Revelasyon 4:10 - Labib An Kreol Seselwa

¹⁰ sa 24 ansyen ti prosternen devan sa enn ki asiz lo tronn e ador sa enn ki vivan eternelman. Zot ti zet zot kouronn devan tronn e sante:

Revelasyon 4:10 ပူးပေါင်းရင်းမြစ်များ

1 Kronik 29:20

David ti dir avek lasanble antye: Loue SENYER zot Bondye. Alor, tou lasanble ti loue SENYER, Bondye zot zanset. Zot ti bese e prostern devan SENYER e devan lerwa.

2 Kronik 7:3

Kan pep Izrael ti war dife desann sorti dan lesyel, e laglwar prezans SENYER dan tanp, zot ti prosternen lafas ater e loue SENYER, akoz SENYER i bon e son fidelite i pour touzour.

Liv Zob 1:20

Alor Zob ti leve. I ti desir son lenz e raz son latet. I ti tonm ater e prosternen.

Psonm 115:1

Non SENYER! Pa nou. Pa nou ki merite. Me zis ou non ki merit laglwar, akoz ou bonte ek ou fidelite.

Psonm 47:8

Bondye i renny lo bann nasyon; in asiz lo son tronn sakre.

Psonm 72:11

Tou bann lerwa ava prostern devan li e tou bann nasyon ava servi li.

Psonm 95:6

Vini! Annou ador li e prosternen devan li. Annou met nou azenou devan SENYER, nou Kreater.

Ezai 6:1

Dan lannen ki lerwa Ozyas ti mor, mon ti war SENYER asiz lo en tronn tre o; son rob ti ranpli tanp.

Danyel 12:7

Sa zonm abiye dan lenz linenn, ki ti par lao larivyer, ti lev son de lanmen ver lesyel. Mon ti antann li fer en serman par sa Enn ki vivan pour touzour. I ti dir, “Pour en lannen, de lannen e lanmwatye lannen. Kan lafors sa pep sen ava'n konpletman fini, tou sa bann keksoz pou ganny akonpli.”

Danyel 4:34

Plitar, apre ki sa set an ti'n pase, mwan, Naboukodonozor, mon ti lev mon lizye ver lesyel e mon ti reganny mon bon rezonnman. Mon ti remersye Bondye Toupwisan, e rann glwar ek loner sa enn ki viv eternelman. Son pouvwar rwayal i pour touzour, son rwayonm pou dire pour touzour, atraver tou zenerasyon.

Matye 2:11

Zot ti antre dan lakaz; zot ti war sa zanfan avek son manman, Mari. Zot ti tonm azenou e ador li. Answit, zot ti ouver zot kof e ofer li bann kado: Lor, lansan ek lamir.

Levanzil dapre Lik 24:52

Bann disip ti prosternen e ador li. Apre, zot ti retourn Zerizalenm ranpli avek lazwa.

1 Korentyen 15:10

Me par lagras Bondye, mon sa ki mon ete, e son lagras pour mwan i pa'n initil. O kontrer, mon'n travay plis ki tou lezot; pa mwan, me lagras Bondye ki avek mwan.

Deterononm 32:40

Mon lev mon lanmen ver lesyel e mon deklare: Osi vre ki mon vivan pour touzour,

Revelasyon 10:6

I ti fer en serman par sa enn ki viv pour touzour, ki'n kree lesyel avek tou sa ki egziste dan lesyel, later avek tou sa ki egziste lo later, lanmer avek tou sa ki egziste dan lanmer: Sa pa pou tarde arive.

Revelasyon 11:16

Sa 24 ansyen ki ti pe asize lo zot tronn devan Bondye ti tonm figir kont later e ador Bondye.

Revelasyon 15:4

Senyer! Lekel ki pou refize onor ou? Lekel ki pou refize rann ou glwar? Zis ou tousel ki sen. Tou nasyon pou vin ador ou, akoz ou zizman in ganny revele.

Revelasyon 15:7

Enn parmi bann kat et vivan ti donn sa set lanz set lakoup annor, ranpli avek lakoler Bondye ki vivan pour touzour.

Revelasyon 19:4

Sa 24 ansyen ek sa kat et vivan ti prosternen e ador Bondye ki ti lo son tronn. Zot ti dir: Amenn! Loue Senyer!

Revelasyon 4:2

Deswit, Lespri ti sezi mwan. Ti annan en tronn dan lesyel, e en personnaz ti pe asize lo sa tronn.

Revelasyon 4:4

Otour tronn, ti annan 24 lezot tronn. Lo sa bann tronn, 24 ansyen ti pe asiz, abiye an blan avek kouronn annor lo latet.

Revelasyon 4:9

Sak fwa ki sa bann kreatir vivan ti rann glwar, loner ek remersiman anver sa enn ki asiz lo tronn, e ki vivan eternelman,

Revelasyon 5:14

Sa kat kreatir vivan ti reponn: Amenn! Bann ansyen ti prosternen e adore.

Revelasyon 5:8

Kan i ti pran sa liv, sa kat et vivan ek sa 24 ansyen ti prosternen devan sa Zenn Mouton. Sakenn ti annan en laarp ek bann lakoup annor ranpli avek lansan ki reprezant lapriyer bann krwayan.

Revelasyon 7:11

Tou bann lanz ti debout otour tronn, otour bann ansyen ek sa kat et vivan. Zot ti tonm lafas ater e zot ti ador Bondye.