Revelasyon 7:3 - Labib An Kreol Seselwa

³ Pa fer dimal later, lanmer oubyen okenn pye dibwa, ziska ki nou ava'n fini mark avek sele fron bann serviter Bondye.

Revelasyon 7:3 ပူးပေါင်းရင်းမြစ်များ

Egzod 12:13

Sa disan ava en siny lo bann lakaz pou montre kot zot ete. Ler mon pou war sa disan, mon pou pas par lao zot e sa fleo pa pou detri zot kan mon pou pini Lezip.

Egzod 12:23

SENYER pou pase pour touy bann Ezipsyen. Kan i ava war sa disan lo lento e lo poto laport, SENYER pou sot sa lakaz; i pa pou les sa fleo antre kot zot.

Ezai 27:8

Ou'n egzekit ou zizman, ou'n anvoy zot annegzil. Par ou souf terib, ou'n balye zot parey en divan vyolan sorti dan Les.

Ezai 54:17

Tou zarm ki'n ganny fabrike kont ou pa pou servi nanryen. Okenn lakizasyon kont ou pa pou tenir debout. Sanmenm par ki ou'n rezerve pour bann serviter SENYER e drwa ki sorti kot mwan. SENYER ki'n deklare.

Ezai 6:13

Si i reste ankor en dizyenm zabitan, li osi, i pou ganny brile. Me, parey en pye dibwa ki son siko i reste ler in ganny koupe, en desandans sen pou bourzonnen, sorti dan sa siko.

Ezai 65:8

La sa ki SENYER i deklare: Ler i annan en grap rezen ki ranpli avek zi, dimoun i dir: Pa bezwen detri li akoz sa i siny benediksyon. Mwan osi, pour lanmour mon serviter, mon pou fer parey; mon pa pou detri zot.

Ezekyel 9:4

SENYER ti dir li, “Al partou atraver lavil, atraver Zerizalenm; met en mark lo fron bann ki plennyen e plere akoz bann aksyon degoutan ki ganny komet dan sa lavil.”

Ezekyel 9:6

Touy zot tou: Vyeyar, zennzan, zenn fiy, pti zanfan ek bann fanm, me pa tous personn ki annan mark lo fron. Ou ava konmans par mon sanktyer.” Alor, zot ti konmans touy bann ansyen ki ti devan tanp.

Danyel 3:17

Mazeste! Nou Bondye ki nou servi, i kapab sov nou dan sa fourno laflanm dife, e dan ou lanmen.

Danyel 3:26

Naboukodonozor ti apros laport fourno laflanm dife. I ti dir, “Sadrak, Mesak ek Abed-Nego, serviter Bondye Toupwisan, sorti! Vini!” Alor, Sadrak, Mesak ek Abed-Nego ti sorti dan dife.

Danyel 6:16

Alor, lerwa ti ordonnen ki zot anmenn Danyel e zet li dan kavern lyon. Lerwa ti dir avek Danyel, “Ou Bondye, ki ou servi avek perseverans ava delivre ou!”

Sofoni 2:3

Rod SENYER! Zot tou bann dimoun senp dan pei, bann ki azir avek drwatir. Rod lazistis ek limilite! Petet, zot ava ganny proteze, zour lakoler SENYER.

Malasi 3:18

Ankor en fwa, zot ava war diferans ant sa enn ki zis ek en malfeter, ant sa enn ki servi Bondye ek sa enn ki pa servi li.

Matye 24:22

Me si Bondye pa ti'n rakoursi sa bann zour, personn pa ti pou ganny sove. Me Bondye in rakoursi sa bann zour, akoz son pep ki i'n swazir.

Matye 24:31

I pou anvoy son bann lanz avek en gran tronpet. Zot ava rasanble bann ki'n ganny swazir dan kat kwen later, depi en bout ziska lot.”

Levanzil dapre Zan 12:26

Sa enn ki oule servi mwan, fodre ki i swiv mwan; e la kot mon ete, mon serviter ava la avek mwan. Sa enn ki oule servi mwan, mon Papa pou rekonpans li.”

Levanzil dapre Zan 3:33

Sa enn ki aksepte son temwannyaz i sertifye ki Bondye i Laverite.

Romen 6:22

Me aprezan zot in ganny libere avek pese, e zot in vin dan servis Bondye. Zot pe prodwi fri en lavi sen e son rekonpans final se lavi eternel.

Revelasyon 13:16

I ti obliz osi tou dimoun, pti koman gran, ris koman pov, lib koman lesklav, pou ganny marke lo zot lanmen drwat oubyen lo zot fron.

Revelasyon 13:17

Ensi, personn pa ti kapab aste, ni vann, san ki i annan sa mark, setadir, non sa bebet, oubyen sif ki reprezant son non.

Revelasyon 14:1

Apre, mon ti gete, e mon ti war Zenn Mouton pe debout lo montanny Siyon. Avek li ti annan 144,000 dimoun ki ti port son non ek non son Papa ekri lo zot fron.

Revelasyon 14:9

En lot lanz, en trwazyenm, ti swiv. I ti dir avek en lavwa for: Si en dimoun i ador sa bebet ek son stati e resevwar en mark lo son fron oubyen lo son lanmen,

Revelasyon 19:2

Son zizman i vre e zis! I'n ziz sa gran prostitye ki'n ranpli later avek koripsyon ek son prostitisyon. Bondye in vanz disan son bann serviter ki zot i'n touye.

Revelasyon 20:4

Apre, mon ti war bann tronn. Sa bann ki ti pe asize lo tronn ti'n ganny pouvwar pou zize. Mon ti osi war bann ki ti'n ganny egzekite akoz temwannyaz Zezi ek Parol Bondye. Zot pa ti'n ador sa bebet ni son zimaz, e zot pa ti'n resevwar mark sa bebet lo zot fron, ni lo zot lanmen. Zot ti resisite e renny avek Kris pandan 1,000 an.

Revelasyon 22:4

Zot pou war son vizaz e son non pou ganny enskri lo zot fron.

Revelasyon 6:6

Mon ti antann sa ki ti resanble en lavwa ki sorti parmi sa kat kreatir vivan dir: En mezir dible pour en zournen lapey; trwa mezir lorz pour en zournen lapey. Me pa koz okenn domaz delwil ek diven!

Revelasyon 7:1

Apre sa, mon ti war kat lanz pe debout dan kat kwen later. Zot ti pe tenir sa kat divan, pour ki okenn pa soufle, ni lo later, ni lo lanmer, ni lo okenn pye dibwa.

Revelasyon 7:2

Apre, mon ti war en lot lanz monte, sorti kote soley leve, avek sele Bondye ki vivan. Avek en lavwa for, i ti kriy avek sa kat lanz ki ti'n ganny pouvwar pour ravaz later ek lanmer:

Revelasyon 9:4

Bann sotrel ti ganny lord pour pa fer dimal zerb lo later, ni pye dibwa, ni okenn plant, me zis bann zonm ki pa ti'n ganny marke avek sele Bondye lo zot fron.