Revelasyon 4:6 - Labib An Kreol Seselwa

⁶ Devan tronn, ti annan sa ki ti parey en lanmer an ver, kler parey kristal. Dan milye e otour tronn, ti annan kat kreatir vivan, kouver avek lizye, par devan e par deryer.

Revelasyon 4:6 ပူးပေါင်းရင်းမြစ်များ

1 Rwa 7:23

Apre, i ti fer en gran basen an bronz ki ti mezir senk met dyamet, de met edmi oter e 15 met toultour.

Liv Zob 28:17

Ou pa kapab konpar lasazes avek lor oubyen ver, ni trok li pour bann bizou annor pir.

Egzod 38:8

I ti fer basen an bronz avek son sipor an bronz, bann laglas pour bann fanm ki ti fer zot servis devan lantre Latant Rankont.

Ezekyel 10:12

Lekor antye sa bann seriben: Ledo, lanmen ek lezel, ti ranpli avek lizye toultour, menm bann larou ki tou le kat ti annan.

Ezekyel 10:14

Sak seriben ti annan kat figir: Premye ti annan en figir seriben, dezyenm en imen, trwazyenm en lyon, katriyenm en leg.

Revelasyon 14:3

Zot ti sant en nouvo kantik devan tronn, devan sa kat et vivan ek bann ansyen. Personn pa ti kapab aprann sa kantik, apard sa 144,000 ki ti'n ganny reaste lo later.

Revelasyon 15:2

Apre, mon ti war sa ki ti resanble en lanmer an ver, melanze avek dife. Mon ti osi war bann ki ti'n ganny laviktwar lo sa bebet, lo son stati, e lo nimero ki koresponn avek son non. Zot ti pe debout lo lanmer an ver, avek dan zot lanmen, bann laarp ki Bondye ti'n donn zot.

Revelasyon 15:7

Enn parmi bann kat et vivan ti donn sa set lanz set lakoup annor, ranpli avek lakoler Bondye ki vivan pour touzour.

Revelasyon 19:4

Sa 24 ansyen ek sa kat et vivan ti prosternen e ador Bondye ki ti lo son tronn. Zot ti dir: Amenn! Loue Senyer!

Revelasyon 21:11

I ti briye avek laglwar Bondye. Son lekla ti resanble en pyer presyez tre rar, parey zasp, kler parey kristal.

Revelasyon 21:18

Miray ti konstri an zasp, tandis ki lavil ti annor pir, kler koman ver.

Revelasyon 21:21

Sa 12 laport lavil ti 12 perl. Sak laport ti en sel perl e bann lari dan lavil ti annor pir, kler koman ver.

Revelasyon 22:1

Apre sa, lanz ti montre mwan larivyer delo lavi, ki ti kler koman kristal, sorti kot tronn Bondye ek tronn Zenn Mouton.

Revelasyon 4:4

Otour tronn, ti annan 24 lezot tronn. Lo sa bann tronn, 24 ansyen ti pe asiz, abiye an blan avek kouronn annor lo latet.

Revelasyon 5:11

Mon ti get ankor: Otour tronn ek bann kreatir vivan, mon ti antann lavwa en gran kantite lanz, mil milyon zot.

Revelasyon 5:14

Sa kat kreatir vivan ti reponn: Amenn! Bann ansyen ti prosternen e adore.

Revelasyon 5:6

Dan milye tronn, mon ti war en Zenn Mouton pe debout, antoure par sa kat kreatir vivan ek bann ansyen. I ti sanble ki sa Zenn Mouton ti'n ganny ofer an sakrifis. I ti annan set korn ek set lizye ki ti sa set lespri Bondye ki ti'n ganny anvoye partou lo later.

Revelasyon 5:8

Kan i ti pran sa liv, sa kat et vivan ek sa 24 ansyen ti prosternen devan sa Zenn Mouton. Sakenn ti annan en laarp ek bann lakoup annor ranpli avek lansan ki reprezant lapriyer bann krwayan.

Revelasyon 6:1

Alor, mon ti war Zenn Mouton ouver premye parmi sa set sele, e mon ti antann enn parmi sa kat kreatir vivan dir avek en lavwa koman loraz: Vini!

Revelasyon 6:6

Mon ti antann sa ki ti resanble en lavwa ki sorti parmi sa kat kreatir vivan dir: En mezir dible pour en zournen lapey; trwa mezir lorz pour en zournen lapey. Me pa koz okenn domaz delwil ek diven!

Revelasyon 7:11

Tou bann lanz ti debout otour tronn, otour bann ansyen ek sa kat et vivan. Zot ti tonm lafas ater e zot ti ador Bondye.

Revelasyon 7:17

Annefe, Zenn Mouton ki dan milye tronn pou vin zot berze e i pou gid zot kot sours delo ki donn lavi. Bondye pou eswiy tou larm dan zot lizye.”