Romen 2:11 - Labib An Kreol Seselwa

¹¹ akoz Bondye pa fer preferans pour personn.

Romen 2:11 ပူးပေါင်းရင်းမြစ်များ

2 Kronik 19:7

Mon swete ki zot annan gran respe pour SENYER. Azir byen dan tou sirkonstans, akoz dan SENYER nou Bondye, napa ni lenzistis, ni preferans, ni koripsyon.”

Liv Zob 34:19

Bondye pa fer lapreferans pour bann sef; i pa montre lapreferans ant ris ek pov parey, akoz zot tou le de, zot ti ganny kre par li.

Matye 22:16

Zot ti anvoy serten zot bann disip ek serten manm dan parti Herod kot Zezi pou dir li, “Met! Nou konnen ki ou fran e ki ou ansenny semen Bondye dan tou laverite, san les personn enfliyans ou, akoz ou pa fer lapreferans pour personn.

Levanzil dapre Lik 20:21

Zot ti kestyonn li, “Met! Nou konnen ki sa ki ou dir e ansennyen i vre; ki ou pa fer lapreferans pour personn, me ou ansenny vre semen Bondye.

Akt de Zapot 10:34

Pyer ti pran laparol. I ti dir, “Aprezan, mon vreman konpran ki Bondye pa fer preferans pour personn,

Romen 9:14

Alor eski nou pou dir ki Bondye i enzis? Pa ditou!

Galat 2:6

Me bann ki ti ganny konsidere koman dirizan parmi zot, pa fer mwan nanryen pour konnen ki zot ti ete, akoz Bondye pa ziz dapre laparans; sa bann dirizan pa ti enpoz okenn nouvo lord lo mwan.

Efezyen 6:9

Zot, bann met! Fer parey. Tret byen zot bann serviter e aret fer bann menas. Mazinen ki zot menm, ansanm avek zot bann serviter, zot annan en menm Met ki dan lesyel, ki pa fer okenn preferans.

Deterononm 10:17

SENYER, zot Bondye i Bondye tou lezot bondye e SENYER tou senyer. I sa pli gran Bondye pwisan e terib ki pa fer preferans e i pa aksepte gous.

Deterononm 16:19

Ou pa devre fos lazistis; ou pa devre ziz dapre laparans. Ou pa devre aksepte gous, akoz gous i bous lizye en saz e i fos desizyon en zonm zis.

Kolosyen 3:25

Sak dimoun ki mal fer, pou pey pour lemal ki i'n fer, akoz Bondye pa fer preferans pour personn.

1 Pyer 1:17

Kan zot priye, zot apel Bondye koman zot Papa. I pa fer okenn preferans, e i ziz sak dimoun dapre sa ki i'n fer. Alor, pandan sa letan ki reste pour zot lo later, montre ki zot annan respe pour li, par zot mannyer viv.