Romen 2:12 - Labib An Kreol Seselwa

¹² Tou dimoun ki'n fer pese san okenn konnesans Lalwa Moiz, pou mor san sibir sa Lalwa. Me tou bann ki'n fer pese avek konnesans Lalwa Moiz pou ganny zize dapre sa Lalwa.

Romen 2:12 ပူးပေါင်းရင်းမြစ်များ

Matye 11:22

Pour sa rezon, mon dir zot ki zour zizman, Tir ek Sidon pou ganny trete mwen severman ki zot.

Matye 11:24

Pour sa rezon, mon dir zot ki zour zizman, Sodonm pou ganny trete mwen severman ki zot.

Levanzil dapre Zan 19:11

Zezi ti reponn li, “Ou pa ti pou annan pouvwar lo mwan, si Bondye pa ti'n donn ou. Pour sa rezon, sa zonm ki'n livre mwan dan ou lanmen i pli koupab ki ou.”

Akt de Zapot 2:23

Sa zonm ki Bondye, par son prop volonte e konnesans, ti'n etabli davans dan son plan, i'n ganny livre dan zot lanmen. Bann zonm kriminel ti touy li e klout li lo lakrwa.

Romen 1:32

Zot konn byen zizman Bondye: Bann ki viv en tel lavi, zot merit lanmor. Pourtan, zot kontinyen komet sa bann aksyon. Anplis ki sa, zot aprouv bann ki komet sa bann aksyon.

Romen 4:15

Annefe, Lalwa i provok lakoler Bondye. Me la kot napa Lalwa, napa osi dezobeisans Lalwa.

Romen 8:3

Bondye in fer sa ki Lalwa Moiz pa ti kapab, akoz febles natir imen ti rann lalwa enpwisan. Bondye in anvoy son prop Garson dan en natir parey natir pese. I'n kondann pese dan natir imen.

1 Korentyen 9:21

Demenm, parmi bann ki pa konn Lalwa Moiz, mon vin parey bann ki pa konn Lalwa, pour mwan ganny zot. Pourtan, devan Bondye, mon obei lalwa, akoz mon soumet mwan anba lalwa Kris.

Galat 3:10

Me tou dimoun ki kont lo lobeisans Lalwa, zot anba malediksyon. Annefe, Lekritir i deklare: Modi sa enn ki pa gard tou sa ki'n ekri dan sa liv Lalwa, e pa met li an pratik.

Galat 3:22

Me Lekritir in dir ki pese i kontrol tou keksoz, pour ki promes i ganny akonpli par lafwa an Zezi-Kri, pour tou dimoun ki krwar.

Deterononm 27:26

Malediksyon lo sa enn ki pa gard bann parol sa lalwa i ki pa met zot an pratik. Lepep ava dir: Amenn!

Let Zak 2:10

Annefe, si en dimoun i met an pratik tou bann komannman, me i mank en pwen ladan, i koupab anver tou leres.