Romen 11:8 - Labib An Kreol Seselwa

⁸ parey Lekritir i deklare: Bondye in donn zot en lespri sonmey, lizye ki pa war kler, e zorey ki pa tande, depi sa lepok ziska ozordi.

Romen 11:8 ပူးပေါင်းရင်းမြစ်များ

2 Rwa 17:34

Ozordi ankor, zot pe pratik zot bann vye koutim. Zot pa vreman ador SENYER, zot pa gard bann lalwa ek bann komannman ki SENYER in donn bann zanfan Zakob ki i ti apel Izrael.

2 Rwa 17:41

Alor, sa bann nasyon ti ador SENYER e anmenmtan zot ti ador zot bann stati. Ziska ozordi, zot bann zanfan ek tou zot desandans, pe kontinyen fer parey zot zanset ti fer.

Ezai 29:10

Akoz SENYER in fer zot lespri angourdi; in ferm lizye bann profet, in met en vwal lo latet bann vizyoner.

Ezai 6:9

I ti dir mwan: Ale! Al dir sa pep: Zot ava kontinyen ekoute, me zot pa pou konpran nanryen! Zot ava kontinyen gete, me zot pa pou aprann nanryen!

Zeremi 5:21

Ekout mwan byen, pep tro bet pour konpran. Ou annan lizye, me ou pa war. Ou annan zorey, me ou pa tande.

Ezekyel 12:2

Ou ki en imen, ou ki viv parmi en pep rebel, zot annan lizye pour war, me zot pa war. Zot annan zorey pour antann, me zot pa tande; zot en pep rebel.

Ezekyel 20:26

Me mon ti les zot vin enpir par zot bann don, ler zot ti ofer an sakrifis zot premye zanfan pour mwan, pour fer zot per e pour ki zot konnen: Mwan ki SENYER.

Levanzil dapre Lik 8:10

Zezi ti dir zot, “Pour zot, sekre Rwayonm Bondye in ganny revele. Me pour lezot, i ganny dir an parabol, pour ki menm si zot gete, zot pa war, e menm si zot ekoute, zot pa konpran.”

Akt de Zapot 28:26

Annefe, i ti deklare: Al kot sa pep e dir zot: Zot pou tande, me zot pa pou konpran. Zot pou gete, me zot pa pou war.

Deterononm 29:4

Me ziska ozordi, SENYER pa'n donn zot en lespri disernman pour konpran, ni lizye pour war, ni zorey pour tande.