Romen 10:16 - Labib An Kreol Seselwa

¹⁶ Me pa tou dimoun ki'n aksepte Bonn Nouvel. Annefe, Ezai i dir: Senyer! Lekel ki'n krwar nouvel ki zot in antann nou anonse?

Romen 10:16 ပူးပေါင်းရင်းမြစ်များ

Ezai 53:1

Lekel ki'n krwar dan sa ki nou'n tande? Pour lekel ki SENYER in revel son pwisans?

Romen 3:3

I vre ki serten parmi zot pa ti reste fidel. Alor, eski Bondye ava arete fidel, akoz zot in vin enfidel?

Ebre 4:2

Annefe, nou'n resevwar mesaz Bonn Nouvel parey zot, me sa mesaz ki zot in tande pa'n servi zot dan nanryen, akoz sa dimoun ki ti antann li pa ti resevwar li avek lafwa.

2 Tesalonisyen 1:8

I pou vin dan en laflanm dife, pour pini bann ki refiz konn Bondye ek bann ki pa obei Bonn Nouvel nou Senyer Zezi.

Galat 5:7

Zot ti'n byen konmanse. Lekel ki'n fer zot arete obeir laverite?

1 Pyer 2:8

Lekritir i osi deklare: Sa i en ros kot dimoun pou ganny konnyen, en ros ki pou fer dimoun tonbe. Zot in tonbe akoz zot pa'n krwar dan Lekritir; sa ti zot desten.

Ebre 11:8

Par lafwa, Abrahanm ti obei, kan Bondye ti apel li: I ti al dan en pei ki i ti pou resevwar koman son posesyon. I ti kit son prop pei san konnen kote i ti pe ale.

Ebre 5:9

Ler i ti'n ganny laperfeksyon, i'n vin sours delivrans eternel pour tou bann ki obei li.

Romen 6:17

Me annou remersye Bondye: Avan, zot ti lesklav pese. Aprezan, zot obei avek tou zot leker, sa lansennyman ki zot in resevwar.

Romen 2:8

Me i ava montre son lakoler ek son mekontantman anver bann ki revolte kont li, bann ki opoz laverite e ki ganny enfliyanse par lenzistis.

1 Pyer 3:1

Zot bann fanm, zot devre aksepte lotorite zot mari. Konmsa, si i annan ki refize krwar dan Parol Bondye, zot ava kanmenm kapab aksepte lafwa, gras a zot kondwit.

1 Pyer 1:22

Zot, zot in ganny pirifye par zot lobeisans anver laverite, pour zot kontan kanmarad senserman koman bann frer. Donk, kontan kanmarad bokou avek en leker pir.

Galat 3:1

Bann Galat fou! Lekel ki'n zet sor lo zot? Pourtan, zot in ganny en deskripsyon kler lo Zezi-Kri ki'n ganny krisifye.

Romen 16:26

Me la aprezan, sa mister i'n ganny revele e anonse avek tou bann nasyon, par sa ki bann profet in ekri, dapre lord Bondye eternel, pour ki zot ariv dan lobeisans par lafwa.

Romen 11:17

Me si detrwa brans en pye zoliv in ganny koupe e si ou ki en brans zoliv maron, ou'n ganny grefe dan son plas, ou, non-Zwif, ou pou benefisye lasev ki mont depi rasin sa pye zoliv.

Romen 1:5

Par li, nou'n resevwar lagras ek misyon koman zapot pour anmenn bann nasyon krwar dan li e obeir li.

Akt de Zapot 28:24

I annan ki ti aksepte sa ki i ti pe dir, me ti annan ki pa ti krwar.

Levanzil dapre Zan 10:26

Me zot pa krwar, akoz zot pa form parti mon bann mouton.

Ezai 50:10

Lekel parmi zot ki annan respe pour SENYER e ekout lavwa son serviter? Lekel ki mars dan fernwanr san okenn lalimyer, me ki kanmenm fer konfyans dan non SENYER e apiy lo son Bondye?

Matye 13:14

Alor, pour zot, sa ki profet Ezai in ekri, i ganny realize: Zot ava antann, me zot pa pou zanmen konpran. Zot ava gete, me zot pa pou zanmen war.