Romen 11:7 - Labib An Kreol Seselwa

⁷ E alor? Pep Izrael pa ti ganny sa ki i ti pe rode. Zis sa pti group ki Bondye ti'n swazir ki ti gannyen. Lezot in persiste dan zot landirsisman,

Romen 11:7 ပူးပေါင်းရင်းမြစ်များ

Proverb 1:28

Alor, zot ava apel mwan, me mon pa pou reponn; zot pou rod mwan, me zot pa pou trouv mwan.

Ezai 44:18

Zot pa konn nanryen; zot pa konpran nanryen. Zot lizye i bouse, zot pa war kler; zot lespri i bornen; zot pa ni war, ni konpran nanryen.

Ezai 6:10

Angourdi leker sa pep. Rann zot sourd! Rann zot aveg, pour ki zot pa war avek zot lizye, pa antann avek zot zorey e konpran avek zot leker! Zot pa ava retourn kot mwan e ganny geri!

Mark 6:52

Annefe, zot pa ti'n konpran mirak dipen, akoz zot lespri ti ankor fermen.

Levanzil dapre Lik 13:24

Zezi ti reponn, “Fer tou pour antre par laport etrwat, akoz, mon pe dir zot, bokou pou oule antre, me zot pa pou kapab.

Levanzil dapre Zan 12:40

Bondye in rann zot lizye aveg. I'n ferm zot leker, pour ki zot pa war avek zot lizye, e zot pa konpran avek zot leker, pour ki zot pa retourn kot mwan, pour mwan geri zot.

Romen 10:3

Dan zot linyorans lazistis Bondye, zot in esey rod fason pour etablir zot prop lazistis. Zot in refize soumet zot anba lazistis Bondye.

Romen 11:25

Mon bann frer ek ser! Pour zot pa tonm dan lorgey e pran zot pour bann saz, mon oule revel zot en mister: En parti pep Izrael, pou persiste dan son landirsisman, ziska ki tou lezot pep ava'n aksepte Bondye.

Romen 11:5

Dan sa letan prezan, i parey: I reste en pti group dimoun ki Bondye dan son bonte, in swazir.

Romen 3:9

Alor kwa? Eski nou Zwif, nou pli siperyer ki lezot? Pa ditou! Mon'n deza montre ki tou dimoun i anba dominasyon pese, Zwif koman non-Zwif.

Romen 6:15

Alor, eski nou ava fer pese akoz nou pa anba Lalwa, me anba lagras Bondye? Pa ditou!

Romen 9:18

Ensi, Bondye i pran pitye pour ki i oule, e i rann antete sa enn ki i oule.

Romen 9:23

Me i'n osi oule montre larises son mazeste pour bann anver ki i'n annan pitye, bann ki i'n prepare davans pour partisip dan son laglwar.

1 Korentyen 10:19

Ki mon oule dir par sa? Eski lavyann ki'n ganny ofer avek zidol i annan en serten valer? Oubyen, eski zidol ki annan valer?

2 Korentyen 3:14

Me zot lentelizans ti bloke; konmela ankor, kan zot lir dan bann liv ansyen lalyans, sa menm vwal i reste. Zis Kris ki kapab tir sa vwal.

2 Korentyen 4:4

Pour bann ki pa krwar, bondye sa lemonn in avegle zot lentelizans; i'n anpes zot war lalimyer Bonn Nouvel mazeste Kris, ki resanblans Bondye li menm.

Efezyen 1:4

Avan ki i ti'n kree lemonn, Bondye ti swazir nou davans, par Zezi-Kri, koman son bann zanfan adoptif, pour ki nou sen e san repros devan li.

Efezyen 4:18

Zot lespri i dan fernwanr. Zot napa okenn par dan sa nouvo lavi ki Bondye i donnen, akoz zot konpletman inyoran e zot refize ekoute.

Filipyen 1:18

Ki zot lentansyon i bon oubyen move pa fer mwan nanryen; pourvi ki Kris i ganny anonse. Mon rezoui pour sa e mon pou kontinyen rezoui,

Ebre 12:17

Zot konnen ki plitar i ti oule resevwar benediksyon son papa, me i ti ganny rezete. I pa ti trouv okenn fason repanti, menm si i ti rod sa benediksyon avek larm.

1 Pyer 1:2

Pour tou bann ki'n ganny swazir e destinen pour ganny sove par Bondye nou Papa, e ki'n vin en pep sen par Lespri pour obei Zezi-Kri, e ganny pirifye par son disan, nou demann lagras ek lape annabondans pour zot.