Romen 13:4 - Labib An Kreol Seselwa

⁴ Annefe, lotorite i dan servis Bondye pour li fer ou dibyen. Me si o kontrer ou fer sa ki mal, la alor, ou devre per, akoz pa pour nanryen ki i annan pouvwar pou pini. Lotorite i la koman en serviter Bondye pour egzekit lakoler Bondye lo tou malfeter.

Romen 13:4 ပူးပေါင်းရင်းမြစ်များ

1 Rwa 10:9

Loue SENYER, ou Bondye ki'n swazir ou e plas ou lo tronn Izrael! Akoz SENYER i kontan Izrael pour touzour; i'n etabli ou lerwa, pour ki ou azir dapre ladrwatir ek lazistis.”

2 Kronik 19:6

I ti dir zot, “Fer atansyon dan tou sa ki zot fer. Rann zizman ki zis, fer li non pa pour zonm, me pour SENYER. I ava avek zot ler zot rann zizman.

Proverb 16:14

Lakoler en lerwa i en mesaze lanmor; en dimoun saz i kapab kalme li.

Proverb 20:2

Lakoler en lerwa i parey gronnyman en zenn lyon; sa enn ki fer lerwa ankoler, i riske son lavi.

Proverb 20:26

En lerwa saz i fer fannen bann malfeter; i kraz zot anba larou maler lo zot.

Proverb 20:8

Kan lerwa i syez lo son tronn pour rann zizman, i war toudswit sa ki move.

Ezai 1:17

Aprann fer sa ki byen, rod lazistis, sov sa enn ki ganny kraze; defann bann orfelen, pran ka avek bann vev.

Zeremi 5:28

Zot in vin gro e gra. Zot move mannyer fer napa limit: Zot fer sir ki drwa bann orfelen pa ganny zize korekteman. Zot pa tenir kont drwa bann pov.

Ezekyel 22:27

Zot bann prens i parey loulou ki desir son viktim. Zot touy dimoun pour akapar zot byen.

Ezekyel 25:14

Mon pou les mon pep Izrael tir vanzans kont Edonm. Izrael pou tret zot dapre mon gran lakoler e zot ava rekonnet mon vanzans, Senyer BONDYE i deklare.

Mise 3:9

Ekoute! Zot bann sef dan fanmir Zakob, bann ziz dan fanmir Izrael! Zot ay lazistis; zot tordi tou sa ki drwat.

Romen 12:19

Mon bann zanmi! Pa fer zot prop vanzans, me les lakoler Bondye azir. Annefe, Senyer i deklare dan Lekritir: Mwan ki pou fer vanzans. Mwan ki pou fer peye.

Romen 13:6

Pour sa menm rezon ki zot pey taks, akoz lotorite ki ranmas taks, pe travay pour Bondye.

1 Tesalonisyen 4:6

Personn pa devre fer ditor son prosen, ni tronp son frer dan sa zafer, akoz Senyer i pini bann aksyon parey. Nou'n deza averti zot lo sa size.

Zozye 20:5

Si vanzer disan pe pourswiv li, bann zabitan lavil pa pou livre sa dimoun dan son lanmen. Annefe, se par aksidan ki i ti touy son prosen; ti napa okenn laenn antre zot avan.

Zozye 20:9

Sa ti bann lavil ki ti ganny swazir pour servi koman refiz pour tou bann Izraelit, ek bann etranze ki ti pe reste parmi zot. Konmsa, sa enn ki'n touy en dimoun par aksidan, ti kapab al rod refiz laba e sap vanzans vanzer disan, avan son ka i pas devan lakominote.

1 Pyer 2:14

bann gouverner ki'n ganny anvoye par lerwa, pour pini bann malfeter e pour felisit bann ki fer sa ki byen.