Rit 2:20 - Labib An Kreol Seselwa

²⁰ Naomi ti dir avek son belfiy, “SENYER ava beni sa zonm. I pa pou zanmen aret montre son bonte anver bann vivan koman bann mor!” Naomi ti osi azoute, “Sa zonm i enn nou fanmir pros, enn parmi bann ki annan responsabilite anver nou.”

Rit 2:20 ပူးပေါင်းရင်းမြစ်များ

2 Samyel 2:5

I ti anvoy bann mesaze kot bann zabitan Yabes dan Galaad pour dir zot, “SENYER ava beni zot, akoz zot in montre zot labonte anver Sail, zot met, e zot in anter li.

2 Samyel 9:1

David ti demande: Eski napa personn ki reste dan lafanmir Sail, pour ki mon azir avek bonte pour li, akoz Zonatan?

Liv Zob 19:25

Mwan, mon konnen ki mon redanmter i vivan e ki anfen, i pou leve lo sa later.

Proverb 17:17

En zanmi i fidel dan tou sirkonstans; en frer i la pour partaz son difikilte.

Levitik 25:25

Si enn ou frer i tonm dan lanmizer e i bezwen vann en porsyon son propriyete, son fanmir pros ava annan drwa reaste sa later ki son frer ti'n vann.

Filipyen 4:10

Mon'n ganny en gran lazwa ini avek Senyer, akoz zot in anfen kapab montre ankor enn fwa, zot lentere pour mwan. Mon pa oule dir ki zot pa ti pran ka avek mwan; me zot ti napa lokazyon pour montre.

Rit 2:21

Rit, sa Moabit ti dir, “Par kont, i'n menm dir mwan: Reste avek mon bann travayer, ziska ki zot fini mon rekolt.”

Rit 3:12

Annefe, i vre ki mon en fanmir pros, me selman, i annan en lot zonm ki en fanmir pli pros ki mwan.

Rit 4:14

Bann fanm ti dir avek Naomi, “Rann glwar SENYER, ki pa'n kit ou san en desandans, me ki non ou pti zanfan i ganny renonmen an Izrael!

Rit 4:4

Alor, mon mazinen ki mon devre fer ou konnen, e dir ou, aste sa later dan prezans bann ansyen lavil. Si ou oule, aste li. Me si ou pa oule, fer li kler, pour mwan konnen, akoz se ou ki annan drwa aste. Apre ou, i vin mwan.” Sa zonm ti dir, “Mon pou aste sa propriyete.”

Rit 4:6

Sa zonm ti reponn, “Dan sa ka mon pa kapab aste, pangar i detri mon prop patrimwann. Preferab ou aste li; mwan mon pa kapab fer li.”