Revelasyon 3:7 - Labib An Kreol Seselwa

⁷ Ekri Lanz Legliz dan Filadelfi: La sa ki sa enn ki Sen e Vre i deklare; sa enn ki posed lakle David, ki ouver e personn pa kapab fermen, ki fermen e personn pa kapab ouver:

Revelasyon 3:7 ပူးပေါင်းရင်းမြစ်များ

Liv Zob 11:10

Si Bondye i azir, si i met ou dan prizon, si i konvok ou, lekel ki pou anpes li?

Liv Zob 12:14

Sa ki Bondye in demoli, personn pa kapab rekonstri. Personn pa kapab delivre sa enn ki i met dan prizon.

Psonm 145:17

SENYER i zis dan tou sa ki i antreprann; i fidel dan tou sa ki i fer.

Psonm 16:10

Ou pa pou abandonn mwan dan lemonn lanmor. Ou pa pou les ou zanmi fidel fini dan lafos.

Psonm 89:18

SENYER i nou protekter; li menm ki Sen dan Izrael, li menm nou lerwa.

Ezai 22:22

Mon pou konfye li lakle rwayonm David. Kan i ouver, personn pa kapab fermen; Kan i fermen, personn pa kapab ouver.

Ezai 30:11

Aret swiv sa semen; sorti lo sa larout. Aret koz lo Bondye Sen dan Izrael avek nou.

Ezai 41:14

La sa ki SENYER i deklare: Zakob! Ou zis en lever. Me pa bezwen per, akoz mon pou vin sekour ou. Ou Sover, se li menm Bondye Sen dan Izrael!

Ezai 41:16

Ou pou vann zot e zot pou anvole dan divan; tanpet pou dispers zot. Apre sa, ou pou dan lazwa akoz SENYER; ou pou met ou lafyerte dan Bondye sen Izrael.

Ezai 41:20

Konmsa, tou dimoun ava kapab war e konnen; zot tou, zot ava kapab obzerve e konpran ki lanmen SENYER ki'n fer tousala, ki Bondye sen Izrael ki'n kree tousala.

Ezai 47:4

Nou sover i apel SENYER liniver. Li menm Bondye Sen, Izrael!

Ezai 48:17

La sa ki SENYER ou Sover, Bondye Sen Izrael i deklare: Mwan SENYER, ou Bondye. Mon ansenny ou pour ou prop dibyen; mon kondwir ou lo semen ki ou devre swiv.

Ezai 49:7

La sa ki SENYER i deklare, Sover Izrael, son Bondye ki Sen, avek sa enn ki ganny meprize, deteste par bann nasyon, lesklav bann dirizan: Ler bann lerwa ava war ou, zot ava debout e bann sef ava prosternen lafas ater. Sa pou arive akoz SENYER i fidel e Sen Izrael, in swazir ou.

Ezai 54:5

akoz ou mari, li menm ou Kreater; son non i SENYER liniver. Sa enn ki Sen dan Izrael, li menm ki ou Sover, i apel Bondye later antye.

Ezai 55:5

Ou pou apel bann nasyon ki ou pa konnen; bann nasyon ki pa konn ou, pou tay kot ou, akoz SENYER ou Bondye, Sen dan Izrael, in glorifye ou.

Ezai 6:3

Zot ti pe apel kanmarad. Zot ti dir: Sen, sen, sen SENYER liniver! Later antye i ranpli avek son prezans!

Matye 16:19

Mon pou donn ou lakle Rwayonm lesyel. Sa ki ou anmare lo later pou ganny anmare dan lesyel; sa ki ou delarge lo later, pou ganny delarge dan lesyel.”

Matye 24:35

Lesyel ek later pou disparet, me mon parol pa pou disparet.

Mark 1:24

Sa zonm ti kriye, “Ki ou pe rode avek nou, Zezi ki sorti Nazaret? Eski ou'n vin isi pour detri nou? Mon konnen ki ou menm sa zonm Sen anvoye par Bondye.”

Levanzil dapre Lik 1:32

I pou gran e i pou ganny apele Garson Bondye Treo. Bondye pou donn li tronn son papa, David.

Levanzil dapre Lik 4:34

“Ki ou pe rode avek nou, Zezi ki sorti Nazaret? Eski ou'n vin isi pour detri nou? Mon konnen ki ou ete: Ou menm sa Zonm Sen ki sorti kot Bondye.”

Levanzil dapre Zan 14:6

Zezi ti dir li, “Mwan menm semen, laverite e lavi. Personn pa kapab ariv kot mon Papa san pas par mwan.

Akt de Zapot 3:14

Zot in renye sa enn ki sen e zis, e zot in prefere demann Pilat pour donn laliberte en kriminel.

1 Zan 5:20

Nou konnen ki Garson Bondye in vini. I'n donn nou disernman pour konn sa enn ki vre Bondye. Nou, nou reste ini avek vre Bondye, gras a son Garson Zezi-Kri. Li menm vre Bondye; li menm lavi eternel.

Revelasyon 1:11

ki ti dir: Ekri sa ki ou war dan en liv, e anvoy li kot sa set Legliz ki Efez, Smirn, Perganm, Tyatir, Sard, Filadelfi ek Laodise.

Revelasyon 1:18

sa enn ki vivan. Mon ti'n mor, me la mon vivan pour touzour. Mon posed lakle lanmor ek lakle lemonn lanmor.

Revelasyon 1:5

e delapar Zezi-Kri, temwen fidel, premye ne parmi bann mor, sef parmi bann lerwa later. Zezi-Kri i kontan nou. Par son disan, i'n delivre nou avek tou nou bann pese.

Revelasyon 15:3

Zot ti pe sant kantik Moiz, serviter Bondye, ek kantik Zenn Mouton: Senyer Bondye Toupwisan! Ou travay i gran e merveye. Lerwa bann nasyon! Tou ou bann plan i zis e vre.

Revelasyon 16:7

Mon ti antann en lavwa sorti dan direksyon lotel. I ti dir: Wi Senyer Bondye Toupwisan! Ou zizman i vre e zis.

Revelasyon 19:11

Answit, mon ti war lesyel ouver, e en seval blan ti aparet. Sa enn ki ti pe mont sa seval, ti apel Fidel e Vre. I zize e konbat avek lazistis.

Revelasyon 19:2

Son zizman i vre e zis! I'n ziz sa gran prostitye ki'n ranpli later avek koripsyon ek son prostitisyon. Bondye in vanz disan son bann serviter ki zot i'n touye.

Revelasyon 2:1

Ekri Lanz Legliz dan Efez: La sa ki sa enn ki tenir sa set zetwal dan son lanmen drwat e ki mars parmi sa set portlanp annor i deklare:

Revelasyon 21:5

Sa enn ki ti pe asiz lo tronn ti dir: La mon refer tou keksoz nouvo. Apre i ti dir mwan: Ekri! Sa bann parol i serten e vre.

Revelasyon 3:14

Ekri Lanz pour Legliz dan Laodise: La sa ki Amenn, temwen fidel e vre, sa enn ki konmansman kreasyon Bondye i deklare:

Revelasyon 4:8

Sa kat kreatir vivan ti annan sakenn sis lezel e zot ti kouver avek lizye partou, anndan deor. Lizour koman aswar, zot ti sante san pozman: Sen, sen, sen, Senyer Bondye Toupwisan, sa enn ki ti egziste, ki egziste, e ki pe vini.

Revelasyon 5:9

Zot ti sant en nouvo kantik: Ou diny pour resevwar sa liv e kas son bann sele. Annefe, ou ti ganny egorze, e par ou disan, ou'n reaste pour Bondye, zonm dan tou ras, lalang, pep ek nasyon.

Revelasyon 6:10

Zot ti kriye avek en lavwa for: Ziska kan, Senyer sen e vre, ki ou pou tarde ziz e vanz nou disan lo bann zabitan later?