Romen 2:10 - Labib An Kreol Seselwa

¹⁰ Par kont, pou annan laglwar, loner ek lape pour tou dimoun ki pratik sa ki byen, Zwif dabor, me osi pour bann non-Zwif,

Romen 2:10 ပူးပေါင်းရင်းမြစ်များ

Liv Zob 22:21

Fer lape avek Bondye e alor ou ava anpe. Alor, ou ava retrouv ou boner.

Psonm 15:2

Sa enn ki san repros, ki fer sa ki byen, ki dir laverite e son leker i onnet;

Psonm 29:11

SENYER pou donn son pep lafors. SENYER pou beni son pep e donn li lape.

Psonm 37:37

Obzerv byen en dimoun onnet; get sa enn ki senp e drwat. Sa enn ki kontan lape pour viv lontan.

Proverb 11:18

En malfeter i travay pour nanryen; me sa enn ki senm lazistis i ganny en vre rekonpans.

Proverb 8:18

Mon posed larises ek loner, bann byen dirab ek lazistis.

Ezai 26:12

SENYER! Ou'n akord nou lape, akoz vreman, tou sa ki nou'n fer, se ou ki'n fer pour nou.

Ezai 32:17

Lazistis pou anmenn lape. Lazistis pou anmenn trankilite ek sekirite pour touzour.

Ezai 48:18

Si selman ou ti'n ekout mon bann komannman! Alor, ou ti ava'n prospere parey en larivyer e ou bann reisit parey bann laroul dan lanmer.

Ezai 48:22

SENYER i deklare: Napa lape pour dimoun ki move.

Ezai 55:12

Zot pou sorti dan lazwa e retourn dan lape. Devan zot, bann montanny ek bann kolin pou sant lazwa e tou pye dibwa ki dan bann laplenn pou bat lanmen.

Ezai 57:19

SENYER i deklare: Lape! Lape pour sa enn ki lwen, pour san enn ki pros! Mon pou geri zot tou!

Zeremi 33:6

Malgre sa, mon pou swanny sa lavil e mon pou geri son bann zabitan e fer zot viv dan lape e an sekirite.

Nonm 6:26

SENYER ava lev son regar lo ou e donn ou lape!

Matye 10:13

Si bann zabitan sa lakaz i resevwar zot, zot salitasyon lape ava reste dan sa lakaz. Me si zot pa ganny akeyir, repran zot salitasyon lape.

Levanzil dapre Lik 1:79

I pou ekler tou dimoun ki reste dan fernwanr e dan lonbraz lanmor. I pou diriz nou lepa lo semen lape.

Levanzil dapre Lik 12:37

Ere sa bann serviter ki zot met i war pe veye kan i arive! Mon dir zot, sa i laverite: I pou met son tabliye, fer zot osi asiz atab, e servi zot.

Levanzil dapre Lik 19:42

I ti dir, “Si ozordi ou ti konnen ou osi, ki mannyer pour trouv lape! Me aprezan in ganny kasyet pour ou!

Levanzil dapre Lik 22:14

Kan ler ti arive, Zezi ti atab avek son bann zapot.

Levanzil dapre Lik 9:48

I ti dir zot, “Sa enn ki resevwar sa zanfan an mon non, i resevwar mwan menm, e sa enn ki resevwar mwan, i resevwar sa enn ki'n anvoy mwan. Sa enn ki pli pti parmi zot, li menm ki pli enportan.”

Levanzil dapre Zan 12:26

Sa enn ki oule servi mwan, fodre ki i swiv mwan; e la kot mon ete, mon serviter ava la avek mwan. Sa enn ki oule servi mwan, mon Papa pou rekonpans li.”

Levanzil dapre Zan 14:27

Mon kit lape avek zot, mon donn zot mon lape. Selman, mon pa donn zot lape parey lemonn i donnen. Pa bezwen enkyet e pa bezwen per sa ki pou arive.

Levanzil dapre Zan 16:33

Mon'n dir zot tousala pour ki zot ganny lape e reste ini avek mwan. Dan lemonn, zot bezwen soufer. Me pran kouraz. Mwan, mon'n ranport laviktwar lo lemonn.”

Akt de Zapot 10:35

me dan nenport ki nasyon, tou dimoun ki annan respe pour li e ki fer sa ki byen, Bondye i kontan zot.

Romen 14:17

Rwayonm Bondye pa en zafer manze ek bwar, me i lazistis, lape ek lazwa dan Lespri Sen.

Romen 15:13

Bondye, ki donn lesperans, ava ranpli zot avek lazwa ek lape parfe dan lafwa. I ava rann zot ris avek lesperans, par pwisans Lespri Sen.

Romen 2:7

Bann ki fer lebyen, pou ganny laglwar, loner ek limortalite.

Romen 2:9

Pour dimoun ki pratik sa ki mal, pou annan soufrans ek douler, dabor, pour bann Zwif me osi pour bann non-Zwif.

Romen 5:1

Ensi, aprezan ki nou'n ganny zistifye par nou lafwa, nou anpe avek Bondye par nou Senyer Zezi-Kri.

Romen 8:6

Kan nou dezir i ganny kontrole par natir imen, i anmenn lanmor. Me kan nou dezir i ganny kontrole par Lespri, i anmenn lavi ek lape.

Romen 9:21

Eski en potye napa drwa fer sa ki i oule avek son later, e avek menm lapat fabrik en vaz presye e en vaz ordiner?

Romen 9:23

Me i'n osi oule montre larises son mazeste pour bann anver ki i'n annan pitye, bann ki i'n prepare davans pour partisip dan son laglwar.

Galat 5:22

Me la bann fri ki Lespri i prodwi: Lanmour, lazwa, lape, pasyans, labonte, zenerozite, fidelite,

Galat 5:6

Annefe, ni sirkonsizyon, ni ensirkonsizyon pa enportan. Lafwa ki azir par lanmour ini avek Kris Zezi ki konte.

Filipyen 4:7

Alor, lape Bondye ki depas tou disernman imen, ava gard zot leker ek zot lespri ini avek Zezi-Kri.

1 Timote 1:17

Annou rann loner ek laglwar anver Lerwa eternel, sel Bondye imortel e envizib pour touzour! Amenn.

Ebre 2:7

Ou'n abes li pli ba ki bann lanz pour en pti pe letan. Ou'n kouronn li avek laglwar ek loner.

Let Zak 2:22

Ensi, ou war ki son lafwa ti travay ansanm avek son aksyon e son lafwa ti ganny konplete par son bann aksyon.

Let Zak 3:13

Lekel parmi zot ki saz e annan disernman? I devre prouv li par son bon mannyer viv, par son bann bon aksyon fer avek douser ek lasazes.

1 Pyer 1:7

Tousala i vin lokazyon donn vre valer zot lafwa, ki pli presye ki lor. Parey lor, malgre ki i kapab abimen kan i ganny teste par dife, zot lafwa i devre ganny teste pour montre son valer. Alor, i ava servi pour rann glwar, louanz ek loner Zezi-Kri, kan i pou ganny revele.

1 Pyer 5:4

Kan Sef bann berze pou aparet, zot pou resevwar kouronn laglwar ki pa zanmen terni.

1 Samyel 2:30

Alor la sa ki SENYER, Bondye Izrael i deklare: Mon ti promet ou fanmir ek fanmir ou papa ki zot pou vin mon pret pour touzour. Me la aprezan SENYER i deklare: Aprezan, mon onor sa ki onor mwan, me sa ki mepriz mwan, pou ganny meprize li osi.