Rit 4:6 - Labib An Kreol Seselwa

⁶ Sa zonm ti reponn, “Dan sa ka mon pa kapab aste, pangar i detri mon prop patrimwann. Preferab ou aste li; mwan mon pa kapab fer li.”

Rit 4:6 ပူးပေါင်းရင်းမြစ်များ

Zenez 38:8

Zida ti dir Onann, “Al kot fanm ou frer, fer devwar en bofrer anver son fanm e donn ou frer en desandans.”

Levitik 25:25

Si enn ou frer i tonm dan lanmizer e i bezwen vann en porsyon son propriyete, son fanmir pros ava annan drwa reaste sa later ki son frer ti'n vann.

Deterononm 25:7

Me si sa zonm i refize marye avek li, sa belser ava al war bann ansyen kot laport lavil. I ava dir zot: Mon bofrer pa oule gard non son frer dan Izrael. I refize akonpli son devwar bofrer anver mwan.

Deterononm 25:8

Bann ansyen sa lavil ava apel sa zonm. Zot ava koz avek li. Si i persiste e dir: Mon pa oule marye avek li,

Deterononm 25:9

alor, an prezans bann ansyen, son belser ava apros li, tir sandal sa zonm dan son lipye, kras dan son figir e deklare: Konmsa ou fer avek en zonm ki refize donn en desandans son frer.

Rit 2:20

Naomi ti dir avek son belfiy, “SENYER ava beni sa zonm. I pa pou zanmen aret montre son bonte anver bann vivan koman bann mor!” Naomi ti osi azoute, “Sa zonm i enn nou fanmir pros, enn parmi bann ki annan responsabilite anver nou.”

Rit 3:13

Reste isi pour leres lannwit, e demen bomaten, mon ava war. Si i oule pran son responsabilite anver ou, mon ava les li fer; me si i pa oule, bon, mon promet devan SENYER, mon pou pran mon responsabilite anver ou. An atandan, reste dormi ziska bomaten.”

Rit 3:9

Boaz ti demande, “Lekel ou?” Rit ti reponn, “Mwan Rit, ou servant. Pran mwan anba ou proteksyon, akoz ou en paran pros.”