Romen 1:18 - Labib An Kreol Seselwa

¹⁸ Depi lesyel, Bondye i montre son lakoler kont tou pese e tou move aksyon ki zonm i fer lo later. Par zot move aksyon, zonm i anpes laverite azir.

Romen 1:18 ပူးပေါင်းရင်းမြစ်များ

Egzod 23:7

Pa vin konplis dan mansonz; pa touy en dimoun inosan, oubyen sa enn ki annan rezon, akoz mon pa pou soutir en koupab.

Romen 1:19

Pourtan, sa ki nou kapab konnen lo Bondye i kler pour tou dimoun: Bondye li menm ki'n fer zot konnen klerman.

Romen 1:28

Ensi, akoz zot in refize rekonnet Bondye, Bondye in les zot ale avek zot lespri deregle dan bann pratik onte.

Romen 1:32

Zot konn byen zizman Bondye: Bann ki viv en tel lavi, zot merit lanmor. Pourtan, zot kontinyen komet sa bann aksyon. Anplis ki sa, zot aprouv bann ki komet sa bann aksyon.

Romen 2:3

Eski ou krwar ou pou sap zizman Bondye, ou ki ziz lezot, pour bann aksyon ki ou menm ou pe fer?

Romen 3:9

Alor kwa? Eski nou Zwif, nou pli siperyer ki lezot? Pa ditou! Mon'n deza montre ki tou dimoun i anba dominasyon pese, Zwif koman non-Zwif.

Romen 4:15

Annefe, Lalwa i provok lakoler Bondye. Me la kot napa Lalwa, napa osi dezobeisans Lalwa.

Romen 5:6

Annefe, kan nou ti ankor san okenn lafors, Kris dan letan fikse, ti mor pour bann peser.

Romen 5:9

Par son sakrifis, in rann nou zis devan Bondye. A pli fort rezon, i pou sov nou aprezan devan lakoler Bondye.

Romen 6:13

Pa les pese servi bann diferan parti zot lekor koman bann lenstriman pour fer sa ki mal. O kontrer, met zot lekor dan servis Bondye, koman dimoun ki ti'n mor e ki'n resisite. Met zot lekor antye dan servis Bondye pour akonpli sa ki zis.

Efezyen 5:6

Pa les personn tronp zot par bann fo rezonnman. Bann fot parey ki fer lakoler Bondye monte kont bann ki refize obei li.

Kolosyen 3:6

Bann pese parey pou atir lakoler Bondye lo bann ki pa obei li.

2 Tesalonisyen 2:10

I pou servi tou kalite move aksyon pour tronp sa bann ki pou ganny detri akoz zot pa'n akey, ni kontan laverite ki ti ava'n sov zot.

2 Tesalonisyen 2:6

Aprezan, zot konnen kwa ki pe retenir li. Alor, I pou aparet kan son letan pou arive.