Romen 10:2 - Labib An Kreol Seselwa

² Mon kapab dir dan zot faver, ki zot devoue pour Bondye, me zot devouman pa ganny eklere par en vre konnesans.

Romen 10:2 ပူးပေါင်းရင်းမြစ်များ

2 Rwa 10:16

I ti dir li, “Vin avek mwan e ou ava war pasyon mon lanmour pour SENYER.” Alor, i ti vwayaz avek li dan son kales.

Psonm 14:4

Eski sa bann malfeter i inyoran? Zot pe devor mon pep; zot pe manz son dipen. Zot pa ni priy SENYER.

Proverb 19:2

Mank refleksyon i pa bon pour personn; sa enn ki tro prese i kapab komet bann fot.

Ezai 27:1

Sa zour, avek son gran lepe byen fite, dir e pwisan, SENYER pou entervenir kont Leviatan, sa serpan ki anvole; Leviatan, sa serpan rize. I pou touy sa dragon ki reste dan lanmer.

Levanzil dapre Zan 16:2

Zot pou ganny pouse dan bann sinagog. E menm en letan pe vini kan dimoun ki pou touy zot, pou krwar ki zot pe servi Bondye.

Akt de Zapot 21:20

Apre ki zot ti'n antann li, zot ti rann glwar Bondye. Answit, zot ti dir Pol, “Frer! Ou war ki i annan plizyer milye Zwif ki'n aksepte lafwa. Me zot tou, zot atase avek Lalwa.

Akt de Zapot 21:28

Zot ti kriye, “Pep Izrael, osekour! La i la, sa zonm ki pe prese partou avek tou dimoun kont pep Izrael, kont Lalwa Moiz e kont nou Tanp. Aprezan i'n menm anmenn bann Grek dan Tanp e fer sa landrwa sen vin enpir.”

Akt de Zapot 22:22

Ziske la, lafoul ti ekout Pol. Me apre, zot ti konmans kriye, “Fer disparet en tel zonm lo later! I pa merit viv!”

Akt de Zapot 22:3

“Mwan, mon en Zwif, mon'n ne Tars, an Silisi, me mon'n grandi isi, Zerizalenm. Mon'n ganny koman profeser, Gamalyel ki'n ansenny mwan Lalwa nou bann zanset. Parey zot ozordi, mon ti ranpli avek devouman pour Bondye.

Romen 10:1

Mon Bann frer ek ser! Mon swete avek tou mon leker e mon demann Bondye pour bann Zwif, ki zot ganny sove.

Romen 10:3

Dan zot linyorans lazistis Bondye, zot in esey rod fason pour etablir zot prop lazistis. Zot in refize soumet zot anba lazistis Bondye.

2 Korentyen 4:4

Pour bann ki pa krwar, bondye sa lemonn in avegle zot lentelizans; i'n anpes zot war lalimyer Bonn Nouvel mazeste Kris, ki resanblans Bondye li menm.

2 Korentyen 4:6

Annefe, Bondye ki'n dir: Lalimyer pour briye omilye teneb. Se li menm ki'n briye dan nou leker, pour donn lalimyer konnesans son laglwar ki ilimin vizaz Kris.

2 Korentyen 8:3

Mon konfirmen ki zot in donn spontaneman, tou sa ki zot kapab, menm anplis ki zot posibilite.

Galat 1:14

Mon ti progres pli vit dan larelizyon Zwif ki bokou dan mon laz. Mon ti annan bokou plis devouman pour bann tradisyon mon bann zanset, ki lezot Zwif.

Galat 4:15

Ki'n arive avek sa lazwa ki zot ti annan otrefwa? Wi! Mon kapab sertifye ki si i ti posib, zot ti ava'n menm aras zot lizye pour donn mwan.

Filipyen 1:9

La sa ki mon demann Bondye dan mon lapriyer: Ki zot lanmour i ogmante e vin pli gran ankor, avek en vre konnesans ek en konpreansyon parfe,

Filipyen 3:6

Mon ti telman fanatik, ki mon ti en persekiter Legliz. Pour sa ki konsernan lobeisans Lalwa, mon ti san repros.

Kolosyen 4:13

Annefe, mon kapab dir personnelman ki i'n travay dir pour zot e pour bann ki reste Laodise ek Hierapolis.