Romen 1:14 - Labib An Kreol Seselwa

¹⁴ Mon konsider li mon devwar pour vizit bann zans sivilize koman bann ki pa sivilize, bann dimoun enstri, koman bann inyoran.

Romen 1:14 ပူးပေါင်းရင်းမြစ်များ

Proverb 1:22

Zot bann bet! Ziska kan zot pou kontinyen kontan zot sotiz? Ziska kan bann ensolan pou kontan ensilte, e bann sot deteste konnesans?

Proverb 8:5

Zot bann fou! Ganny lespri dan zot latet. Zot ki'n perdi rezon! Aprann rezonnen.

Ezai 35:8

La ki ou annan en gran semen ki pou ganny apele: Semen Sentete. Dimoun enpir pa pou kapab pas par la. I pou ganny rezerve zis pou pep Bondye. Okenn vwayazer, ni menm bann fou pa pou rantre san fer atansyon.

Matye 11:25

Dan sa letan, Zezi ti dir: Mon remersye ou, Papa, Senyer lesyel ek later. Ou'n kasyet tou sa bann keksoz avek bann dimoun saz e entelizan, me ou'n revel zot avek bann zanfan.

Levanzil dapre Lik 10:21

Dan sa menm moman, Lespri Sen ti ranpli Zezi avek lazwa. I ti dir, “Mon Papa, Senyer lesyel ek later! Mon remersye ou akoz ou'n kasyet sa bann keksoz avek bann saz ek bann entelizan, me ou'n revel zot avek bann pti zanfan. Wi, Papa, sanmenm sa ki fer ou plezir.

Akt de Zapot 22:21

Me Senyer ti dir mwan, “Ale! Mon pou anvoy ou lwen, ver bann non-Zwif.”

Akt de Zapot 28:2

Bann zabitan ti montre zot tre bon anver nou. Akoz lapli ti pe tonbe, e ki ti fer fre, zot ti alim en dife e swet nou byenveni.

Akt de Zapot 28:4

Kan bann zabitan ti war sa serpan anpandan avek son lanmen, zot ti dir, “Sirman sa zonm i en kriminel. Menm si i'n sap lanmer, lazistis Bondye pa'n permet li viv.”

Akt de Zapot 9:15

Me Senyer ti dir li, “Ale! Akoz mon'n swazir sa zonm pour ki tou bann nasyon, bann lerwa ek pep Izrael i konn mwan.

Romen 1:22

Zot pretann ki zot savan, me zot in vin plito fou.

Romen 11:25

Mon bann frer ek ser! Pour zot pa tonm dan lorgey e pran zot pour bann saz, mon oule revel zot en mister: En parti pep Izrael, pou persiste dan son landirsisman, ziska ki tou lezot pep ava'n aksepte Bondye.

Romen 12:16

Viv an akor avek tou zot kanmarad. Pa bezwen annan lorgey, me aksepte bann travay ki senp. Pa bezwen annan en tro gran lopinyon lo zot menm.

Romen 13:8

Pa dwa personn, apar lanmour anver kanmarad; sa i sel det ki ou devret annan. Annefe, sa enn ki kontan son prosen in akonpli sa ki lalwa i demande.

Romen 16:19

Annefe tou dimoun i konn zot lobeisans pour Senyer. Sa i fer mwan plezir. Me mon ti ava kontan ti zot vin pli saz pour fer sa ki byen; plis ankor, pour evit fer sa ki mal.

Romen 8:12

Alor, mon bann frer ek ser! Nou annan en det, non pa anver nou prop natir, pour viv dapre son bann dezir.

1 Korentyen 14:11

Pourtan, si mon pa konpran sa lalang, sa enn ki pe koz avek mwan i en etranze pour mwan, e mwan osi mon en etranze pour li.

1 Korentyen 14:16

Annefe, si ou remersye Bondye zis dan ou leker, ki mannyer en dimoun dan lasanble pou kapab reponn: Amenn, si i pa konnen ki ou pe dir?

1 Korentyen 2:13

Nou pa servi bann diskour dapre lansennyman lasazes imen, me avek sa ki Lespri Bondye i ansennyen. Konmsa ki nou eksplik bann verite spirityel avek dimoun ki annan sa Lespri dan li.

1 Korentyen 3:18

Fodre pa ki personn i anbet son lekor: Si enn parmi zot i krwar ki i malen dapre sa lemonn, fodre ki i vin fou pour li ganny lasazes,

2 Korentyen 10:12

Sertennman, nou pa pou oze fer nou egal, oubyen konpar nou avek bann ki annan en gran lopinyon lo zot prop lekor. Me kan zot servi zot prop mezir pour mezir zot lekor, e konpar zot avek zot prop lekor, zot pe montre en mank disernman.

2 Korentyen 11:19

Zot ki rezonnab, zot siport byen bann dimoun ki'n perdi larezon!

Kolosyen 3:11

Alor, i nepli annan okenn distenksyon ant Zwif ek non-Zwif; sirkonsi ek ensirkonsi. I nepli annan etranze ek non-sivilize, lesklav ek dimoun lib, me se Kris ki tou e dan tou.

2 Timote 2:10

Pour sa rezon, mon siport tou pour sa bann ki Bondye in swazir. Konmsa zot osi, zot ganny sove dan Zezi-Kri e zot ganny laglwar eternel.

Let Pol pour bann Tit 3:3

Annefe, nou osi, dan lepase, nou ti bet, rebel e dan lerer. Nou ti lesklav toudsort kalite pasyon ek plezir. Nou ti pe viv dan mesanste e dan lanvi; dimoun ti ay nou e nou ti ay kanmarad.