Revelasyon 8:7 - Labib An Kreol Seselwa

⁷ Premye lanz ti soufle dan son tronpet. Lagrel ek dife melanze avek disan ti devers lo later. En tyer later, en tyer bann pye dibwa ek tou zerb ver ti ganny brile.

Revelasyon 8:7 ပူးပေါင်းရင်းမြစ်များ

Psonm 105:32

Dan plas lapli, ti annan lagrel e bann laflanm dife ti klate partou dan pei.

Egzod 9:33

Alor, Moiz ti sorti kot Faraon dan lavil. I ti lev son lanmen ver SENYER e loraz ek lagrel ti arete. Lapli osi ti arete.

Ezai 28:2

En zonm ki for e pwisan pe vini pour SENYER. I parey en lapli lagrel, en tanpet devastater; parey en gro tanpet ki fer larivyer deborde. Avek lafors son lanmen, i pou balans tou lo later.

Ezai 29:6

SENYER liniver pou azir dan loraz, tranblemandter dan gro tapaz dan gro divan tanpet ek laflanm dife ki bril tou dan son pasaz.

Ezai 30:30

Alor, SENYER ava fer tande son lavwa pwisan. I pou montre lafors son lebra ki fer fraka ler i desann dan en dife ki devor tou avek son laflanm avek en tanpet lapli ek lagrel.

Ezai 32:19

Lafore pou disparet anba lagrel e lavil pou ganny aplati konpletman.

Ezekyel 38:22

Dan mon zizman kont li, mon pou anvoy lepidemi, zot ava ganny masakre; mon pou anvoy gro lapli ek lagrel, dife ek souf lo zot larme e lo tou zot bann alye.

Zoel 2:30

Mon pou fer paret bann siny ekstraordiner dan lesyel e lo later: Pou annan disan, dife, ek lafimen.

Let Zak 1:11

Soley i leve, son gro lasaler i bril sa plant; sa fler i tonbe e son labote i disparet. Demenm, en ris pou disparet dan milye son bann zafer.

Zozye 10:11

Pandan ki bann Amorit ti pe sov bann Izraelit dan desant Bet-Horonn, SENYER ti fer tonm lo zot depi lesyel, lagrel parey bann gro ros, tou dilon, ziska Aseka. Plis zonm ti mor par lagrel ki par lepe bann Izraelit.

1 Pyer 1:24

Annefe, parey Lekritir i deklare: Tou dimoun i koman zerb. Tou zot laglwar i koman fler zerb. Zerb i sek e fler i fletri.

Revelasyon 12:4

Son lake ti balye en tyer bann zetwal dan lesyel e zet zot lo later. Sa dragon ti debout devan sa fanm ki ti pe al akouse, pour li devor son zanfan koman i ne.

Revelasyon 16:2

Premye lanz ti ale e devers son lakoup lo later. Alor, en bann vilen boubou fermal ti aparet lo bann dimoun ki ti port mark sa bebet e ki ti ador son stati.

Revelasyon 16:21

Bann gro lagrel ki pez ziska 40 kilo ti sorti dan lesyel e tonm lo dimoun. Sa bann dimoun ti ensilte Bondye pour sa fleo lagrel ki ti vreman terib.

Revelasyon 6:8

Mon ti war en seval kouler pal. Sa enn ki ti pe mont sa seval ti apel Lanmor, e lemonn lanmor ti pe swiv li. Zot ti ganny pouvwar lo en kar later, pour touy dimoun par lepe, lafanmin, lepidemi, e par zannimo sovaz.

Revelasyon 7:1

Apre sa, mon ti war kat lanz pe debout dan kat kwen later. Zot ti pe tenir sa kat divan, pour ki okenn pa soufle, ni lo later, ni lo lanmer, ni lo okenn pye dibwa.

Revelasyon 9:15

I ti larg sa kat lanz ki ti pare pour sa ler, sa zour, sa mwan e sa lannen, pour detri en tyer zabitan later.

Revelasyon 9:18

En tyer zabitan later ti ganny detri par sa trwa fleo: Dife, lafimen ek souf ki ti sorti dan zot labous.

Revelasyon 9:4

Bann sotrel ti ganny lord pour pa fer dimal zerb lo later, ni pye dibwa, ni okenn plant, me zis bann zonm ki pa ti'n ganny marke avek sele Bondye lo zot fron.