Revelasyon 7:2 - Labib An Kreol Seselwa

² Apre, mon ti war en lot lanz monte, sorti kote soley leve, avek sele Bondye ki vivan. Avek en lavwa for, i ti kriy avek sa kat lanz ki ti'n ganny pouvwar pour ravaz later ek lanmer:

Revelasyon 7:2 ပူးပေါင်းရင်းမြစ်များ

2 Rwa 19:4

Petet SENYER ou Bondye in antann tou bann parol Ed de kan, ki son met lerwa Asiri in anvoye pour ensilte Bondye vivan; petet ki i ava pini li pour sa bann parol ki SENYER ou Bondye in tande. Alor, priy pour restan pep, ki ankor vivan.

Kantik Salomon 8:6

Met mwan koman en bizou presye lo ou leker, koman en brasle grave lo ou lebra; akoz lanmour i for parey lanmor; lapasyon i osi kriyel; i retenir dan latonm. Son lafyev i brile parey en dife; i tonm parey zekler.

Ezai 41:2

Lekel ki'n fer vini en konkeran sorti dan Les e donn li laviktwar partou kot i ale? Lekel ki'n donn li laviktwar lo bann nasyon e met bann lerwa anba son dominasyon? Son lepe, i fer zot vin lapousyer. Son fles i fer zot fannen parey lapay dan divan.

Ezekyel 9:4

SENYER ti dir li, “Al partou atraver lavil, atraver Zerizalenm; met en mark lo fron bann ki plennyen e plere akoz bann aksyon degoutan ki ganny komet dan sa lavil.”

Malasi 3:1

La, mon anvoy mon mesaze. I pou prepar semen devan mwan. En sel kou, SENYER ki zot pe espere, pou vini, e i pou antre dan son tanp. Mesaze pou proklanm mon lalyans, SENYER liniver ki deklare.

Malasi 4:2

Me pour zot ki annan respe pour Bondye, soley lazistis pou lev lo zot e son bann reyon pou anmenn gerizon. Zot pou sorti e sote parey bann zenn bef ki sorti dan park.

Matye 16:16

Simon Pyer ti reponn, “Ou menm Mesi, Garson Bondye vivan.”

Matye 26:63

Me Zezi ti gard silans. Alor, Gran-Pret ti dir li, “Lo non Bondye vivan, mon demann ou, dir nou si ou menm Mesi, Garson Bondye.”

Levanzil dapre Zan 6:27

Pa travay pour nouritir ki gate, me travay pour nouritir ki dire pour lavi eternel. Sa nouritir, Fis-de-Lonm ki pou donn zot, akoz Bondye, mon Papa, in met mark son lotorite lo li.”

2 Korentyen 1:22

Li menm ki'n mark nou avek son sele e ki'n met Lespri Sen dan nou leker koman en garanti.

Efezyen 1:13

Zot osi, kan zot ti antann mesaz laverite, Bonn Nouvel ki'n vin sov zot, zot i'n krwar dan Kris. Alor, Bondye in met son mark personnel lo zot kan i ti donn zot Lespri Sen ki i ti'n promet.

Efezyen 4:30

Pa rann tris Lespri Sen ki Bondye in donn nou. Li menm garanti ki zour kan Bondye ava vin delivre nou konpletman pou vini.

Deterononm 5:26

Annefe, lekel sa zonm parey nou, ki'n antann lavwa Bondye vivan koze depi dan milye dife e ki'n reste vivan?

1 Tesalonisyen 1:9

Dimoun i rakonte ki mannyer zot in akey nou e koman zot in abandonn bann zidol pour servi Bondye ki vivan e vre.

2 Timote 2:19

Pourtan, sa baz solid ki Bondye in poze i reste solid. Sa bann parol i reste grave: Senyer i konnen lekel ki lo son kote. E ankor: Sa enn ki nonm non Senyer, i devre detourn li avek lemal.

Ebre 12:22

Me zot, o kontrer, zot in apros montanny Siyon, lavil Bondye ki vivan, Zerizalenm ki dan lesyel, avek son bann mil milyon lanz dan rasanbleman lafet.

Revelasyon 1:3

Byennere, sa enn ki lir bann parol sa profesi! Byennere bann ki ekout e gard sa ki'n ekri ladan! Annefe, letan i pros pour sa bann levennman realize.

Revelasyon 10:1

Alor, mon ti war sorti dan lesyel en lot lanz pwisan, anvlope avek en nyaz e avek en larkansyel otour son latet. Son figir ti koman soley, e son lazanm koman de kolonn dife.

Revelasyon 10:4

Kan sa set loraz ti'n fini fer tande zot lavwa, mon ti pe al ekri. Me mon ti antann en lot lavwa sorti dan lesyel ki ti dir mwan: Gard sekre mesaz sa set loraz; pa bezwen ekri.

Revelasyon 16:12

Sizyenm lanz ti devers son lakoup lo sa gran larivyer Efrat. Son delo ti sek pour prepar en semen pour bann lerwa ki sorti dan Les.

Revelasyon 5:2

Mon ti war en lanz pwisan ki ti proklanmen avek en lavwa for: Lekel ki diny pour kas sa bann sele e ouver sa liv?

Revelasyon 8:3

En lot lanz avek en lansanswar annor dan son lanmen, ti vin debout kot lotel. Zot ti donn li en kantite lansan pour ofer avek lapriyer pep Bondye, lo lotel annor devan tronn.

Revelasyon 9:14

Sa lavwa ti dir avek sa lanz: Larg sa kat lanz ki'n ansennen kot gran larivyer Efrat.

Revelasyon 9:4

Bann sotrel ti ganny lord pour pa fer dimal zerb lo later, ni pye dibwa, ni okenn plant, me zis bann zonm ki pa ti'n ganny marke avek sele Bondye lo zot fron.

1 Samyel 17:26

David ti dir avek bann zonm ki avek li, “Ki zot pou fer pour sa enn ki ava touy sa Filisten e tir laont lo Izrael? Lekel li sa Filisten, en non sirkonsi, ki oze provok bann troup Bondye vivan?”

1 Samyel 17:36

Konmsa ki mon'n touy lyon ek lours; sa Filisten sa non sirkonsi pou pas parey enn ant zot, akoz in provok troup Bondye vivan.”