Romen 2:14 - Labib An Kreol Seselwa

¹⁴ Bann non-Zwif ki pa konn komannman Bondye me ki obei zot konsyans, zot pe montre ki zot posed sa lalwa dan zot, menm si zot pa'n resevwar bann komannman Bondye.

Romen 2:14 ပူးပေါင်းရင်းမြစ်များ

Akt de Zapot 10:35

me dan nenport ki nasyon, tou dimoun ki annan respe pour li e ki fer sa ki byen, Bondye i kontan zot.

Akt de Zapot 14:16

Dan letan pase, Bondye in les tou bann nasyon fer sa ki fer zot plezir.

Akt de Zapot 17:30

Bondye nepli tenir kont bann letan kan bann imen ti pe viv dan linyorans. Me aprezan i apel tou dimoun dan nenport ki landrwa pour sanz zot mannyer viv.

Romen 1:32

Zot konn byen zizman Bondye: Bann ki viv en tel lavi, zot merit lanmor. Pourtan, zot kontinyen komet sa bann aksyon. Anplis ki sa, zot aprouv bann ki komet sa bann aksyon.

Romen 2:12

Tou dimoun ki'n fer pese san okenn konnesans Lalwa Moiz, pou mor san sibir sa Lalwa. Me tou bann ki'n fer pese avek konnesans Lalwa Moiz pou ganny zize dapre sa Lalwa.

Romen 2:15

Par zot konportman, zot montre ki lalwa in ekri dan zot leker. Zot konsyans i montre ki sa i vre, e zot lespri osi i akiz zot kan zot fer sa ki mal e defann zot kan zot fer sa ki byen.

Romen 2:27

Alor, sa enn ki pa'n ganny sirkonsi fizikman, me ki obei sa ki Lalwa i ordonnen, pou kondann ou, menm si ou posed Lalwa par ekri e ki ou'n ganny sirkonsi, akoz ou kas Lalwa.

1 Korentyen 11:14

Menm lanatir i ansenny zot ki i en laont pour en zonm annan seve long,

1 Korentyen 9:21

Demenm, parmi bann ki pa konn Lalwa Moiz, mon vin parey bann ki pa konn Lalwa, pour mwan ganny zot. Pourtan, devan Bondye, mon obei lalwa, akoz mon soumet mwan anba lalwa Kris.

Efezyen 2:12

Rapel zot ki dan sa letan, zot ti separe avek Kris. Zot ti bann etranze ki pa ti fer parti pep Izrael. Zot pa ti annan okenn par dan lalyans baze lo promes Bondye. Zot ti pe viv dan lemonn san okenn lespwar e san Bondye.

Efezyen 2:3

Nou tou, nou ti parey zot avan: Nou ti pe viv dapre pasyon nou prop natir; nou ti swiv bann dezir nou lekor ek nou lespri. Pour sa rezon, par natir, nou ti bann zanfan lakoler parey tou lezot imen.

Deterononm 4:7

Annefe, lekel sa lot gran nasyon ki annan en bondye ki si pros avek li parey SENYER, nou Bondye, sak fwa ki nou apel li?

Filipyen 4:8

Finalman, mon bann frer ek ser! Mon konsey zot, atas zot avek tou sa ki bon e ki merit ganny loue: Tou sa ki vre, respektab, zis, pir, agreab e onorab.