Revelasyon 9:5 - Labib An Kreol Seselwa

⁵ Sa bann sotrel pa ti ganny permisyon pour touy sa bann zonm, me zis pour tourmant zot pandan senk mwan. Sa douler ki zot ti provoke ti parey pike skorpyon.

Revelasyon 9:5 ပူးပေါင်းရင်းမြစ်များ

2 Kronik 10:11

Si mon papa ti plas lo zot en fardo lour, mwan, mon pou rann li pli lour ankor. Mon papa ti bat zot avek en fwet, me mwan mon pou koriz zot avek skorpyon.”

2 Kronik 10:14

I ti reponn zot dapre sa ki bann zennzan ti konsey li, “Mon papa ti rann zot fardo lour, me mwan, mon pou ogmant li ankor. Mon papa ti pini zot avek fwet, me mwan mon pou koriz zot avek skorpyon.”

Liv Zob 2:6

SENYER ti dir Lakizater, “Dakor! Mon kit li dan ou pouvwar. Me pa tous son lavi.”

Ezekyel 2:6

Alor, ou ki en imen, pa per zot, ni parol ki zot dir; ou antoure avek zarbis rons ek pikan, oubyen asiz lo bann skorpyon. Me pa per sa ki zot dir, ni les lekspresyon zot figir efrey ou, akoz zot en ras rebel.

Danyel 7:6

Apre sa, mon ti war en trwazyenm bebet. I ti parey en leopar ki ti annan kat lezel zwazo lo son ledo, ek kat latet. I ti resevwar pouvwar pour domin lemonn.

Levanzil dapre Zan 19:11

Zezi ti reponn li, “Ou pa ti pou annan pouvwar lo mwan, si Bondye pa ti'n donn ou. Pour sa rezon, sa zonm ki'n livre mwan dan ou lanmen i pli koupab ki ou.”

Revelasyon 11:7

Me kan zot ava'n fini rann temwannyaz, sa bebet ki monte sorti dan labim, pou atak zot. I pou ganny laviktwar lo zot e touy zot.

Revelasyon 13:5

Sa bebet ti ganny en labous pour li kapab pronons bann parol arogan, e blasfenm Bondye. I ti ganny lotorite pour egzers son pouvwar pandan 42 mwan.

Revelasyon 13:7

I ti ganny permisyon fer lager kont pep Bondye e ganny laviktwar lo zot. I ti ganny pouvwar lo tou tribi, pep, lalang ek tou nasyon.

Revelasyon 9:10

Zot ti annan lake parey skorpyon arme avek bann dart. Pouvwar fer ditor bann zonm pandan senk mwan ti dan zot lake.

Revelasyon 9:3

Dan sa lafimen, en kantite sotrel ti sorti e fannen lo later. Zot ti ganny en pouvwar parey pouvwar bann skorpyon.