Romen 10:9 - Labib An Kreol Seselwa

⁹ Si par ou labous, ou deklare devan tou dimoun ki Zezi i Senyer; si ou krwar dan ou leker ki Bondye in resisit li parmi bann mor, ou pou ganny sove.

Romen 10:9 ပူးပေါင်းရင်းမြစ်များ

Levanzil dapre Lik 12:8

“Mon dir zot, nenport ki, ki rekonnet mwan devan zonm, Fis-de-Lonm osi pour rekonnet li devan bann lanz Bondye.

Levanzil dapre Zan 9:22

Son paran ti dir sa akoz zot ti per bann Zwif. Annefe, bann Zwif ti'n fini deside ki tou dimoun ki aksepte ki Zezi i li menm Mesi, pou ganny pouse dan sinagog.

Akt de Zapot 16:31

Zot ti reponn, “Kwar dan Senyer Zezi e ou ava ganny sove, ou, avek tou ou fanmir.”

Akt de Zapot 2:24

Me Bondye ti resisit li, e delivre li dan soufrans lanmor. Annefe ti enposib pour lanmor gard li anba son pouvwar.

Akt de Zapot 2:32

Sa Zezi, Bondye in resisit li, e nou tou, nou temwen.

Akt de Zapot 8:36

Zot ti kontiny zot vwayaz e ariv dan en landrwa kot ti annan delo. Sa zofisye ti dir, “I annan delo la! Kwa ki anpes mwan ganny batize?”

Romen 10:10

Annefe, kan nou krwar avek tou nou leker, nou ganny zistifye, e sa enn ki anons avek son labous i ganny sove.

Romen 14:11

Annefe, Lekritir i deklare: Osi vre ki mon vivan, Senyer i deklare, tou zenou pou pliye devan mwan; e tou nasyon pou selebre mazeste Bondye.

Romen 14:9

Kris in mor e in resisite pour li vin Senyer bann mor e bann vivan.

Romen 4:24

In ganny ekri osi pour nou, ki ganny konsidere koman zis, nou ki krwar dan sa enn ki'n resisit Zezi, nou Senyer.

Romen 8:34

Alor, lekel ki kapab kondann zot? Personn, akoz Zezi-Kri li menm ki'n mor. Me anplis, i'n resisite e i lo kote drwat Bondye e i pe entersed pour nou.

1 Korentyen 12:3

Pour sa rezon, mon oule ki zot konpran byen: Personn ki anba Lespri Bondye pa kapab dir: Zezi i modi, e personn pa kapab osi dir: Zezi i Senyer, si i pa ganny gide par Lespri Sen.

Filipyen 2:11

e ki tou i proklanmen, ki Zezi-Kri i Senyer, pour laglwar Bondye Papa.

1 Pyer 1:21

Par li, zot krwar dan Bondye ki'n resisit li e ki'n donn li laglwar. Konmsa, zot met zot lafwa ek zot lesperans dan Bondye.

1 Zan 4:15

Sa enn ki deklare ki Zezi i Garson Bondye, Bondye i viv dan li, e li i dan Bondye.

2 Zan 1:7

Annefe, bokou manter in fannen partou dan lemonn, bann dimoun ki pa aksepte ki Zezi-Kri in vin koman en zonm vreman. En tel dimoun, i en manter e Ladverser Kris.