Revelasyon 6:9 - Labib An Kreol Seselwa

⁹ Kan Zenn Mouton ti ouver senkyenm sele, mon ti war anba lotel bann ki ti'n ganny touye akoz Parol Bondye e akoz temwannyaz ki zot ti'n donnen.

Revelasyon 6:9 ပူးပေါင်းရင်းမြစ်များ

Zenez 4:10

SENYER ti dir, “Ki ou'n fer? Disan ou frer pe kriy ver mwan depi later.

Egzod 29:12

Ou ava pran en pe disan sa toro e met lo bann kwen lotel avek ou ledwa. Ou ava vers leres disan lo sipor lotel.

Levitik 4:7

Sa pret ava met en pe disan lo bann korn lotel kot i bril lansan devan SENYER dan Latant Rankont. Apre, i ava vers leres disan sa toro ater devan lotel sakrifis ki dan lantre Latant Rankont.

Levanzil dapre Zan 16:2

Zot pou ganny pouse dan bann sinagog. E menm en letan pe vini kan dimoun ki pou touy zot, pou krwar ki zot pe servi Bondye.

2 Korentyen 5:8

Wi! Nou ranpli avek kouraz e nou ti ava prefere kit sa lekor pour nou al viv avek Senyer.

Filipyen 1:23

Mon ganny trennen dan de kote: Mon ti ava kontan kit sa lavi pour al avek Kris. Sa ti ava preferab.

Filipyen 2:17

Petet ki mon disan ava ganny verse koman en lofrann avek sakrifis ki zot lafwa i prezante devan Bondye. Si sa i arive, mon ere e mon partaz mon lazwa avek zot tou.

2 Timote 1:8

Pa bezwen onte pour temwanny an faver nou Senyer, ni an mon faver, mwan ki son prizonnyen. O kontrer, aksepte pour soufer avek mwan pour Bonn Nouvel an kontan lo pwisans Bondye.

2 Timote 4:6

Kanta mwan, ler in arive pour mwan ganny ofer an sakrifis; ler mon depar in arive.

Ebre 12:23

Zot, zot in vin dan lasanble bann garson premye ne ki'n ganny anrezistre dan lesyel. Zot in apros Bondye ki ziz tou dimoun, e avek lespri bann zonm zis, ki'n ariv ziska perfeksyon.

Revelasyon 1:2

Zan in servi koman temwen. I'n anons mesaz Bondye ek temwannyaz Zezi-Kri lo tou sa ki i'n war.

Revelasyon 1:9

Mwan menm Zan, zot frer, ki'n partisip dan soufrans, dan rwayote, e ki'n andire avek pasyans, ini avek Zezi. Mon ti annegzil lo zil Patmos, akoz Parol Bondye ek temwannyaz Zezi.

Revelasyon 14:18

Answit, en lot lanz, ki ti annan pouvwar lo dife, ti sorti kot lotel. I ti kriy avek en lavwa for avek sa enn ki ti annan fosi byen koupe. I ti dir li: Anvoy ou fosi e fer rekolt bann grap rezen lo later, akoz rezen in mir.

Revelasyon 16:7

Mon ti antann en lavwa sorti dan direksyon lotel. I ti dir: Wi Senyer Bondye Toupwisan! Ou zizman i vre e zis.

Revelasyon 19:10

Alor, mon ti tonm ater dan son lipye pour ador li, me i ti dir mwan: Non, pa fer sa! Mon en serviter parey ou ek ou bann frer ki gard temwannyaz Zezi. Ador Bondye. Annefe, temwannyaz Zezi i lespri profesi.

Revelasyon 2:13

Mon konnen kot ou reste: Lanmenm la kot tronn Satan i ete. Ou'n reste fidel pour mon non, e ou pa'n renye ou lafwa dan mwan, menm dan lepok kan Antipas, mon temwen fidel, ti ganny touye kot ou, la kot Satan i reste.

Revelasyon 20:4

Apre, mon ti war bann tronn. Sa bann ki ti pe asize lo tronn ti'n ganny pouvwar pou zize. Mon ti osi war bann ki ti'n ganny egzekite akoz temwannyaz Zezi ek Parol Bondye. Zot pa ti'n ador sa bebet ni son zimaz, e zot pa ti'n resevwar mark sa bebet lo zot fron, ni lo zot lanmen. Zot ti resisite e renny avek Kris pandan 1,000 an.

Revelasyon 8:3

En lot lanz avek en lansanswar annor dan son lanmen, ti vin debout kot lotel. Zot ti donn li en kantite lansan pour ofer avek lapriyer pep Bondye, lo lotel annor devan tronn.

Revelasyon 9:13

Alor, sizyenm lanz ti soufle dan son tronpet. Mon ti antann en lavwa sorti kot sa kat korn lotel annor ki devan Bondye.