Romen 1:12 - Labib An Kreol Seselwa

¹² Anplis, mon ti ava kontan prezan parmi zot, pour nou ankouraz kanmarad: Mwan par zot lafwa e zot par mon lafwa.

Romen 1:12 ပူးပေါင်းရင်းမြစ်များ

Akt de Zapot 11:23

Kan i ti ariv Antyos, i ti war ki mannyer Bondye ti'n beni son pep. I ti kontan e i ti ankouraz zot pour reste fidel anver Senyer.

Romen 1:11

Annefe, mon annan en gran dezir war zot pour donn zot en don Lespri Sen, ki pour rann zot for.

Romen 1:13

Mon bann frer ek ser! Mon oule ki zot konnen ki mon'n souvan fer proze pour vin war zot. Me ziska prezan, mon'n touzour ganny en lanpesman.

Romen 15:24

e mon anvi fer li kan mon pou al vizit Lespany. Mon espere war zot an pasan, pour zot ed mwan al dan sa pei, apre ki mon ava'n pas en pti pe letan avek zot.

Romen 15:32

Konmsa, si Bondye i oule, mon ava kapab ariv kot zot dan lazwa, e mon ava pran en pe repo kot zot.

2 Korentyen 7:13

Pour sa rezon ki zot reaksyon in rekonfort nou. Nou pa ti zis ganny rekonforte. Nou'n ganny osi bokou plis lazwa kan nou ti war Tit ranpli avek lazwa par fason ki zot in ankouraz li.

Efezyen 4:5

I annan en sel Senyer, en sel lafwa, en sel batenm.

2 Timote 1:4

Mon rapel ou bann larm e mon annan en gran dezir war ou, pour ki mon leker ava ranpli avek lazwa.

Let Pol pour bann Tit 1:4

Mon ekri ou sa let, Tit, mon vre garson dan lafwa ki nou partaze. Bondye, nou Papa, ek Kris Zezi nou Sover ava donn ou lagras ek lape.

2 Pyer 1:1

Sa let i sorti kot Simon Pyer, en serviter e zapot Zezi-Kri, pour bann ki'n resevwar en lafwa osi presye ki pour nou, par lazistis nou Bondye e nou Sover Zezi-Kri.

2 Zan 1:4

I ti en gran lazwa pour mwan trouv en pe ou bann zanfan pe viv dan laverite, parey nou Papa in ordonn nou.

Let Zid 1:3

Mon bann zanmi! Mon ti vreman anvi ekri zot konsernan lafwa ki nou partaze. Me mon ti santi mwan dan lobligasyon pour ekri deswit sa let pour ankouraz zot konbat pour lafwa ki ti ganny transmet en fwa pour tou, avek bann ki Bondye in swazir.