Revelasyon 4:8 - Labib An Kreol Seselwa

⁸ Sa kat kreatir vivan ti annan sakenn sis lezel e zot ti kouver avek lizye partou, anndan deor. Lizour koman aswar, zot ti sante san pozman: Sen, sen, sen, Senyer Bondye Toupwisan, sa enn ki ti egziste, ki egziste, e ki pe vini.

Revelasyon 4:8 ပူးပေါင်းရင်းမြစ်များ

Zenez 17:1

Kan Abranm ti annan 99 an, SENYER ti aparet avek li. I ti dir li, “Mwan Bondye Toupwisan; mars touzour dan mon prezans e fer sa ki byen.

Psonm 91:1

Sa enn ki reste kot Bondye Treo, e repoz anba proteksyon Bondye Toupwisan,

Egzod 15:11

Lekel parmi bann bondye ki parey ou, SENYER? Lekel ki parey ou, e briye avek sentete, e ki fer bann mervey?

Egzod 3:14

Bondye ti dir Moiz, “Mwan menm Sa Enn ki la depi touzour. Dir bann Izraelit: Sa Enn ki egziste depi touzour in anvoy mwan kot zot.”

Ezai 13:6

Lamante! Akoz zour SENYER i pros. I pe vini parey en dezas ki'n ganny anvoye par Bondye pwisan.

Ezai 62:1

Pour lanmour Siyon, mon pa pou gard silans. Pour lanmour Zerizalenm, mon pa pou reste trankil ziska ki lazistis i fer briye en nouvo zour e son delivrans parey en flanbo alimen.

Ezekyel 1:18

Zot rebor toultour ti gran e efreyan e ti annan bann lizye klate toultour.

Ezekyel 1:5

Dan son milye ti sorti sa ki ti resanble kat et vivan ki ti annan resanblans e laform imen.

Ezekyel 1:6

Zot ti annan kat figir ek kat lezel sakenn.

Ezekyel 10:12

Lekor antye sa bann seriben: Ledo, lanmen ek lezel, ti ranpli avek lizye toultour, menm bann larou ki tou le kat ti annan.

Zoel 1:15

Maler! Zour SENYER i pros. Zour destriksyon ki Bondye Toupwisan pou anvoye.

Akt de Zapot 20:31

Alor, vey byen, e rapel zot ki pandan 3 an, lizour koman aswar, mon'n ansenny sakenn zot, menm avek larm.

2 Korentyen 6:18

Mon pou vin en papa pour zot, e zot ava vin mon bann garson ek mon bann fiy, Senyer Toupwisan i deklare.

1 Tesalonisyen 2:9

Mon bann frer ek ser! Zot rapel sertennman nou travay ek nou lafatig: Pandan ki nou ti pe anons zot Bonn Nouvel, nou ti travay aswar koman lizour, pour ki nou pa vin en traka pour personn.

1 Timote 4:16

Vey byen lo ou fason viv e fer atansyon ou lansennyman. Kontinyen persevere. Annefe, si ou azir konmsa, ou ava sov ou lekor ek tou bann ki ekout ou.

2 Timote 4:2

Proklanm Laparol, ensiste dan tou sirkonstans ki prezante, favorab ou non; konvenk dimoun, reprimann zot, ankouraz zot, ansenny zot avek bokou pasyans.

Ebre 13:8

Zezi-Kri i reste parey, yer, ozordi, demen e pour touzour.

Revelasyon 1:4

Delapar Zan, pour sa set Legliz ki dan provens Lazi. Lagras ek lape delapar Bondye ki egziste, ki ti egziste e ki pe vini; delapar sa set Lespri ki devan son tronn,

Revelasyon 1:8

La sa ki Senyer Bondye i deklare: Mwan menm Alfa ek Omega, sa enn ki egziste, ki ti egziste e ki pe vini, Bondye Toupwisan.

Revelasyon 11:17

Zot ti dir: Nou loue ou, Senyer, Bondye liniver, ki egziste, e ki ti egziste. Ou'n servi ou gran pouvwar pour etabli ou renny!

Revelasyon 14:11

Lafimen dife ki tourmant zot pou monte pour touzour. Bann ki ador sa bebet ek son stati, e nenport ki, ki resevwar mark son non, pou san repo, ni lizour, ni lannwit.

Revelasyon 14:3

Zot ti sant en nouvo kantik devan tronn, devan sa kat et vivan ek bann ansyen. Personn pa ti kapab aprann sa kantik, apard sa 144,000 ki ti'n ganny reaste lo later.

Revelasyon 15:3

Zot ti pe sant kantik Moiz, serviter Bondye, ek kantik Zenn Mouton: Senyer Bondye Toupwisan! Ou travay i gran e merveye. Lerwa bann nasyon! Tou ou bann plan i zis e vre.

Revelasyon 15:7

Enn parmi bann kat et vivan ti donn sa set lanz set lakoup annor, ranpli avek lakoler Bondye ki vivan pour touzour.

Revelasyon 16:14

Annefe, sa i bann lespri demon ki fer bann siny. Zot ti al kot bann lerwa lo later, pour rasanble zot pour konbat kan sa gran zour Bondye Toupwisan pou arive.

Revelasyon 16:7

Mon ti antann en lavwa sorti dan direksyon lotel. I ti dir: Wi Senyer Bondye Toupwisan! Ou zizman i vre e zis.

Revelasyon 19:15

Dan son labous ti sorti en lepe byen koupe pour li detri bann nasyon. I pou renny lo zot avek en baton an fer. Avek son lipye, i pou pil diven gran lakoler Bondye Toupwisan dan preswar.

Revelasyon 19:4

Sa 24 ansyen ek sa kat et vivan ti prosternen e ador Bondye ki ti lo son tronn. Zot ti dir: Amenn! Loue Senyer!

Revelasyon 21:22

Mon pa ti war okenn tanp dan lavil akoz Senyer Bondye Toupwisan avek Zenn Mouton ti zot menm Tanp.

Revelasyon 3:7

Ekri Lanz Legliz dan Filadelfi: La sa ki sa enn ki Sen e Vre i deklare; sa enn ki posed lakle David, ki ouver e personn pa kapab fermen, ki fermen e personn pa kapab ouver:

Revelasyon 4:4

Otour tronn, ti annan 24 lezot tronn. Lo sa bann tronn, 24 ansyen ti pe asiz, abiye an blan avek kouronn annor lo latet.

Revelasyon 4:6

Devan tronn, ti annan sa ki ti parey en lanmer an ver, kler parey kristal. Dan milye e otour tronn, ti annan kat kreatir vivan, kouver avek lizye, par devan e par deryer.

Revelasyon 4:9

Sak fwa ki sa bann kreatir vivan ti rann glwar, loner ek remersiman anver sa enn ki asiz lo tronn, e ki vivan eternelman,

Revelasyon 5:6

Dan milye tronn, mon ti war en Zenn Mouton pe debout, antoure par sa kat kreatir vivan ek bann ansyen. I ti sanble ki sa Zenn Mouton ti'n ganny ofer an sakrifis. I ti annan set korn ek set lizye ki ti sa set lespri Bondye ki ti'n ganny anvoye partou lo later.

Revelasyon 6:1

Alor, mon ti war Zenn Mouton ouver premye parmi sa set sele, e mon ti antann enn parmi sa kat kreatir vivan dir avek en lavwa koman loraz: Vini!

Revelasyon 6:6

Mon ti antann sa ki ti resanble en lavwa ki sorti parmi sa kat kreatir vivan dir: En mezir dible pour en zournen lapey; trwa mezir lorz pour en zournen lapey. Me pa koz okenn domaz delwil ek diven!

Revelasyon 7:11

Tou bann lanz ti debout otour tronn, otour bann ansyen ek sa kat et vivan. Zot ti tonm lafas ater e zot ti ador Bondye.

Revelasyon 7:15

Pour sa rezon, zot devan tronn Bondye e zot ofer li ladorasyon lizour koman aswar dan son Tanp. Sa enn ki asize lo tronn pou protez zot.