Rit 4:11 - Labib An Kreol Seselwa

¹¹ Apre, tou bann dimoun ki ti kot baro, ek bann sef lavil, ti reponn, “Wi! Nou temwen. SENYER i ava fer sa fanm, vin parey Rasel ek Lea, ki ansanm zot ti fer sa pep ki desandans Izrael. Ou ava vin ris dan Efrata e renonmen dan Betlehenm.

Rit 4:11 ပူးပေါင်းရင်းမြစ်များ

Zenez 23:10

Efronn ki ti la pe asiz parmi bann Hitit ti reponn byen for pour tou dimoun tande,

Zenez 24:60

Ou, nou ser, ou ava vin manman en kantite desandans. Ou desandans ava pran bann lavil zot bann lennmi!

Zenez 29:16

Laban ti annan de fiy. Pli vye ti apel Lea e pli zenn Rasel.

Zenez 29:25

Lannmen bomaten, Zakob ti sirprann pour war ki Lea ki ti avek li. I ti dir Laban, “Ki ou'n fer avek mwan la? Pa mon'n servi ou pour Rasel? Akoz alor, ou'n tronp mwan?”

Zenez 29:32

Lea ti ansent e donn nesans en garson ki i ti apel Riben, savedir gete, i en garson. I ti dir, “SENYER in war mon soufrans. Aprezan, mon mari pou kontan mwan.”

Zenez 35:23

Bann garson ki i ti ganny avek Lea: Riben, lene, Simeon, Levi, Zida, Isakar, ek Zabilon.

Zenez 35:24

Bann garson ki i ti ganny avek Rasel: Zozef ek Benzamen.

1 Rwa 21:8

Alor, i ti ekri plizyer let lo non Akab, e poz sele Akab lo la, e anvoy kot tou bann ansyen ek bann dimoun enportan dan lavil kot Nabot ti reste.

1 Kronik 2:51

Salma, papa Betlehenm; Haref, papa Bet-Gader.

Psonm 132:6

Nou'n antann koz lo li dan Efrata; nou'n war li dan bann laplenn Yaar:

Proverb 14:1

En fanm ki saz i konstri son lakaz; me en fanm bet i kapab kraz li.

Proverb 31:23

Ler son mari i asiz avek bann ansyen dan pei, dimoun i rekonnet li devan laport lavil.

Zeremi 32:10

Mon ti siny lakt lavant; mon ti kaste en kopi devan temwen e fer pez larzan lo en balans.

Mise 5:2

Ou, Betlehenm Efrata! Ou pli pti parmi bann klan dan Zida. Kot ou, pou sorti pour mwan, sa enn ki pou gouvern Izrael. Son lorizin i remont dan lwen, lontan.

Matye 2:6

Ou Betlehenm, dan later Zida! Ou sertennman pa mwen enportan parmi bann lavil dan Zida. Annefe, kot ou, pou sorti en sef ki pou vin berze Izrael, mon pep.”

Deterononm 25:7

Me si sa zonm i refize marye avek li, sa belser ava al war bann ansyen kot laport lavil. I ava dir zot: Mon bofrer pa oule gard non son frer dan Izrael. I refize akonpli son devwar bofrer anver mwan.

Deterononm 25:9

alor, an prezans bann ansyen, son belser ava apros li, tir sandal sa zonm dan son lipye, kras dan son figir e deklare: Konmsa ou fer avek en zonm ki refize donn en desandans son frer.

Rit 1:2

Sa zonm ti apel Elimelek, son fanm ti apel Naomi, e son de garson Malonn ek Kilyonn. Zot ti sorti dan fanmir Efrata e zot ti reste Betlehenm dan pei Zida. Zot ti al reste dan lakanpanny Moab.