Romen 12:7 - Labib An Kreol Seselwa

⁷ Si en lot i annan don servis, i devre annan lespri servis. Si enn i annan don pour lansennyman, i devre byen ansennyen.

Romen 12:7 ပူးပေါင်းရင်းမြစ်များ

Psonm 34:11

Mon bann zanfan! Vini. Ekout mwan. Mon ava ansenny zot respe pour SENYER.

Psonm 51:13

Alor, mon ava ansenny bann ki rebel e bann peser ava retourn ver ou.

Eklezyas 12:9

Fodre osi azoute: En saz, anplis son lasazes, Eklezyas in osi ansenny konnesans. In peze, egzamin a fon e met annord bokou proverb.

Ezai 21:8

Alor sa santinel ti kriye: SENYER! Mon debout tou lazournen; mon pe veye lo mon tour. Mon lo post pe veye tou lannwit.

Matye 28:19

Al parmi zabitan bann nasyon, e fer zot vin mon bann disip. Batiz zot lo non Papa, lo non Garson e lo non Lespri Sen.

Levanzil dapre Zan 3:2

En swar i ti vin kot Zezi. I ti dir li, “Met! Nou konnen ki ou en profeser anvoye par Bondye. Personn pa kapab fer sa bann siny ki ou pe fer, si Bondye pa avek li.”

Akt de Zapot 13:1

Dan Legliz Antyos, ti annan bann profet ek bann ansennyan: Barnabas, Simeon, ki zot ti apel Nizer, Lisiis ki sorti Sirenn, Manaen ki ti'n grandi avek gouverner Herod, ek Sol.

Akt de Zapot 20:20

Zot konnen ki mon pa'n kasyet nanryen ki ti kapab itil pour zot, kan mon'n ansennyen an piblik e dan zot lakaz.

Akt de Zapot 20:28

Vey byen lo zot lekor e pran swen troupo ki Lespri Sen in konfye zot koman bann gardyen. Pran swen Legliz ki Bondye in gannyen par disan son prop Garson.

Akt de Zapot 6:1

Pandan sa bann letan, koman lakantite disip ti'n ogmante, ti annan konplent ant bann Zwif ki koz Grek ek bann Zwif ki koz Ebre. Bann Zwif ki koz Grek ti plennyen an dizan ki zot bann vev ti pe ganny neglize dan distribisyon manze.

1 Korentyen 12:28

Dan Legliz, Bondye in etabli premyerman bann zapot, dezyenmman bann profet, trwazyenmman bann ansennyan. Answit, i vin bann ki annan don fer mirak; apre bann ki annan don pour geri bann malad, bann ki ed lezot, bann ki dirize, e bann ki annan don pour koz diferan lalang.

1 Korentyen 12:5

plizyer fason servi, me en menm Senyer;

1 Korentyen 14:26

Alor mon bann frer ek ser! Ki fodre fer? Kan zot rasanble, si enn parmi zot i annan en kantik, en lot en lansennyman, en lot en revelasyon, en lot en mesaz dan en lalang enkoni, e en lot ankor lenterpretasyon sa mesaz, tousala i devre ed Legliz progrese.

Galat 6:6

Sa enn ki resevwar lansennyman Laparol, i devre partaz sa ki i annan avek sa enn ki ansenny li.

Efezyen 4:11

Li menm ki'n etabli serten koman zapot, ouswa koman profet; serten pour anons Bonn Nouvel, serten koman paster, oubyen serten koman ansennyan.

Deterononm 33:10

Zot ava ansenny Zakob ou bann regleman e Izrael ou Lalwa. Zot ava ofer lansan devan ou e bann sakrifis konplet lo ou lotel.

Kolosyen 4:17

Dir Arsip, fer sir ki i fer byen sa travay ki i'n ganny konfye dan servis Senyer.

1 Timote 2:7

Pour sa rezon, ki mon'n ganny anvoye koman en zapot e ansennyan kot bann non-Zwif, pour anons mesaz lafwa ek laverite. Mon pa pe koz manti, mon pe dir laverite.

1 Timote 3:2

En dirizan dan Legliz i devre en zonm san okenn repros, mari en sel fanm, modere dan tou, rezonnab, respektab, kontan donn lospitalite, kapab byen ansennyen.

1 Timote 4:16

Vey byen lo ou fason viv e fer atansyon ou lansennyman. Kontinyen persevere. Annefe, si ou azir konmsa, ou ava sov ou lekor ek tou bann ki ekout ou.

1 Timote 5:17

Bann ansyen ki diriz byen Legliz, zot merit resevwar en doub lapey, sirtou bann ki annan responsabilite pour prese e ansennyen.

2 Timote 2:2

Sa ki ou'n antann mwan anonse devan en kantite temwen, konfye li avek bann zonm dan ki ou annan konfyans. Konmsa, zot osi, zot ava kapab ansenny lezot.

2 Timote 2:24

E zot konnen ki serviter Senyer pa devret fer kerel. Okontrer, i devre byen avek tou dimoun, kapab ansennyen e pasyan.

2 Timote 4:2

Proklanm Laparol, ensiste dan tou sirkonstans ki prezante, favorab ou non; konvenk dimoun, reprimann zot, ankouraz zot, ansenny zot avek bokou pasyans.

1 Samyel 12:23

Mon pa pou zanmen aret priy SENYER pour zot e fer pese kont li. Mon pou ansenny zot semen ki bon e drwat.