Romen 10:18 - Labib An Kreol Seselwa

¹⁸ Alor, mon demande: Eski bann Zwif pa'n antann sa nouvel? Mon dir, wi zot in tande. Lekritir i deklare: Zot lavwa in rezonnen lo later antye, e zot parol in fer letour lemonn.

Romen 10:18 ပူးပေါင်းရင်းမြစ်များ

1 Rwa 18:10

Par SENYER ou Bondye ki vivan, napa en nasyon, ni en pei kot mon senyer Akab pa'n anvoy rod ou. Ler ti ganny dir ki ou pa la, i ti fer sa nasyon oubyen sa rwayonm fer serman ki vreman zot pa'n war ou.

Psonm 19:4

Me zot mesaz i ganny tande partou lo later. Zot parol i fer letour lemonn. Bondye in dres en latant pour soley.

Psonm 22:27

Later antye, ava mazin SENYER. Zabitan later ava retourn ver li. Tou bann fanmir bann pep ava ador li.

Psonm 98:3

I rapel son fidelite ek son lanmour anver pep Izrael. Tou bann nasyon lo later in war bann laviktwar nou Bondye.

Ezai 24:16

Bann ki sorti lwen pou sant louanz, e laglwar, an loner Bondye lazistis. Me mwan, mon dir ki mon'n perdi; mon'n perdi. Maler lo mwan! Bann tret in trai! Traizon! Wi! Bann tret in trai!

Ezai 49:6

I ti deklare: Mon'n swazir ou koman mon serviter zis pour relev bann tribi Zakob e ranmenn leres Izrael ver mwan. Mon pou fer ou vin en lalimyer bann nasyon, pour ki tou zabitan later antye ava ganny sove par mwan.

Ezai 52:10

SENYER in montre lafors son lebra devan tou bann nasyon; e later antye pou war ki mannyer nou Bondye i sov son pep.

Zeremi 16:19

Ou menm, SENYER, ki mon lafors, mon refiz dan langwas. Par tou kote lo later, bann nasyon pou vin dir ou: Nou bann zanset in erit zis mansonz; bann fo bondye ki pa ti kapab fer nanryen.

Matye 24:14

Sa Bonn Nouvel Rwayonm pou ganny anonse partou dan lemonn, pour ki tou dimoun i tande. Apre sa, lafen pou arive.”

Matye 26:13

Mon dir zot, sa i laverite: Partou kot sa Bonn Nouvel pou ganny anonse dan lemonn antye, sa ki sa fanm in fer, pou ganny rakonte an son memwar.”

Matye 28:19

Al parmi zabitan bann nasyon, e fer zot vin mon bann disip. Batiz zot lo non Papa, lo non Garson e lo non Lespri Sen.

Matye 4:8

Ankor en fwa, dyab ti anmenn Zezi lo en montanny byen o. I ti montre li tou bann rwayonm partou lo later ek zot splander.

Mark 16:15

I ti dir zot, “Al partou dan lemonn antye; anons Bonn Nouvel avek tou dimoun.

Mark 16:20

Bann disip ti al anons Bonn Nouvel partou. Senyer ti ed zot dan sa travay. I ti konfirm son mesaz par bann siny ki ti akonpanny li.

Akt de Zapot 1:8

Me kan Lespri Sen pou desann lo zot, zot pou resevwar en lafors. Zot ava mon bann temwen dan Zerizalenm, dan rezyon Zide antye e dan Samari, ziska dan bout later.”

Akt de Zapot 26:20

Okontrer, mon ti konmans prese dan Damas, apre avek zabitan Zerizalenm, e answit dan tou bann rezyon Zide ek tou lezot nasyon. Mon ti demann zot pour sanz zot lavi pese, e retourn ver Bondye e pratik bann aksyon ki montre ki vreman zot in repanti.

Akt de Zapot 28:23

Zot ti fikse en randevou avek Pol. Sa zour, zot ti pli nonbre. Depi bomaten ziska aswar, Pol ti eksplike e anons zot Rwayonm Bondye. I ti konvenk zot konsernan Zezi, atraver Lalwa Moiz ek liv bann profet.

Romen 1:8

Avan tou, mon remersye Bondye, par Zezi-Kri, pour zot tou, akoz lemonn antye i koz lo zot lafwa.

Romen 15:19

par pwisans bann siny ek bann mirak, par pwisans Lespri Bondye. Mon'n alor anons plennman Bonn Nouvel konsernan Kris, partou, depi Zerizalenm, ziska rezyon Iliri.

Kolosyen 1:23

Sepandan, fodre ki zot kontinyen reste fidel dan lafwa lo en fondasyon solid. Fodre pa les zot ganny antrennen lwen avek sa lesperans ki zot in gannyen depi ki zot in antann Bonn Nouvel. Sanmenm sa Bonn Nouvel ki'n ganny anonse avek tou dimoun dan lemonn antye e pour ki mwan, Pol, mon'n vin son serviter.

Kolosyen 1:6

Mesaz Bonn Nouvel i kontinyen repann e raport fri dan lemonn antye, parey in fer parmi zot, depi sa zour ki pour premye fwa, zot ti antann koz lo lagras Bondye e konnen ki i ete vreman.

1 Tesalonisyen 1:8

Annefe, parol Senyer in sorti kot zot e ganny proklanmen non selman dan Masedwann ek Lagres, me nouvel zot lafwa dan Bondye in osi repann partou. Nou pa bezwen koz plis lo la.