Romen 13:6 - Labib An Kreol Seselwa

⁶ Pour sa menm rezon ki zot pey taks, akoz lotorite ki ranmas taks, pe travay pour Bondye.

Romen 13:6 ပူးပေါင်းရင်းမြစ်များ

2 Samyel 8:5

Ler bann Siriyen Damas ti vin ed Adadezer lerwa Soba, David ti touy 22,000 Siriyen.

1 Kronik 18:14

David ti renny lo pep Izrael e i ti pas zizman avek drwatir lo tou son pep.

Esdras 4:13

Nou pe fer konnen lerwa ki, si sa lavil i ganny rekonstri e si son bann miray i ganny repare, zot pa pou pey okenn taks, ni drwa ladwann, ek drwa pasaz. Finalman, kof rwayal pou fer pert.

Esdras 4:20

I'n annan bann gran lerwa dan Zerizalenm, ki ti renny lo provens antye, lo lot kote larivyer e ki zot ti resevwar taks, drwa ladwann ek drwa pasaz.

Esdras 6:8

Aprezan, mon ordonnen ki bann ansyen parmi bann Zwif ki pe rekonstri tanp Bondye ava ganny peye, antyerman e san tarde, apartir reveni rwayal e taks ki sorti dan provens lo lot kote larivyer Efrat. Remet egzakteman larzan avek sa bann zonm pour ki sa travay pa ganny enteronpe.

Nehemi 5:4

Lezot ankor ti dir: Nou'n donn an garanti nou plantasyon ek nou bann plantasyon rezen pour pey taks lerwa.

Levanzil dapre Lik 23:2

kot zot ti konmans akiz li. Zot ti dir, “Nou'n trouve ki sa zonm pe met troub dan nou nasyon. I defann nou pey taks Sezar, e i pe dir ki se li menm Mesi, en lerwa.”

Romen 12:8

Sa enn ki annan don pour ankouraz lezot, i devre fer li. Sa enn ki partaz son byen avek lezot, i devre fer li avek zenerozite. Sa enn ki dirize, i devre fer li byen. Sa enn ki ed malere i devre fer li dan lazwa.

Romen 13:5

Alor, i bon ki ou soumet ou avek lotorite, pa zis pour evit lakoler Bondye me akoz i en devwar de konsyans.

Romen 13:7

Rann tou dimoun sa ki zot merite: Ki swa taks, ki swa taks lo reveni; ki swa respe, ki swa loner, anver sa enn ki fodre.