Romen 2:6 - Labib An Kreol Seselwa

⁶ i pou pey sakenn dapre sa ki i'n fer:

Romen 2:6 ပူးပေါင်းရင်းမြစ်များ

Liv Zob 34:11

I rekonpans zonm dapre son bann aksyon. I tret zot dapre zot mannyer viv.

Psonm 62:12

SENYER! Ou fidelite i pour touzour. Ou rekonpans sakenn dapre son bann aksyon.

Egzod 32:34

Aprezan, ale! Al diriz mon pep dan sa landrwa ki mon'n dir ou. Mon lanz pour al par devan. Me zour mon pou entervenir, mon pou pini zot pour zot pese.”

Proverb 24:12

Si ou dir: Nou pa ti konnen; eski sa enn ki egzamin leker pa pou konpran? Sa enn ki vey lo ou pa pou konnen? Pa i pou rekonpans sakenn dapre son aksyon?

Proverb 24:2

akoz zot leker i mazin zis vyolans e zot labous i dir zis sa ki move.

Proverb 26:10

En sef ki anploy en fou oubyen en soular, i fer ditor tou dimoun.

Eklezyas 3:17

Mon dir dan mwan menm: Bondye pou ziz bann ki azir byen e bann ki azir mal. I annan en letan pour tou keksoz e i pou ziz tou nou bann aksyon.

Zeremi 17:10

Mwan, SENYER, mon teste sa ki zonm i mazinen; mon egzamin son bann santiman. Mon tret sakenn dapre son mannyer viv, dapre son bann aksyon.

Zeremi 32:19

Ou bann proze i gran; ou realiz zot avek pwisans. Ou port bokou latansyon lo tou sa ki dimoun i fer; ou tret sakenn zot dapre son kondwit e dapre fri son bann aksyon.

Ezekyel 18:20

Sa enn ki'n fer pese, se li menm ki pou mor. En garson pa pou ganny pini akoz fot son papa, ni en papa akoz fot son garson. En dimoun ki azir byen pou ganny rekonpanse pour azir dapre lazistis; sa enn ki move pou ganny pini pour tou bann mal ki i'n fer.

Ezekyel 18:30

Alor, pep Izrael! Mon pou ziz sakenn dapre son prop aksyon, Senyer BONDYE i deklare. Sanz ou lavi e abandonn ou bann move mannyer fer. Pa les ou pese detri ou.

Ezekyel 36:19

Mon'n dispers zot parmi bann nasyon, mon'n dispers zot dan tou pei. Mon'n ziz zot dapre zot lavi, dapre zot bann aksyon.

Matye 16:27

Annefe, Fis-de-Lonm pou vini dan mazeste son Papa avek son bann lanz. I pou rekonpans sakenn dapre son bann aksyon.

Romen 14:22

Ou konviksyon ki ou annan, gard li pour ou menm, devan Bondye. Byennere sa enn ki pa santi li koupab ler i azir dapre son prop disernman!

1 Korentyen 3:8

Sa enn ki plante ek sa enn ki aroze, zot egal; sakenn pou ganny son saler dapre son travay.

1 Korentyen 4:5

Alor, pa ziz personn avan son letan fikse. Espere ki zour Senyer i vini: Li menm ki pou met okler sa ki'n ganny kasyet dan fernwanr, e met okler bann lentansyon sekre ki dan leker imen. Alor, Bondye pou felisit sakenn, dapre sa ki i merite.

2 Korentyen 11:15

Alor, i pa etonan ki son bann serviter osi, zot degiz zot koman bann serviter lazistis. Me lafen zot lavi pou parey zot bann aksyon.

2 Korentyen 5:10

Annefe, nou tou nou devre prezant nou devan tribinal Kris, e sakenn ava resevwar sa ki i merite, pour sa ki i'n fer avek son lekor, swa an byen, swa an mal.

2 Timote 4:14

Aleksann, sa forzron, in fer mwan bokou ditor. Senyer ki pou rann li sa ki i merite.

Revelasyon 2:23

Mon pou osi met anmor tou son bann zanfan. Alor, tou bann Legliz ava konnen ki mon konn tou mazinasyon ek dezir zonm. Mon pou tret sakenn zot dapre sa ki zot i'n fer.

Revelasyon 20:12

Mon ti war bann mor, gran koman pti, pe debout devan tronn, e bann liv ti'n ouver. Ti annan osi en lot liv ki ti'n ouver: Liv lavi. Bann mor ti ganny zize dapre sa ki zot ti'n fer, e dapre sa ki ti'n ganny ekri dan sa bann liv.

Revelasyon 22:12

Zezi ti azoute: Mon pe vini byento. Mon pou anmenn avek mwan mon rekonpans pour mwan pey sakenn dapre son bann aksyon.