Romen 12:3 - Labib An Kreol Seselwa

³ Par lagras ki, dan son bonte, Bondye in donn mwan, mon dir avek zot tou: Pa bezwen ganny en tro gran lopinyon lo zot menm. O kontrer, reste rezonnab, mezir zot valer dapre lafwa ki Bondye in donn zot.

Romen 12:3 ပူးပေါင်းရင်းမြစ်များ

Proverb 25:27

I pa bon manz bokou dimyel, ni rod tro bokou loner.

Proverb 26:12

I annan plis lespwar rankontre en fou, ki rankontre en zonm ki krwar i saz.

Eklezyas 7:16

Pa paret tro zis e pa montre ou tro saz. Akoz ou bezwen detri ou prop lekor?

Mise 6:8

Ou ki en imen, SENYER in fer ou konnen sa ki byen. La sa ki SENYER i demann ou fer: Respekte lazistis, montre labonte, mars dan limilite avek ou Bondye.

Levanzil dapre Lik 18:11

Sa Farizyen ti debout e priy dan li menm: Mon Bondye! Mon remersye ou ki mon pa parey leres bann zonm ki voler, enzis, adilter. Mon remersye ou osi akoz mon pa parey sa kolekter taks.

Levanzil dapre Zan 3:34

Sa enn ki Bondye in anvoye, i koz Parol Bondye, akoz Bondye in donn li son Lespri annabondans.

Romen 1:5

Par li, nou'n resevwar lagras ek misyon koman zapot pour anmenn bann nasyon krwar dan li e obeir li.

Romen 11:20

Sa i zis: Zot in ganny koupe akoz zot in mank lafwa, e ou, ou dan sa plas akoz ou lafwa. Me pa bezwen fer vantar. Fer plito atansyon.

Romen 11:25

Mon bann frer ek ser! Pour zot pa tonm dan lorgey e pran zot pour bann saz, mon oule revel zot en mister: En parti pep Izrael, pou persiste dan son landirsisman, ziska ki tou lezot pep ava'n aksepte Bondye.

Romen 12:16

Viv an akor avek tou zot kanmarad. Pa bezwen annan lorgey, me aksepte bann travay ki senp. Pa bezwen annan en tro gran lopinyon lo zot menm.

1 Korentyen 15:10

Me par lagras Bondye, mon sa ki mon ete, e son lagras pour mwan i pa'n initil. O kontrer, mon'n travay plis ki tou lezot; pa mwan, me lagras Bondye ki avek mwan.

1 Korentyen 3:10

Dapre don ki Bondye in donn mwan, mon'n poz en fondasyon parey en bon arsitek; me en lot pe konstri lo la. Sepandan, sakenn i devre fer atansyon ki mannyer i konstri.

1 Korentyen 7:17

Selman, mon demande ki sakenn i kontinyen viv dapre kondisyon ki Senyer in donn li, kot i ti ete, kan Bondye ti apel li. Sanmenm sa regleman ki mon'n donnen dan tou bann Legliz.

2 Korentyen 10:13

Me nou, nou pa pou vant nou lekor an deor limit. Nou ava kontant nou servi sa mezir ki Bondye in donn nou, e permet nou ariv ziska kot zot.

2 Korentyen 12:13

Apard lefe ki mon pa'n depann lo zot, dan ki fason zot in ganny mwen byen trete ki lezot Legliz? Pardonn mwan pour sa lenzistis!

2 Korentyen 12:7

Sepandan, pour ki mon pa vant mon lekor pour sa bann revelasyon ekstraordiner, mon'n ganny en soufrans dan mon lekor. I koman en mesaze Satan ki'n ganny anvoye pour tourmant mwan e anpes mwan fer vantar.

Galat 6:3

Si en dimoun i krwar ki i enportan, alor ki i en nanryen ditou, i pe anbet son prop lekor.

Efezyen 3:2

Zot in sirman antann koz lo sa misyon ki Bondye dan son bonte, in sarz mwan pour fer dan zot faver.

Efezyen 3:4

Kan zot ava lir li, zot ava realize zot menm konnesans ki mon'n gannyen lo sa plan sekre konsernan Kris.

Efezyen 4:16

Kontrole par li, tou bann diferan parti lekor i byen rasanble ansanm, e lekor antye i tenir ansanm par bann zwentir. Alor, kan sak parti i travay koman i fodre, lekor antye i grandi e i devlop dan lanmour.

Filipyen 2:13

Annefe, Bondye i travay dan zot. I donn zot lavolonte e i rann zot kapab pour akonpli tou, dapre son prop plan.

Kolosyen 1:29

Pour sa rezon ki mon travay dir pour ranpli sa misyon, e mon lite avek tou sa gran lafors Kris ki i azir dan mwan; lafors ki Kris in donn mwan.

Kolosyen 2:13

Otrefwa, zot ti spirityelman mor akoz zot pese, e par zot ensirkonsizyon. Me aprezan, Bondye in redonn nou lavi avek Kris. I'n pardonn nou tou nou pese.

1 Timote 1:14

Nou Senyer in repann son lagras annabondans lo mwan. I'n donn mwan lafwa ek lanmour ki sorti dan lakominyon avek Zezi-Kri.

1 Timote 2:15

Sepandan, bann fanm pou ganny sove par vin manman, a kondisyon ki zot persevere dan lafwa, lanmour, lasentete e viv senpleman.

1 Timote 2:9

Mon osi swete ki bann fanm i abiy zot dan en fason desan, diny e senp. Pa bezwen ki zot orn zot seve avek bizou annor, oubyen perl ek labiyman byen ser.

Let Pol pour bann Tit 2:12

Sa lagras i ansenny nou pour abandonn nou move lavi ek bann move dezir, pour viv en lavi rezonnab, zis e fidel lo sa later anver Bondye.

Let Pol pour bann Tit 2:2

Dir bann vyeyar ki zot devre modere dan tou, respektab, rezonnab e solid dan vre lafwa, lanmour ek lapasyans.

Let Pol pour bann Tit 2:4

Ki zot aprann bann zenn fanm ki mannyer pour kontan zot mari ek zot bann zanfan.

Let Pol pour bann Tit 2:6

Ou devre ankouraz bann zennzan pour vin rezonnab.

Let Zak 4:6

Me lagras ki Bondye i donnen i siperyer. Annefe, Lekritir i deklare: Bondye i reziste bann ki orgeye, me i donn son lagras bann ki annan limilite.

1 Pyer 1:13

Alor, gard zot lespri touzour alert, reste touzour vizilan. Met tou zot lesperans dan lagras ki zot pou resevwar kan Zezi-Kri pou ganny revele.

1 Pyer 4:11

Sa enn ki prese, i devre transmet Parol Bondye. Sa enn ki rann servis, i devre fer li avek lafors ki Bondye in donn li: Fodre ki dan tou, Bondye i ganny glorifye par Zezi-Kri, ki posed laglwar, lapwisans pour touzour! Amenn.

1 Pyer 4:7

Lafen tou keksoz i pros. Pour sa rezon, viv en fason rezonnab avek en lespri vizilan pour zot kapab priye.

1 Pyer 5:5

Demenm, zot bann zennzan! Obei bann ki pli aze ki zot. Montre bokou limilite dan zot relasyon avek kanmarad. Annefe, Lekritir i deklare: Bondye i kont bann orgeye, me i bon anver bann ki annan limilite.

1 Pyer 5:8

Reste vizilan, vey byen. Zot lennmi, dyab, pe pas partou. I pe kriye koman en lyon ki pe rode ki i pou devore.

3 Zan 1:9

Mon'n ekri en pti let Legliz; me Dyotref ki kontan plas sef, pa aksepte mon lotorite.