Romen 2:13 - Labib An Kreol Seselwa

¹³ Annefe, pa bann ki ekout Lalwa, ki ganny zistifye devan Bondye, me bann ki obei sa ki Lalwa i ordonnen, ki ganny zistifye.

Romen 2:13 ပူးပေါင်းရင်းမြစ်များ

Psonm 143:2

Pa ziz ou serviter, akoz napa personn ki zis devan ou.

Zeremi 11:6

SENYER ti dir mwan: Anons sa mesaz dan bann lavil Zida e dan bann semen Zerizalenm. Dir lepep ekout bann kondisyon sa lalyans e met zot an pratik.

Ezekyel 20:11

Mon ti donn zonm mon bann lalwa e fer zot konn mon bann regleman ki pou fer zot viv, si zot met li an pratik.

Levanzil dapre Lik 18:14

Mon dir zot, sa kolekter taks ti retourn kot li son pese pardonnen, me pa sa Farizyen. Annefe, tou dimoun ki esey pas pour pli enportan, pou ganny abese e bann ki abes zot, pou vin pli enportan.”

Levanzil dapre Lik 8:21

Me Zezi ti reponn zot, “Mon manman ek mon bann frer, se sa bann ki antann Parol Bondye e met li an pratik.”

Levanzil dapre Zan 13:17

Aprezan ki zot konn sa, zot ava ere si zot met li an pratik.

Akt de Zapot 13:39

Par li, tou dimoun ki krwar i ganny libere avek tou sa ki Lalwa Moiz pa ti kapab liber zot.

Romen 10:5

Moiz in ekri ki en dimoun ki pratik lazistis baze lo Lalwa, pou viv par Lalwa.

Romen 2:25

Si ou obei Lalwa, sirkonsizyon i itil pour ou. Me si ou dezobei Lalwa, i parey konmsi ou pa'n ganny sirkonsi.

Romen 3:20

Annefe, napa personn ki pou pas pour zis devan li akoz in obei Lalwa. Lalwa i zis permet en dimoun konnen ki i'n komet pese.

Romen 3:23

Annefe, tou dimoun in fer pese e in perdi mazeste Bondye.

Romen 3:30

akoz i annan en sel Bondye. Par lafwa i pou rann zis devan li bann Zwif sirkonsi, e par lafwa egalman bann non-Zwif ki pa'n ganny sirkonsi.

1 Korentyen 4:4

Mon konsyans i kler; me sa, pa rann mwan inosan. Senyer li menm ki mon ziz.

Galat 2:16

Nou konnen ki en dimoun pa ganny zistifye devan Bondye an pratikan sa ki Lalwa Moiz i ordonnen, me par lafwa dan Zezi-Kri. Nou osi nou'n krwar dan Zezi-Kri, pour ki nou ganny zistifye par lafwa dan Kris, e non pa akoz nou pratik tou sa ki Lalwa Moiz i ordonnen. Annefe, personn pa pou ganny zistifye akoz i pratik sa ki Lalwa Moiz i ordonnen.

Galat 5:4

Zot tou ki pe esey rod ganny zistifye par Lalwa, zot in separe avek Kris, e zot in perdi lagras.

Deterononm 4:1

Moiz ti dir pep Izrael: Aprezan, Izrael! Ekout bann regleman ek bann lalwa ki mon pe ansenny zot, pour zot met an pratik. Konmsa, zot ava viv pour antre e pran posesyon pei ki SENYER, Bondye zot bann zanset pe al donn zot.

Deterononm 5:1

Moiz ti rasanble pep Izrael antye. I ti dir zot: Izrael! Ekout bann lalwa ek regleman ki mon pe donn zot ozordi. Aprann zot e fer sir ki zot ganny met an pratik.

Deterononm 6:3

Izrael! Ekoute alor, e obzerv byen sa bann komannman. Konmsa, zot ava viv ere e zot ava ganny bokou zanfan dan sa pei kot dile ek dimyel i koule annabondans, parey SENYER, Bondye ou bann zanset in promet zot.

Let Zak 1:27

La sa ki Bondye Papa i konsider koman en relizyon pir e san defo: Pran swen bann orfelen ek bann vev dan zot detres; pa les ou ganny sali par salte sa monn.

1 Zan 2:29

Zot konnen ki Kris i zis. Alor, zot devre rekonnet ki sa enn ki pratik lazistis, i en zanfan Bondye.

1 Zan 3:7

Mon bann zanfan! Pa les personn tronp zot. Sa enn ki pratik lazistis, li osi i zis, parey Zezi-Kri li menm i zis.