Rit 1:20 - Labib An Kreol Seselwa

²⁰ Me i ti reponn zot, “Pa apel mwan Naomi, ki vedir Erez, apel mwan Mara, savedir anmer, akoz Bondye Toupwisan in rann mon lavi vreman anmer!

Rit 1:20 ပူးပေါင်းရင်းမြစ်များ

Zenez 17:1

Kan Abranm ti annan 99 an, SENYER ti aparet avek li. I ti dir li, “Mwan Bondye Toupwisan; mars touzour dan mon prezans e fer sa ki byen.

Zenez 43:14

Mon swete ki Bondye Toupwisan i tous leker sa zonm e ki i ava pran pitye pour zot. I ava les zot lot frer ek Benzamen retournen. Kanta mwan, si fodre perdi ankor mon bann zanfan, i ava konmsi mon ti napa zot.”

Liv Zob 11:7

Eski ou kapab sonn profonder Bondye? Eski ou kapab konn grander Bondye liniver?

Liv Zob 19:6

Bondye ki'n fer mwan soufer. In anvlop mwan dan son lasenn.

Liv Zob 5:17

I ere, sa enn ki Bondye i korize! Alor, pa refiz koreksyon Bondye Toupwisan.

Liv Zob 6:4

Bondye liniver in pers mwan avek son bann dart; mon lespri in bwar zot pwazon. Lafreyer Bondye in pran pozisyon kont mwan.

Liv Zob 9:18

I pa donn mwan letan respire, me i ranpli mwan avek lanmertim.

Psonm 73:14

Tou lazournen mon'n ganny bate; tou le bomaten mon ganny pini.

Psonm 88:15

Depi mon lanfans, mon ti malere e pre pour mor. Mon'n viv dan lafreyer, dan dezespwar.

Egzod 15:23

Zot ti ariv Mara kot zot pa ti kapab bwar sa delo akoz i ti anmer. Alor, zot ti apel sa landrwa Mara, savedir anmer.

Egzod 6:3

Mon ti aparet avek Abrahanm, Izaak ek Zakob koman Bondye Toupwisan, me mon pa ti fer zot konn mwan par mon non: SENYER.

Ezai 38:13

Tou lannwit mon'n pasyante. In kraz tou mon lezo parey en lyon. Dan en sel zour ou ava'n fini avek mwan.

Ebre 12:11

O konmansman, tou koreksyon pa sanble donn lazwa, me latristes. Me plitar, pour tou bann ki ganny disiplinen, i prodwi lape ek lazistis.

Revelasyon 1:8

La sa ki Senyer Bondye i deklare: Mwan menm Alfa ek Omega, sa enn ki egziste, ki ti egziste e ki pe vini, Bondye Toupwisan.

Revelasyon 21:22

Mon pa ti war okenn tanp dan lavil akoz Senyer Bondye Toupwisan avek Zenn Mouton ti zot menm Tanp.