Sa enn ki son lanmen i prop i vin pli determinen.

Psonm 27:14

Met ou lespwar dan SENYER; reste for, repran kouraz. Met ou lespwar dan SENYER.

Psonm 37:3

Met ou konfyans dan SENYER e fer sa ki byen. Alor, ou ava viv anpe e an sekirite dan sa pei.

Psonm 37:34

Met ou konfyans dan SENYER e swiv son semen. I ava fer ou loner posed sa pei e ou ava war malfeter ganny detri.

Ezekyel 18:17

I evit bann move pratik; i pa pret son larzan avek lentere, ni egziz en profi lo la. I obei mon lalwa e swiv mon bann regleman avek fidelite. I pa pou mor akoz fot son papa, me i pou sirman viv.

Matye 25:46

Sa bann ki lo son kote gos pou ganny pinisyon eternel, me bann ki'n fer lavolonte Bondye pou ganny lavi eternel.”

Levanzil dapre Lik 21:19

Par zot perseverans, zot ava sov zot lavi.”

Levanzil dapre Lik 8:15

Bann lagrenn ki tonm dan bon later se bann ki antann Laparol avek en leker onnet e bon; zot gard li e avek perseverans zot prodwir bokou fri.”

Levanzil dapre Zan 4:36

Sa enn ki rekolte i resevwar son lapey. I pe ranmas bann lagrenn pour lavi eternel. Dan sa fason, sa enn ki senmen e sa enn ki rekolte, zot ansanm dan lazwa.

Levanzil dapre Zan 5:44

Zot kontan resevwar konpliman avek kanmarad. Me konpliman ki sorti zis kot Bondye zot pa rode. Ki mannyer alor, zot pou kapab krwar mwan?

Romen 2:10

Par kont, pou annan laglwar, loner ek lape pour tou dimoun ki pratik sa ki byen, Zwif dabor, me osi pour bann non-Zwif,

Romen 6:23

Annefe, lapey pour pese i lanmor, me don gratwi ki Bondye i donnen, i lavi eternel dan linyon avek Zezi-Kri, nou Senyer.

Romen 8:18

Mon annan sa lasirans ki sa ki nou pe soufer konmela, pa kapab ganny konpare avek laglwar ki Bondye pou revel nou dan lavenir.

Romen 9:23

Me i'n osi oule montre larises son mazeste pour bann anver ki i'n annan pitye, bann ki i'n prepare davans pour partisip dan son laglwar.

1 Korentyen 15:42

Sa i parey kan bann mor pou resisite. En lekor i ganny antere mortel, e kan i resisite, i pou imortel.

1 Korentyen 15:50

Mon bann frer ek ser! La mon dir zot: Sa enn ki'n ganny fer avek laser ek disan, pa kapab erit Rwayonm Bondye, e sa enn ki mortel, pa erit limortalite.

1 Korentyen 15:58

Alor, mon bann zanmi! Reste ferm e solid. Montre touzour plis lentere pour travay Senyer, akoz zot konnen ki avek Senyer, zot travay pa initil.

Galat 6:9

Annou pa fatige fer lebyen; akoz si nou pa dekouraze, nou pou rekolte dan son letan.

Efezyen 6:24

Mon demande ki lagras Bondye ava avek tou bann ki kontan nou Senyer Zezi-Kri avek en lanmour ki pa zanmen sanze.

Kolosyen 1:27

Annefe, Bondye in oule fer konn sa plan sekre ki ris e manifik e ki i'n prepare an faver tou bann pep. E sekre sa plan, se ki Kris i dan zot; i donn zot lasirans ki zot ava pran par dan laglwar Bondye.

1 Timote 1:17

Annou rann loner ek laglwar anver Lerwa eternel, sel Bondye imortel e envizib pour touzour! Amenn.

2 Timote 1:10

Me aprezan, i'n manifeste sa lagras par laparisyon nou Sover, Zezi-Kri, ki'n detri pouvwar lanmor e ki par Bonn Nouvel, in revel nou lavi imortel.

Ebre 2:7

Ou'n abes li pli ba ki bann lanz pour en pti pe letan. Ou'n kouronn li avek laglwar ek loner.

Ebre 6:12

Alor, pa fer pares, me swiv legzanp bann ki krwar e ki persevere pour zot erit bann promes Bondye.

Ebre 6:15

Ensi, apre ki i ti'n esper avek pasyans, Abrahanm ti resevwar sa ki Bondye ti'n promet li.

1 Zan 2:25

Promes ki i'n fer nou, se lavi eternel.