Romen 2:5 - Labib An Kreol Seselwa

⁵ Me ou pa oule konpran; ou refize sanze. Pour sa rezon, ou pe anmas lo ou, en pli gran pinisyon kan Bondye pou devers lo ou son lakoler ek son zizman ki zis. Sa zour,

Romen 2:5 ပူးပေါင်းရင်းမြစ်များ

2 Kronik 30:8

Aprezan, aret antete parey zot zanset, me soumet zot anver SENYER; vin dan son sanktyer ki i'n konsakre pour touzour. Servi SENYER zot Bondye, pour li detourn kont zot son gran lakoler.

2 Kronik 36:13

Sedesyas ti revolte osi kont lerwa Naboukodonozor ki ti'n fer li pret serman lo non SENYER. Olye retourn ver SENYER, Bondye Izrael, i ti montre li retif e antete.

Liv Zob 21:30

Zour maler, bann malfeter i ganny eparnyen; lakoler Bondye i kit zot sen e sof.

Psonm 110:5

SENYER i lo ou kote drwat. Zour son lakoler i leve, i pou kraz bann lerwa.

Psonm 95:8

pa andirsi zot leker parey zot ti fer Meriba, parey zot ti fer dan dezer Massa.

Egzod 14:17

Mon pou andirsi leker bann Ezipsyen pour fer zot swiv deryer. Mon pou montre zot mon grander atraver Faraon, tou son larme, son bann kales lager ek son bann kavalye.

Egzod 32:34

Aprezan, ale! Al diriz mon pep dan sa landrwa ki mon'n dir ou. Mon lanz pour al par devan. Me zour mon pou entervenir, mon pou pini zot pour zot pese.”

Egzod 8:15

Me ler Faraon ti war ki ti nepli annan danze, i ti andirsi son leker e parey SENYER ti'n dir, i pa ti ekout zot.

Proverb 1:18

Me sa bann zans i poz en latrap pour zot prop maler; zot zet en lasenn kont zot prop lavi.

Proverb 11:4

Larises pa servi dan nanryen zour lakoler i leve; me lazistis i delivre dan lanmor.

Proverb 28:14

Sa enn ki touzour veye pour pa fer sa ki mal fer, i ere. Me sa enn ki annan leker dir pour konn maler.

Proverb 29:1

Sa enn ki ganny averti me ki rezenbe pour ganny tape en sel kou e san remed.

Eklezyas 12:14

Akoz Bondye pou ziz tou keksoz ki nou'n fer, tou sa ki dan kasyet, byen ou mal.

Ezai 48:4

Akoz mon konnen ki zot antete, ki zot likou i red parey en bar fer e zot fron i an bronz,

Zeremi 40:3

La aprezan, in realiz sa ki i ti'n dir i pou fer. Tousala in arive akoz ou pep in komet pese e i pa'n obei SENYER.

Ezekyel 11:19

Mon pou donn zot tou en menm leker. Mon pou met dan zot en nouvo lespri. Mon pou retir dan zot, sa leker ros e donn zot en leker laser.

Ezekyel 3:7

Me, bann Izraelit pa pou oule ekout ou, akoz zot pa oule ekout mwan. Zot latet i dir e zot leker i fermen.

Danyel 5:20

Me letan son leker ti ranpli avek lorgey e dan son lespri ti annan larogans, i ti ganny tire lo son tronn e ganny arase son loner.

Oze 13:12

Bann fot Efraim i ganny anmare byen sere e garde an rezerv dan en landrwa sir.

Amos 3:10

SENYER i deklare: Bann zabitan Samari pa konn viv dan en fason onnet; zot ranpli zot pale avek vyolans ek bann lobze vole.

Romen 1:18

Depi lesyel, Bondye i montre son lakoler kont tou pese e tou move aksyon ki zonm i fer lo later. Par zot move aksyon, zonm i anpes laverite azir.

Romen 11:25

Mon bann frer ek ser! Pour zot pa tonm dan lorgey e pran zot pour bann saz, mon oule revel zot en mister: En parti pep Izrael, pou persiste dan son landirsisman, ziska ki tou lezot pep ava'n aksepte Bondye.

Romen 9:22

Alor, Bondye in oule montre son lakoler e fer konnen son pwisans. Pourtan, in siport avek en gran pasyans bann ki merit son lakoler e ki ti pare pour destriksyon.

2 Korentyen 5:10

Annefe, nou tou nou devre prezant nou devan tribinal Kris, e sakenn ava resevwar sa ki i merite, pour sa ki i'n fer avek son lekor, swa an byen, swa an mal.

Deterononm 2:30

Me Sihonn, lerwa Hesbonn, pa ti les nou travers son pei. Annefe, SENYER, zot Bondye ti fer zot vin antete e andirsi son leker pour li livre zot anba ou pouvwar parey i ete ziska ozordi.

Deterononm 32:34

Sa en sekre ki mon'n kasyet, ki'n sele parmi mon bann trezor.

2 Tesalonisyen 1:5

Sa i prouve ki zizman Bondye i zis. I oule fer zot vin diny pour son Rwayonm pour lekel zot pe soufer.

Ebre 3:13

Okontrer, ankouraz kanmarad tou le zour, osi lontan ki i apel “ozordi” pour ki personn parmi zot, pa les li ganny tronpe par pese e andirsi son leker.

Ebre 3:15

Ensi, Lekritir i deklare: Ozordi, si zot antann son lavwa, pa andirsi zot leker, parey zot ti fer kan zot ti revolte.

Ebre 4:7

Alor, Bondye i fikse en nouvo zour ki apel: Ozordi. I ti dir sa plizyer lannen plitar par lentermedyer David, kot Lekritir i deklare: Ozordi, si ou antann son lavwa, pa andirsi ou leker.

Let Zak 5:3

Zot lor ek zot larzan in kouver avek larouy. Sa larouy pou servi koman temwen kont zot e pou devor zot laser parey dife. Zot in anmas bann trezor pour lafen letan.

Zozye 11:20

Annefe, SENYER ti'n andirsi zot leker pou fer lager kont Izrael, pour ki Izrael ava kapab masakre zot san pitye, e detri zot konpletman, parey SENYER ti'n ordonn Moiz.

2 Pyer 2:9

Sa i montre ki Senyer i konnen ki mannyer i pou delivre dimoun ki atase avek li kan zot dan difikilte, e gard bann malfeter pour pinisyon zour zizman.

2 Pyer 3:7

Kanta lesyel ek later aktyel, zot in ganny prezerve par sa menm parol, pour zot ganny detri par dife plitar. Zot i'n ganny garde pour sa zour zizman kan bann malfeter pou ganny detri.

Let Zid 1:6

Mon rapel zot koman serten lanz ki pa ti satisfe avek pouvwar ki zot ti annan, ti abandonn zot prop demer. Alor, Bondye i'n gard zot ansennen pour touzour dan fernwanr, dan fon labim, pour sa gran zour zizman.

Revelasyon 2:21

Mon'n donn li letan pour abandonn son pese, me i pa oule repanti.

Revelasyon 6:17

Annefe, sa gran Zour zot lakoler in arive. Lekel ki pou kapab tenir kont li?

1 Samyel 6:6

Akoz zot montre zot antete parey bann Ezipsyen ek Faraon? Zot devre rapel ki mannyer Bondye ti anmenn zot, ziska zot ti forse les pep Izrael ale.