Rit 3:10 - Labib An Kreol Seselwa

¹⁰ Boaz ti dir, “SENYER ava beni ou, mon fiy! Ou'n demontre en gran fidelite anver fanmir ou belmer, menm plis ki avan. Ou pa'n al rod bann zennzan, ki swa ris oubyen pov.

Rit 3:10 ပူးပေါင်းရင်းမြစ်များ

Zenez 24:31

I ti dir li: Vini, antre, ou ki Bondye in beni! Akoz ou reste deor? Mon'n prepar lakaz pour ou e en plas pour ou bann samo.

Rit 1:8

Selman Naomi ti dir avek son de belfiy, “Ale, zot tou le de, retourn dan lakour kot zot manman. Mon swete ki SENYER i montre son bonte anver zot parey zot in bon anver sa ki'n mor e anver mwan.

Rit 2:11

Me Boaz ti reponn li, “Dimoun in rakont mwan tou sa ki ou'n fer pour ou belmer apre lanmor ou mari. Osi koman ou'n kit ou papa ek ou manman ek ou pei pour ou vin parmi en pep ki ou pa konnen.

Rit 2:20

Naomi ti dir avek son belfiy, “SENYER ava beni sa zonm. I pa pou zanmen aret montre son bonte anver bann vivan koman bann mor!” Naomi ti osi azoute, “Sa zonm i enn nou fanmir pros, enn parmi bann ki annan responsabilite anver nou.”

Rit 2:4

Plitar, Boaz ti arive sorti Betlehenm e i ti dir avek bann travayer, “SENYER i avek zot!” Zot ti reponn, “SENYER ava beni ou.”

Rit 3:9

Boaz ti demande, “Lekel ou?” Rit ti reponn, “Mwan Rit, ou servant. Pran mwan anba ou proteksyon, akoz ou en paran pros.”

1 Samyel 15:13

Alor, kan Samyel ti zwenn Sail, Sail ti dir li, “SENYER i avek ou! Mon'n akonpli tou sa ki SENYER in ordonnen.”