Romen 12:8 - Labib An Kreol Seselwa

⁸ Sa enn ki annan don pour ankouraz lezot, i devre fer li. Sa enn ki partaz son byen avek lezot, i devre fer li avek zenerozite. Sa enn ki dirize, i devre fer li byen. Sa enn ki ed malere i devre fer li dan lazwa.

Romen 12:8 ပူးပေါင်းရင်းမြစ်များ

2 Korentyen 9:7

Fodre ki sakenn i donn dapre sa ki i'n deside, pa avek regre oubyen par lobligasyon. Annefe, Bondye i kontan sa enn ki donn avek lazwa.

1 Timote 5:17

Bann ansyen ki diriz byen Legliz, zot merit resevwar en doub lapey, sirtou bann ki annan responsabilite pour prese e ansennyen.

1 Korentyen 12:28

Dan Legliz, Bondye in etabli premyerman bann zapot, dezyenmman bann profet, trwazyenmman bann ansennyan. Answit, i vin bann ki annan don fer mirak; apre bann ki annan don pour geri bann malad, bann ki ed lezot, bann ki dirize, e bann ki annan don pour koz diferan lalang.

Ebre 13:17

Obei zot bann dirizan e swiv zot lord. Annefe sa bann dimoun pe kontinyelman vey lo zot, akoz zot pou bezwen rann kont lo zot size. Les zot fer zot travay dan lazwa, olye dan lapenn. Sa pa pou anmenn okenn lavantaz pour zot.

Akt de Zapot 15:32

Zid ek Silas ki ti zot menm profet, ti koz lontan avek bann frer, pour ankouraz zot e fortifye zot dan lafwa.

Akt de Zapot 13:15

Apre lektir dan liv Lalwa ek bann profet, bann sef sinagog ti fer dir zot, “Bann frer! Si zot annan okenn mesaz pour ankouraz lasanble, zot kapab pran laparol.”

Ebre 13:24

Fer konpliman tou zot bann dirizan ek tou bann krwayan. Bann frer ki sorti Itali i fer zot salanm.

Ebre 13:22

Mon bann frer! Mon demann zot pour siport avek pasyans sa bann parol lankourazman. Annefe, mon let pa long.

Ebre 13:7

Rapel bann ansyen ki'n anons zot Parol Bondye. Mazinen ki mannyer zot in viv; imit zot lafwa.

Ebre 10:25

Annou pa abandonn nou lasanble parey serten parmi zot i abitye fer, me ankouraz kanmarad, sirtou la ki sa Zour Senyer pe aprose.

2 Korentyen 8:12

Annefe, si nou met nou bonn volonte, Bondye i aksepte nou don, pa dapre sa ki nou napa, me dapre sa ki nou annan.

1 Korentyen 14:3

Me sa enn ki profetize, i koz avek dimoun: I fer zot progrese; i ankouraze e i konsole.

Akt de Zapot 20:28

Vey byen lo zot lekor e pran swen troupo ki Lespri Sen in konfye zot koman bann gardyen. Pran swen Legliz ki Bondye in gannyen par disan son prop Garson.

Akt de Zapot 20:2

Pandan ki i ti travers sa rezyon, i ti donn bann krwayan bokou lankourazman. Apre, i ti al Lagres,

1 Timote 4:13

An atandan ki mon arive, pas ou letan dan lektir Parol Bondye an piblik, pres laparol e ansennyen.

1 Tesalonisyen 2:8

Akoz nou lafeksyon pour zot, nou ti pare pour anons zot non selman Bonn Nouvel Bondye, me osi donn nou prop lavi pour zot, akoz nou lanmour pour zot i gran.

1 Tesalonisyen 2:3

Annefe, mesaz ki nou delivre pa baze ni lo lerer ni lo rezon imoral. E nou pa pe rod tronp personn.

Kolosyen 3:22

Serviter! Obei zot bann met lo later dan tou keksoz. Pa fer li zis kan zot met i war zot, zis pour fer plezir, me fer li avek en leker senser, par respe pour Senyer.

Efezyen 6:5

Bann serviter! Zot devre obei zot met lo later avek bokou respe, e travay dan son servis onnetman, parey ou ti ava fer si ou ti pe servi Kris.

2 Korentyen 11:3

Me mon per ki, parey Ev ti ganny tronpe par riz serpan, zot les zot lespri egare lwen avek senserite ek lapirte ki zot devre annan anver Kris.

2 Korentyen 9:13

Bokou dimoun ki pou apresye valer sa don, pou rann glwar Bondye pour zot lobeisans ki temwanny zot fidelite anver Bonn Nouvel Kris. Sa don ava osi rann glwar Bondye pour zot zenerozite dan partaz sa ki zot annan avek sa bann frer e avek tou lezot ankor.

2 Korentyen 9:11

I ava gard zot touzour ase ris, pour ki zot ava toultan zenere. Alor, bokou ava remersye Bondye pour bann don ki zot gannyen par nou lentermedyer.

2 Korentyen 1:12

La sa ki fer nou fyer: Nou konsyans i dir nou ki nou kondwit dan lemonn, e sirtou anver zot, in avek senplisite ek senserite devan Bondye; non pa avek lasazes imen, me avek lagras Bondye.

Romen 13:6

Pour sa menm rezon ki zot pey taks, akoz lotorite ki ranmas taks, pe travay pour Bondye.

Romen 12:13

Ed zot bann frer ki dan bezwen e pratik lospitalite.

Matye 25:40

Lerwa pou reponn zot: Mon dir zot, sa i laverite: Sak fwa ki zot ti fer sa, pour enn bann pli pti parmi mon bann frer, se anver mwan, ki zot ti fer li!

Ezai 64:5

Ou ed sa bann ki fer sa ki byen san ezite, sa bann ki mars dapre ou lalwa. Me ou ti ankoler akoz nou ti fer pese; ou ti kasyet ou akoz nou ti'n transgres ou lalwa.

Ezai 32:8

Me dimoun onnet i annan lentansyon nob; son aksyon i drwat.

Ezai 32:5

Pou nepli apel en dimoun fou, nob, ni dir en fourb, onorab.

Eklezyas 11:6

Alor, byen granmaten senm ou legren e menm aswar, pa arete. Ou pa konnen lekel ant zot ki pou reisi, oubyen lekel ki bon.

Eklezyas 9:10

Tou sa ki ou lanmen i kapab fer, fer li avek ou prop lafors akoz pou napa ni aktivite, ni rezon, ni konnesans, ni lasazes dan lemonn lanmor, kot ou pe ale.

Proverb 22:9

Sa enn ki bon pou ganny beni, akoz i partaz son manze avek bann pov.

Psonm 112:9

Zot in donn avek bonker; zot in donn bann pov. Zot lazistis i reste pour touzour Zot lafors i ogmante avek loner.

Psonm 37:21

Malfeter i demann pret larzan me zanmen i rann. Sa enn ki obei SENYER i annan pitye e i touzour partaze.

Deterononm 16:11

Avek ou bann garson, ou bann fiy, ou bann serviter, ou bann servant, bann levit ki reste dan ou bann lavil, bann etranze, bann orfelen ek bann vev ki viv parmi zot, ou ava fer lafet dan landrwa kot SENYER ava swazir pour fer reste prezans son non.

Deterononm 15:14

Ou ava donn li bann kado sorti parmi ou troupo, dan ou rezerv dible ek diven. Konmsa, ou ava'n donn li en pe sa bann prodwi ki SENYER, ou Bondye in donn ou.

Zenez 18:19

Annefe, mon'n swazir li, pour li ansenny son bann zanfan ek son desandans apre li, pour zot gard komannman SENYER dapre lazistis ek ladrwatir. Konmsa, SENYER ava akonpli sa ki i'n promet Abrahanm.”

Akt de Zapot 13:12

Kan i ti war sa ki ti'n arive, gouverner ti krwar. Annefe, lansennyman konsernan Senyer ti'n enpresyonn li en kantite.

Akt de Zapot 4:36

Par egzanp, ti annan en zonm, Zozef, sorti dan tribi Levi, e ki ti'n ne dan zil Sip. Bann zapot ti'n apel li Barnabas, (savedir, sa enn ki donn lankourazman.)

Akt de Zapot 11:23

Kan i ti ariv Antyos, i ti war ki mannyer Bondye ti'n beni son pep. I ti kontan e i ti ankouraz zot pour reste fidel anver Senyer.

1 Timote 6:18

Konsey zot pour fer sa ki byen; zot devre ris an bonn aksyon. Zot devre montre zot zenere e touzour pare pour partaz avek lezot.