Revelasyon 4:7 - Labib An Kreol Seselwa

⁷ Premye kreatir vivan ti resanble en lyon. Dezyenm ti resanble en zenn toro. Trwazyenm ti annan en figir parey en zonm e katriyenm et vivan ti resanble en leg ki pe anvole.

Revelasyon 4:7 ပူးပေါင်းရင်းမြစ်များ

Zenez 49:9

Zida i parey en zenn lyon ki sorti lasas; i tonm ater e dormi koman en lyon, e parey en femel lyon. Lekel ki oze lev li?

2 Samyel 1:23

Sail ek Zonatan ti kontan kanmarad ler zot ti vivan; lanmor pa'n separ zot. Zot ti pli rapid ki leg, pli for ki lyon.

Proverb 28:2

Ler i annan bokou dirizan, en pei i revolte, me avek en sef ki annan disernman, lord i rennyen.

Ezai 40:31

Me sa bann ki met zot konfyans dan SENYER ava reganny zot lafors; zot ava anvole parey en leg; zot ava taye, me zanmen fatige; zot ava marse san rente.

Ezekyel 1:10

Figir zot tou le kat, devan ti parey en figir imen; lo kote drwat, ti parey en lyon; lo kote gos ti parey en bef e deryer ti resanble en leg.

Ezekyel 1:8

Anba zot lezel, zot ti annan lanmen parey lanmen imen.

Ezekyel 10:14

Sak seriben ti annan kat figir: Premye ti annan en figir seriben, dezyenm en imen, trwazyenm en lyon, katriyenm en leg.

Ezekyel 10:21

Sakenn zot ti annan kat figir, kat lezel, e anba bann lezel, keksoz ki ti parey lanmen en imen.

Danyel 7:4

Premye bebet ti parey en lyon. I ti annan lezel leg. Pandan ki mon ti pe gete, i ti ganny arase son bann lezel. I ti ganny leve par lao later e i ti debout lo son de lapat deryer parey en imen, e i ti ganny en lespri imen.

Abdyas 1:4

Menm si ou fer ou demer anler parey en leg, menm si ou al viv parmi bann zetwal, mon pou fer ou desann.

Nonm 23:24

Zot en pep ki debout parey en zannimo feros. I dres debout parey en lyon. I pa al dormi avan ki i'n fini devor son viktim e bwar disan tou sa ki i'n touye.

Nonm 24:9

I alonze ater parey en lyon; i dormi parey en femel lyon. Lekel ki kapab fer li leve? Sa enn ki beni li ava ganny beni; sa enn ki modi li ava ganny modi.

1 Korentyen 14:20

Mon bann frer ek ser! Pa rezonn parey zanfan. Dan sa ki konsern sa ki mal, reste koman zanfan; me dan zot rezonnman, montre ki zot bann adilt.

Deterononm 28:49

SENYER ava anvoy kont ou en nasyon ki sorti lwen, dan lot bout later, ki ou pa pou konpran son langaz, e ki pou tonm lo ou parey en leg.

Revelasyon 4:6

Devan tronn, ti annan sa ki ti parey en lanmer an ver, kler parey kristal. Dan milye e otour tronn, ti annan kat kreatir vivan, kouver avek lizye, par devan e par deryer.

Revelasyon 6:3

Kan Zenn Mouton ti ouver dezyenm sele, mon ti antann sa dezyenm kreatir vivan dir: Vini!

Revelasyon 6:5

Kan Zenn Mouton ti ouver trwazyenm sele, mon ti antann sa trwazyenm kreatir vivan dir: Vini! Mon ti war en seval nwanr. Sa enn ki ti pe mont li ti annan en balans dan son lanmen.

Revelasyon 6:7

Kan Zenn Mouton ti ouver katriyenm sele, mon ti antann lavwa katriyenm kreatir vivan dir: Vini!