Romen 10:6 - Labib An Kreol Seselwa

⁶ Me la sa ki'n ganny dir konsernan lazistis par lafwa: Pa dir dan ou leker: Lekel ki pou mont dan lesyel? Setadir, pour fer Kris desann.

Romen 10:6 ပူးပေါင်းရင်းမြစ်များ

Proverb 30:4

Lekel ki'n mont dan lesyel e ki'n desann? Lekel ki'n atrap divan dan kre son lanmen? Lekel ki'n anvlop delo dan son lenz? Lekel ki'n plas bann limit later? Ki mannyer i apele? Koman son garson i apele? Si ou konnen, dir mwan.

Levanzil dapre Zan 6:33

Annefe, dipen ki Bondye i donnen, se sa enn ki'n desann sorti dan lesyel e ki donn lemonn lavi.”

Levanzil dapre Zan 6:38

Mon'n sorti dan lesyel pour vin fer non pa mon prop volonte, me volonte sa enn ki'n anvoy mwan.

Levanzil dapre Zan 6:58

Alor, la dipen ki'n desann sorti dan lesyel. I pa parey dipen ki zot zanset in manze e zot in mor apre. Sa enn ki manz sa dipen, ava viv pour touzour.”

Romen 3:22

Bondye i rann zonm zis devan li par lafwa dan Zezi-Kri. I fer sa pour tou dimoun ki krwar dan Kris, san distenksyon.

Romen 3:25

Bondye in ofer Kris an sakrifis, pour ki par lanmor Kris, sa bann ki krwar dan li i ganny pardon pese. Bondye in fer sa pour montre ki i touzour zis. Annefe, i ti zis dan letan pase, kan i ti montre son pasyans. I pa ti pini zonm pour son pese.

Romen 4:13

Bondye ti promet Abrahanm ek son desandan ki zot pou erit later, pa akoz Abrahanm ti obei Lalwa, me akoz i ti ganny konsidere koman zis, par son lafwa.

Filipyen 3:9

e vin konpletman ini avek li. Pa lobeisans Lalwa ki rann mwan zis, me lafwa dan Kris. Bondye ki rann mwan zis e i rann zis sa enn ki krwar dan li.

Ebre 1:3

Sa Garson i reflekte laglwar Bondye. I reprezant egzakteman resanblans Bondye. I soutenir liniver par son parol pwisan. Apre ki i ti'n fini pirifikasyon pese bann et imen, i'n al asiz lo kote drwat Bondye, pwisans siprenm lao dan lesyel.

Ebre 11:7

Par lafwa, Noe ti ekout bann lavertisman ki Bondye ti donn li konsernan keksoz ki ziska prezan personn pa ti'n ankor war. Noe ti obei e konstri en bato pour sov son fanmir. Konmsa, i ti kondann lemonn, e gras a son lafwa, Bondye ti rekonnet li koman en zonm zis.