Revelasyon 8:2 - Labib An Kreol Seselwa

² Alor, mon ti war sa set lanz ki debout devan Bondye. Sakenn ti ganny en tronpet.

Revelasyon 8:2 ပူးပေါင်းရင်းမြစ်များ

Zakari 4:10

Sa enn ki'n mepriz letan bann pti keksoz, pou kontan kan i pou war sa pyer fondasyon dan lanmen Zorobabel! Sa set lalanp se lizye SENYER ki eksplor later antye.”

Matye 18:10

“Fer sir ki zot pa mepriz okenn sa bann pti zanfan. Annefe, mon dir zot: Zot bann lanz i toultan dan prezans mon Papa ki dan lesyel.

Matye 24:31

I pou anvoy son bann lanz avek en gran tronpet. Zot ava rasanble bann ki'n ganny swazir dan kat kwen later, depi en bout ziska lot.”

Levanzil dapre Lik 1:19

Alor lanz ti reponn li, “Mwan, Gabriyel ki debout dan prezans Bondye pour servi li. In anvoy mwan pour koz avek ou, e anons ou sa bon nouvel.

Levanzil dapre Lik 21:36

Pandan sa bann zour, veye, pa arete priye. Konmsa, zot ava ganny lafors pour travers tou sa bann keksoz ki pou arive, e reste debout devan Fis-de-Lonm.”

1 Korentyen 15:52

dan en pti moman, dan en klendey, kan dernyen tronpet pou soufle. Annefe, tronpet pou soufle e bann mor pou resisite imortel; e nou, nou pou ganny transformen.

1 Tesalonisyen 4:16

Annefe, kan sinyal pou ganny donnen avek lavwa en larkanz, e son tronpet Bondye, Senyer li menm pou desann sorti dan lesyel, e bann ki'n mor dan Kris pou resisite an premye.

Revelasyon 1:4

Delapar Zan, pour sa set Legliz ki dan provens Lazi. Lagras ek lape delapar Bondye ki egziste, ki ti egziste e ki pe vini; delapar sa set Lespri ki devan son tronn,

Revelasyon 11:15

Setyenm lanz ti soufle dan son tronpet. Dan lesyel, bann lavwa tre for ti rezonnen. Zot ti pe dir: Aprezan, rwayonm lemonn in vin pour nou Senyer, e pour son Kris. I pou rennyen pour touzour.

Revelasyon 15:1

Apre, mon ti war en lot gran siny etonan dan lesyel: Mon ti war set lanz avek set fleo. Sa ti set dernyen fleo ki pou met en lafen avek lakoler Bondye.

Revelasyon 16:1

Answit, mon ti antann en lavwa for sorti dan Tanp. I ti dir sa set lanz: Al devers sa set lakoup lakoler Bondye lo later.

Revelasyon 8:13

Answit, mon ti regarde: Mon ti antann en leg ki ti pe anvole byen o dan lesyel. I ti kriye avek en lavwa for: Maler! Maler! Maler lo bann zabitan later, akoz sa bann tronpet ki sa trwa lanz pe al soufle.

Revelasyon 8:6

Alor, sa set lanz ki ti annan sakenn en tronpet, ti prepar zot pour soufle.

Revelasyon 9:1

En senkyenm lanz ti soufle dan son tronpet. Alor, mon ti war en zetwal sorti dan lesyel e tonm lo later. Zot ti donn li lakle labim, sa trou san fon.