Rit 2:7 - Labib An Kreol Seselwa

⁷ Sa fanm ti demande: Silvouple, les mwan ranmas bann zepi mai ki bann travayer in kit deryer. Alor, i'n vini, e depi ki i'n arive gran granmaten, i'n kontinyen ranmase ziska aprezan, san okenn pozman.”

Rit 2:7 ပူးပေါင်းရင်းမြစ်များ

Proverb 13:4

Dezir sa enn ki pares pa zanmen abouti; Me sa enn ki travay dir i realiz tou sa ki i anvi.

Proverb 15:33

Respe pour SENYER i ansenny lasazes. Limilite i vin avan loner.

Proverb 18:23

En pov i koz an sipliyan; en ris i reponn avek bann parol dir.

Proverb 22:29

Si en zonm i fer byen son travay, ava kapab servi bann lerwa; i pa pou travay pour dimoun ordiner.

Eklezyas 9:10

Tou sa ki ou lanmen i kapab fer, fer li avek ou prop lafors akoz pou napa ni aktivite, ni rezon, ni konnesans, ni lasazes dan lemonn lanmor, kot ou pe ale.

Matye 5:3

Byennere bann ki konnen zot pov, akoz Rwayonm lesyel i pour zot!

Romen 12:11

Pa fer pares, me servi Senyer avek tou zot leker.

Galat 6:9

Annou pa fatige fer lebyen; akoz si nou pa dekouraze, nou pou rekolte dan son letan.

Efezyen 5:21

Par respe ki zot annan pour Kris, obei kanmarad.

Rit 2:2

Rit, sa Moabit, ti dir avek Naomi, “Les mwan al dan plantasyon e mon ava ranmas bann zepi mai deryer en travayer ki ava dakor pour fer mwan sa faver.” Naomi ti reponn li, “Ale, mon fiy.”

Rit 2:21

Rit, sa Moabit ti dir, “Par kont, i'n menm dir mwan: Reste avek mon bann travayer, ziska ki zot fini mon rekolt.”

Rit 2:6

Sa serviter ansarz ti reponn li, “Sa i sa zenn Moabit, ki'n vin avek Naomi sorti dan lakanpanny Moab.

Rit 2:8

Alor, Boaz ti dir avek Rit, “Ekoute, mon fiy, pa al ranmas zepi mai dan okenn lezot plantasyon. Reste isi avek mon bann servant.