Romen 12:2 - Labib An Kreol Seselwa

² Pa swiv bann koutim sa lemonn aktyel, me les Bondye transform zot e donn zot en nouvo lentelizans. Alor, zot ava kapab disern lavolonte Bondye: Sa ki byen, sa ki fer li plezir, sa ki parfe.

Romen 12:2 ပူးပေါင်းရင်းမြစ်များ

Esdras 10:11

Aprezan, rekonnet zot fot devan SENYER, Bondye zot zanset, e fer son volonte. Separ zot avek pep sa pei e avek bann fanm etranze”.

Psonm 119:103

Ou bann parol i dou dan mon labous. I pli dou ki dimyel.

Psonm 119:128

Alor, mon swiv tou ou bann direktiv akoz zot zis. Mon deteste tou semen mansonz.

Psonm 119:174

SENYER! Mon pe esper ou delivrans; ou lalwa i rann mwan ere.

Psonm 119:72

Lalwa ki sorti dan ou labous i pli bon pour mwan ki milyon lobze annor e annarzan.

Psonm 119:97

Pa mon kontan ou komannman! Mon medit lo la tou le zour.

Psonm 34:8

Goute e gete koman SENYER i bon! Sa enn ki pran li pour son labri i vreman ere.

Psonm 51:10

Mon Bondye! Kree dan mwan en leker pir; Redonn mwan en lespri nouvo.

Egzod 23:2

Ou pa pou swiv lopinyon mazorite dimoun ki oule fer dimal, ni servi fo temwen dan en zafer, e tonm dakor avek en mazorite kont lazistis.

Ezekyel 18:31

Abandonn sa bann move aksyon ki ou'n komet kont mwan. Rod en nouvo leker ek en nouvo lespri. Pep Izrael, akoz ou oule lanmor?

Ezekyel 36:26

Mon pou donn zot en leker nouvo e mon pou met dan zot en lespri nouvo. Mon pou tir dan zot sa leker ros e mon pou donn zot en leker laser.

Matye 13:22

Bann lagrenn ki tonm parmi bann zarbis pikan, zot parey sa bann dimoun ki antann Laparol, me traka lemonn, plezir lavi ek larzan i touf Laparol e zot pa prodwir okenn fri.

Mark 4:19

Me traka lavi, plezir larises avek tou lezot dezir, i penetre dan zot e touf Laparol. Alor, zot pa prodwir okenn fri.

Levanzil dapre Zan 14:30

Mon pa pou koz plis ki sa avek zot, akoz sa enn ki gouvern lemonn pe vini. I napa okenn pouvwar lo mwan.

Levanzil dapre Zan 15:19

Si zot ti fer parti lemonn, lemonn ti pou kontan zot, akoz zot pour li. Me akoz zot pa fer parti lemonn, akoz mon'n swazir zot e retir zot dan lemonn, pour sa rezon ki i ay zot.

Levanzil dapre Zan 17:14

Mon'n donn zot ou mesaz, e lemonn in ay zot, akoz zot pa fer parti lemonn, parey mwan, mon pa fer parti lemonn.

Levanzil dapre Zan 7:7

Lemonn pa kapab ay zot, me mwan i ay mwan, akoz mon dir sa ki zot fer ki mal.

Romen 12:1

Alor, mon bann frer ek ser! Pour tou sa bonte ki Bondye in manifeste anver nou, mon ankouraz zot pour ofer zot lekor koman en sakrifis vivan, sen e agreab, devan Bondye. Sa i ava zot ladorasyon spirityel.

Romen 13:14

Abiy zot avek nou Senyer Zezi-Kri; pa les zot ganny antrennen par zot prop natir pour satisfer zot bann dezir.

Romen 7:12

Lalwa li menm i sen, e komannman i sen, zis e bon.

Romen 7:14

Nou konnen ki Lalwa i spirityel, me mwan, mon zis en dimoun avek en lekor mortel ki'n ganny vann avek pese koman en lesklav.

Romen 7:22

Dan mwan menm, koman en zonm, mon ganny plezir dan Lalwa Bondye.

1 Korentyen 3:19

akoz lasazes dapre lemonn i en lafoli devan Bondye. Annefe, Lekritir in deklare: Bann saz i ganny atrape dan zot prop trik.

2 Korentyen 4:4

Pour bann ki pa krwar, bondye sa lemonn in avegle zot lentelizans; i'n anpes zot war lalimyer Bonn Nouvel mazeste Kris, ki resanblans Bondye li menm.

2 Korentyen 5:17

Osi, si en dimoun i ini avek Kris, i en kreasyon nouvo: Sa ki vye in disparet; sa ki nouvo ki la.

Galat 1:4

Kris in donn son prop lekor pour sov nou dan nou pese, pour delivre nou anba pouvwar sa lemonn aktyel e move, dapre lavolonte Bondye, nou Papa.

Efezyen 1:18

Mon priye pour ki i ouver zot lizye ver lalimyer, pour ki zot konpran sa lesperans ki i'n ofer zot; grander larises sa leritaz merveye ki i'n rezerve pour bann kretyen;

Efezyen 2:2

Zot ti pe viv dapre mannyer lemonn. Zot ti pe obeir sef bann pwisans dan lespas, sa menm lespri ki aprezan pe travay dan dimoun ki pe opoz Bondye.

Efezyen 5:17

Pour sa rezon, pa bezwen viv koman bann fou, me fer tou zot posib pour zot konpran koman Senyer i oule zot azir.

Kolosyen 1:9

Pour sa rezon, depi ki nou'n antann koz lo zot, nou'n kontinyen priy pour zot. Nou demann Bondye pour fer zot konn plennman son lavolonte, avek lasazes ek disernman ki son Lespri i donnen.

Kolosyen 3:10

Zot in pran en nouvo natir: Natir zonm nouvo ki tou letan, Bondye son Kreater, pe renouvle dan vre konnesans pour nou resanble li parfetman.

Kolosyen 4:12

Epafras osi ki sorti kot zot i fer zot salanm. Sa serviter Zezi-Kri pa zanmen aret lite pour zot dan lapriyer, pour ki zot reste solid, koman bann dimoun matir, dan lobeisans lavolonte Bondye dan tou.

1 Tesalonisyen 4:3

Annefe, lavolonte Bondye, se ki zot vin sen; ki zot prezerv zot kont limoralite.

Let Pol pour bann Tit 3:5

I'n sov nou, pa akoz nou bon e zis, me akoz in annan konpasyon pour nou. I'n lav nou par Lespri Sen ki'n donn nou en nouvo nesans ek en nouvo lavi.

Let Zak 1:27

La sa ki Bondye Papa i konsider koman en relizyon pir e san defo: Pran swen bann orfelen ek bann vev dan zot detres; pa les ou ganny sali par salte sa monn.

Let Zak 4:4

Bann adilter ki zot ete! Pa zot konnen ki lanmour pour lemonn i lennmi Bondye? Alor, sa enn ki oule fer zanmi avek lemonn i lennmi Bondye.

1 Pyer 1:14

Fer koman bann zanfan obeisan. Pa les bann dezir ki zot ti annan kan zot ti ankor dan linyorans, kontrol zot.

1 Pyer 1:18

Annefe, zot konnen par ki pri, zot in ganny sove dan zot mannyer viv initil ki zot in erite avek zot zanset. Sa pa ti fer atraver bann lobze ki perdi valer tel ki larzan oubyen lor,

1 Pyer 2:3

Annefe, zot in goute koman Senyer i bon.

1 Pyer 4:2

pour li viv leres son lavi, non pa dapre son dezir imen, me dapre lavolonte Bondye.

2 Pyer 1:4

Par sa laglwar ek sa bann mervey, Bondye in donn nou bann gran promes ki presye e enportan. Konmsa, kan zot ava resevwar sa bann promes, zot ava kapab sorti dan sa lemonn pouri avek tou son bann move dezir, e pran par dan son laglwar.

2 Pyer 2:20

Annefe, i annan ki'n sape anba move lenfliyans lemonn, gras a konnesans nou Senyer e Sover Zezi-Kri. Me, si zot les zot reganny atrape e reganny anpaye, e ganny bate, zot kondisyon i vin pir ki avan.

1 Zan 3:13

Mon bann frer! Pa etonnen si lemonn i deteste zot.

1 Zan 5:19

Nou konnen ki nou pour Bondye, e ki lemonn antye i anba pouvwar dyab.

Revelasyon 12:9

Sa gran dragon, ti ganny zet deor. Li menm li sa serpan lantikite, ki apel dyab oubyen Satan, e ki tronp lemonn antye. I ti ganny zete lo later ansanm avek son bann lanz.

Revelasyon 13:8

Tou zabitan later, tou bann ki zot non pa'n ganny ekri depi konmansman lemonn, dan liv lavi Zenn Mouton ki'n ganny egorze, pou prostern devan li.