Romen 1:32 - Labib An Kreol Seselwa

³² Zot konn byen zizman Bondye: Bann ki viv en tel lavi, zot merit lanmor. Pourtan, zot kontinyen komet sa bann aksyon. Anplis ki sa, zot aprouv bann ki komet sa bann aksyon.

Romen 1:32 ပူးပေါင်းရင်းမြစ်များ

Psonm 50:18

Ou fer zanmi avek en voler ki ou rankontre; ou frekant dimoun ki komet adilter.

Proverb 28:4

Sa enn ki abandonn lalwa, i fer loner bann malfeter; Me sa enn ki obzerv lalwa i konbat kont bann malfeter.

Oze 7:3

Zot mesanste i anmiz lerwa; zot bann trik i fer plezir bann sef.

Levanzil dapre Lik 11:48

Sa i montre ki zot aprouv keksoz ki zot zanset ti fer. Annefe, zot bann zanset ti touy bann profet, e zot, zot konstri latonm.

Akt de Zapot 22:20

Kan zot ti touy Etyenn, ou temwen, mwan osi mon ti la. Mon ti dakor avek sa bann ki ti pe touy li; mwan ki ti gard zot lenz.”

Akt de Zapot 8:1

Sol ti dakor avek sa bann ki ti touy Etyenn. Sa menm zour, en gran persekisyon kont Legliz Zerizalenm ti konmanse. Tou bann krwayan, eksepte bann zapot, ti sov dan bann rezyon Zide ek Samari.

Romen 1:18

Depi lesyel, Bondye i montre son lakoler kont tou pese e tou move aksyon ki zonm i fer lo later. Par zot move aksyon, zonm i anpes laverite azir.

Romen 1:21

Zot konn Bondye, me zot napa okenn respe pour li; zot pa ni menm remersye li koman i fodre. O kontrer zot in vin konpletman fou, e zot lespri san disernman i dan teneb.

Romen 6:21

Me ki benefis zot ti gannyen par sa bann aksyon? Aprezan, sa bann aksyon i fer zot onte, akoz son rezilta, se lanmor.

Romen 6:23

Annefe, lapey pour pese i lanmor, me don gratwi ki Bondye i donnen, i lavi eternel dan linyon avek Zezi-Kri, nou Senyer.

2 Tesalonisyen 2:12

Alor, tou bann ki pa'n krwar laverite, me ki'n pran plezir dan sa ki mal, pou ganny kondannen.