Revelasyon 7:9 - Labib An Kreol Seselwa

⁹ Apre sa, mon ti regarde e mon ti war en gran lafoul ki personn pa ti kapab konte, sorti dan tou nasyon, tribi, pep ek lalang. Zot ti debout devan tronn e devan Zenn Mouton, abiye dan rob blan, avek brans palm dan lanmen.

Revelasyon 7:9 ပူးပေါင်းရင်းမြစ်များ

Zenez 13:16

Mon pou fer ou desandans vin sitan nonbre, parey lapousyer later ki personn pa kapab konte.

Zenez 49:10

Pouvwar rwayal pou reste touzour dan fanmir Zida. Baton komann pou reste dan lanmen son desandans pour touzour. Bann nasyon pou annan respe pour li e obei li.

Psonm 2:8

Demann mwan, e mon ava donn ou tou nasyon e later antye ava vin ou propriyete.

Psonm 22:27

Later antye, ava mazin SENYER. Zabitan later ava retourn ver li. Tou bann fanmir bann pep ava ador li.

Psonm 76:4

Ou laglwar i gran; i pli manifik ki en montanny piyaz lager.

Psonm 77:2

Kan mon dan maler, mon tourn ver SENYER. Dan lannwit, mon reste lanmen anler, san repo; mon refize ganny konsole.

Psonm 98:3

I rapel son fidelite ek son lanmour anver pep Izrael. Tou bann nasyon lo later in war bann laviktwar nou Bondye.

Zeremi 16:19

Ou menm, SENYER, ki mon lafors, mon refiz dan langwas. Par tou kote lo later, bann nasyon pou vin dir ou: Nou bann zanset in erit zis mansonz; bann fo bondye ki pa ti kapab fer nanryen.

Zeremi 3:17

Kan sa zour i arive, Zerizalenm pou ganny apele Tronn SENYER e tou bann pep pou rasanble la, pour rankontre mwan. Zot pou nepli swiv dezir zot move leker.

Ezekyel 47:5

I ti mezir ankor 500 met; i ti'n vin en larivyer, mon pa ti kapab traverse akoz delo ti'n monte. I ti tro kre, ti fodre naze pour traverse.

Danyel 4:1

Mesaz lerwa Naboukodonozor pour tou bann pep, tou bann nasyon, ki koz diferan langaz, atraver later antye: Soue lape ek gran prosperite!

Danyel 6:25

Apre sa, lerwa Dariis ti ekri tou bann pep, tou nasyon dan diferan pei e tou langaz atraver later antye: Mon swete ki zot ava ganny en gran lape!

Oze 1:10

Pep Izrael pou vin koman disab lo bor lanmer, personn pa pou kapab konte. La kot zot ti dir: Ou pa mon pep! Zot pou ganny dir: Zot zanfan Bondye vivan.

Levitik 23:40

Premye zour, zot ava pran bann meyer fri, bann brans palmye, bann brans kouver avek fey ek brans bann pye dibwa ki pous obor larivyer. Pandan set zour, zot ava selebre dan lazwa devan SENYER zot Bondye.

Zakari 10:8

Mon pou donn zot sinyal pour rasanble zot, akoz mon'n sov zot. Zot popilasyon pou osi nonbre ki zot ti ete avan.

Zakari 2:11

Sa zour, bokou nasyon pou rasanble otour SENYER. Zot ava vin mon pep; e mon pou reste parmi zot. Alor, zot ava konnen ki SENYER liniver ki'n anvoy mwan kot zot.

Levanzil dapre Lik 12:1

Pandan sa letan, plizyer milye dimoun ti'n rasanble e ti pe mars lo lipye kanmarad. Zezi ti dir dabor avek son bann disip, “Fer atansyon lelven bann Farizyen, savedir zot lipokrizi.

Levanzil dapre Lik 21:36

Pandan sa bann zour, veye, pa arete priye. Konmsa, zot ava ganny lafors pour travers tou sa bann keksoz ki pou arive, e reste debout devan Fis-de-Lonm.”

Levanzil dapre Zan 12:13

Alor, zot ti pran bann brans palmye e sorti pour al zwenn li an kriyan: Ozana! I ganny beni, sa enn ki vin lo non Senyer, Lerwa pep Izrael!

Romen 11:25

Mon bann frer ek ser! Pour zot pa tonm dan lorgey e pran zot pour bann saz, mon oule revel zot en mister: En parti pep Izrael, pou persiste dan son landirsisman, ziska ki tou lezot pep ava'n aksepte Bondye.

Efezyen 6:13

Pour sa rezon, zot devre met lo tou bann zarm ki Bondye in donn zot. Alor, kan bann move zour ava arive, zot ava kapab defann zot kont latak lennmi. Kan zot ava'n fini lite ziska zot dernyen zour, zot ava ankor kapab tenir ferm.

Ebre 11:12

Pour sa rezon, par zis en zonm, menm si i ti pre pour mor, Bondye in fer sorti en kantite desandans parey zetwal dan lesyel e parey gren disab lo bor lanmer.

Ebre 12:22

Me zot, o kontrer, zot in apros montanny Siyon, lavil Bondye ki vivan, Zerizalenm ki dan lesyel, avek son bann mil milyon lanz dan rasanbleman lafet.

Revelasyon 11:15

Setyenm lanz ti soufle dan son tronpet. Dan lesyel, bann lavwa tre for ti rezonnen. Zot ti pe dir: Aprezan, rwayonm lemonn in vin pour nou Senyer, e pour son Kris. I pou rennyen pour touzour.

Revelasyon 22:3

Pou nepli annan malediksyon, akoz tronn Bondye ek tronn Zenn Mouton pou dan lavil, e zot bann serviter pou ador zot.

Revelasyon 3:18

Pour sa rezon, mon konsey ou: Vin aste avek mwan lor ki'n ganny teste dan dife, e ou ava vin ris. Vin aste lenz blan kot mwan, pour ou abiye e kasyet laont ou touni. Vin aste osi en remed pour ou pas lo ou lizye pour ou kapab war kler.

Revelasyon 4:4

Otour tronn, ti annan 24 lezot tronn. Lo sa bann tronn, 24 ansyen ti pe asiz, abiye an blan avek kouronn annor lo latet.

Revelasyon 5:11

Mon ti get ankor: Otour tronn ek bann kreatir vivan, mon ti antann lavwa en gran kantite lanz, mil milyon zot.

Revelasyon 5:9

Zot ti sant en nouvo kantik: Ou diny pour resevwar sa liv e kas son bann sele. Annefe, ou ti ganny egorze, e par ou disan, ou'n reaste pour Bondye, zonm dan tou ras, lalang, pep ek nasyon.

Revelasyon 6:11

Alor, sakenn ti ganny en rob blan. Zot ti ganny demande pour pasyante ankor en pti pe letan, ziska ki tou zot bann frer ek lezot serviter ki devre ganny touye parey zot, ava ariv son kantite konplet.

Revelasyon 7:8

dan tribi Zabilon, 12,000; dan tribi Zozef, 12,000; dan tribi Benzamen, 12,000.