Rit 2:13 - Labib An Kreol Seselwa

¹³ Apre sa, Rit ti reponn li, “Ou vreman bon anver mwan, mon met. Ou'n donn mwan konfor e koz byen avek mwan, ou servant, malgre mon pa ni menm egal avek ou bann servant.”

Rit 2:13 ပူးပေါင်းရင်းမြစ်များ

Zenez 32:6

Bann mesaze ti retourn kot Zakob. Zot ti dir li, “Nou sorti kot ou frer Ezai. I pe vin zwenn ou avek 400 zonm.”

Zenez 33:10

Zakob ti dir, “Non, mon sipliy ou, si ou aksepte mwan, alor, aksepte mon kado. Annefe, mon pe vin dan ou prezans konmsi dan prezans Bondye. Ou'n resevwar mwan avek bonte.

Zenez 33:15

Ezai ti dir, “Les mwan kit en pe mon bann zonm avek ou.” Me Zakob ti dir, “Pa neseser. I sifi ki mon ganny aksepte par mon senyer.”

Zenez 33:8

Ezai ti dir, “Akoz ou'n anvoy tou sa group ki mon'n rankontre par devan?” Zakob ti reponn, “Pour mwan ganny aksepte devan mon senyer.”

Zenez 34:3

I ti kontan Dina, fiy Zakob e i ti esey ganny son leker.

Zenez 43:14

Mon swete ki Bondye Toupwisan i tous leker sa zonm e ki i ava pran pitye pour zot. I ava les zot lot frer ek Benzamen retournen. Kanta mwan, si fodre perdi ankor mon bann zanfan, i ava konmsi mon ti napa zot.”

2 Samyel 16:4

Lerwa ti dir Siba, “Mon donn ou tou sa ki Mefi-Boset i posede.” Siba ti prosternen. I ti dir, “Mon rwa! Mon senyer! Mon remersye ou pour ou bonte.”

Proverb 15:33

Respe pour SENYER i ansenny lasazes. Limilite i vin avan loner.

Oze 2:16

La sa ki SENYER i deklare: Sa zour ou pou apel mwan: Mon mari. I pou nepli apel mwan: Mon Baal.

Filipyen 2:3

Pa fer nanryen dan en lespri konpetisyon ni par lorgey. O kontrer avek limilite, konsider lezot pli enportan ki ou.

Ziz 19:3

Son mari ti deside al rod li pour persiad li retourn avek li. I ti'n anmenn avek li son serviter ek de bourik. Sa fanm ti fer li antre dan lakaz son papa. Ler son papa ti war li, i ti byen akey li.

Rit 2:12

SENYER ava rekonpans ou pour tou sa ki ou fer. Ou'n vin plas ou anba proteksyon SENYER, Bondye Izrael. I pou rekonpans ou plennman.”

Rit 2:14

Kan ler manze ti arive, Boaz ti dir avek Rit, “Vin isi, vin manz en pe dipen, e tranp ou bout dipen dan diven.” Alor, Rit ti asiz obor bann travayer, e Boaz ti pas li bann legren roti, e Rit ti manz son lapeti, e ti reste.

1 Samyel 1:18

Ann ti dir, “Mon ou servant; mon swete ki ou ava touzour bon anver mwan!” Apre, i ti ale. I ti manze e i ti nepli tris.

1 Samyel 25:41

Abigail ti leve, prostern lafas ater devan zot. I ti dir, “Mon ou servant; mon pou vin en lesklav pour lav lipye bann serviter mon senyer.”