Revelasyon 8:3 - Labib An Kreol Seselwa

³ En lot lanz avek en lansanswar annor dan son lanmen, ti vin debout kot lotel. Zot ti donn li en kantite lansan pour ofer avek lapriyer pep Bondye, lo lotel annor devan tronn.

Revelasyon 8:3 ပူးပေါင်းရင်းမြစ်များ

1 Rwa 7:50

bann bol, bann tennywar, bann basen, pla pour lasann, brazye; tou ti annor pir; bann gon annor pour laport Lasal Tre Sen pour laport dan lantre tanp.

Psonm 141:2

Aksepte mon lapriyer parey lansan ki mont kot ou e mon lanmen i leve parey en lofrann aswar.

Egzod 40:26

I ti plas lotel annor dan Latant Rankont, devan rido separasyon.

Ezai 6:6

Me, enn bann serafen ti anvol ver mwan. Dan son lanmen, i ti annan en labrez ki i ti'n pran lo lotel avek en pens.

Ezekyel 41:22

en lotel an bwa en met edmi oter, en met longer e en met larzer; son kwen, son sipor ek son bann kote, tou ti an bwa. Sa zonm ti dir mwan: Sa i latab ki'n ganny plase devan SENYER.

Amos 9:1

Mon ti war SENYER debout kot lotel. I ti dir: Tap kornis bann kolonn e son fondasyon i ganny sekwe! Kraz zot e fer tonm lo zot latet; Mon pou fer masakre sa bann ki reste. Personn pa pou sape; personn pa pou kapab sove.

Malasi 1:11

Depi soley leve ziska soley kouse, partou dan lemonn, dimoun i onor mwan. Partou, zot bril lansan e prezant en lofrann pir, akoz mon non i gran parmi bann nasyon, SENYER liniver ki deklare.

Nonm 4:11

Lo lotel annor, zot ava met en tapi kouler ble e en kouvertir an kwir. Apre, zot ava plas son bann bar.

Nonm 7:62

en lakoup annor ki ti pez 100 granm, ranpli avek lansan,

Levanzil dapre Lik 1:10

Pandan ki Zakari ti pe bril lansan dan Tanp, lafoul ti pe priye deor.

Romen 8:34

Alor, lekel ki kapab kondann zot? Personn, akoz Zezi-Kri li menm ki'n mor. Me anplis, i'n resisite e i lo kote drwat Bondye e i pe entersed pour nou.

Ebre 7:25

Pour sa rezon ki i kapab sov pour leternite, dimoun ki apros kot Bondye atraver li, akoz i touzour vivan pour pled dan zot faver.

Ebre 9:4

La, ti annan lotel annor kot ti bril lansan, ek Kof lalyans ki ti kouver antye avek lor. Ladan, ti annan en resipyan annor kot ti annan lamann, baton Aaron ki ti'n fleri, ek sa de plak ros kot lalyans in grave.

Revelasyon 10:1

Alor, mon ti war sorti dan lesyel en lot lanz pwisan, anvlope avek en nyaz e avek en larkansyel otour son latet. Son figir ti koman soley, e son lazanm koman de kolonn dife.

Revelasyon 14:18

Answit, en lot lanz, ki ti annan pouvwar lo dife, ti sorti kot lotel. I ti kriy avek en lavwa for avek sa enn ki ti annan fosi byen koupe. I ti dir li: Anvoy ou fosi e fer rekolt bann grap rezen lo later, akoz rezen in mir.

Revelasyon 5:8

Kan i ti pran sa liv, sa kat et vivan ek sa 24 ansyen ti prosternen devan sa Zenn Mouton. Sakenn ti annan en laarp ek bann lakoup annor ranpli avek lansan ki reprezant lapriyer bann krwayan.

Revelasyon 6:9

Kan Zenn Mouton ti ouver senkyenm sele, mon ti war anba lotel bann ki ti'n ganny touye akoz Parol Bondye e akoz temwannyaz ki zot ti'n donnen.

Revelasyon 7:2

Apre, mon ti war en lot lanz monte, sorti kote soley leve, avek sele Bondye ki vivan. Avek en lavwa for, i ti kriy avek sa kat lanz ki ti'n ganny pouvwar pour ravaz later ek lanmer:

Revelasyon 8:4

Lafimen lansan sorti dan lanmen lanz ti monte devan Bondye, avek lapriyer pep Bondye.

Revelasyon 8:5

Apre, lanz ti pran lansanswar, e ranpli li avek dife sorti lo lotel e zet li lo later. Toudswit ti annan loraz, tapaz bann lavwa, zekler ek tranblemandter.

Revelasyon 9:13

Alor, sizyenm lanz ti soufle dan son tronpet. Mon ti antann en lavwa sorti kot sa kat korn lotel annor ki devan Bondye.