Revelasyon 3:5 - Labib An Kreol Seselwa

⁵ Ensi, sa bann ki'n ganny laviktwar, pou abiy dan en lenz blan. Mon pa pou efas zot non dan liv lavi, me mon pou rekonnet zot devan mon Papa e devan son bann lanz.

Revelasyon 3:5 ပူးပေါင်းရင်းမြစ်များ

Psonm 109:13

Son bann desandan pou disparet e son non pou ganny efase apartir dezyenm zenerasyon!

Psonm 69:28

Efas zot non dan liv lavi! Pa kont zot parmi bann zis!

Malasi 3:17

Sa zour ki mon'n prepare pour azir, mon pou fer zot vin mon trezor, mon pep spesyal, SENYER liniver ti deklare. Mon pou montre mon bonte anver zot, parey bann paran ki kontan zot zanfan ki obeisan.

Matye 10:32

Sa enn ki deklare devan lezot ki i mon disip, mwan osi, mon pou rekonnet li devan mon Papa ki dan lesyel.

Levanzil dapre Lik 10:20

Malgre sa, pa rezoui akoz bann lespri in soumet avek zot; me rezoui plito akoz zot non in ganny ekri dan lesyel.”

Levanzil dapre Lik 12:8

“Mon dir zot, nenport ki, ki rekonnet mwan devan zonm, Fis-de-Lonm osi pour rekonnet li devan bann lanz Bondye.

Deterononm 9:14

Les mwan detri zot e fer zot disparet anba lesyel. Mon pou fer ou vin en nasyon pli pwisan e pli nonbre ki sa pep.

Filipyen 4:3

E ou osi, mon fidel koleg travay, mon demann ou, ed sa bann fanm. Ansanm avek Kleman ek lezot koleg travay ki zot non in ekri dan liv lavi, zot in konbat avek mwan pour anons Bonn Nouvel.

Let Zid 1:24

Pour sa enn ki anpes zot tonbe; ki kapab fer zot konparet san fot e dan lazwa devan son prezans glorye;

Revelasyon 13:8

Tou zabitan later, tou bann ki zot non pa'n ganny ekri depi konmansman lemonn, dan liv lavi Zenn Mouton ki'n ganny egorze, pou prostern devan li.

Revelasyon 17:8

Sa bebet ki ou'n war, ti deza vivan, me i nepli. I pou monte e sorti dan labim, me i pou al ganny detri. Bann zabitan later ki zot non pa ankor ganny ekri dan liv lavi depi avan kreasyon lemonn, pou etonnen war sa bebet, akoz i ti deza vivan e aprezan i nepli. Me i pou aparet ankor.

Revelasyon 19:8

I'n ganny permisyon pour abiy dan linenn fen, klate e pir. Annefe, linenn fen i bann aksyon lazistis pep Bondye.

Revelasyon 2:11

Sa enn ki annan zorey! Ekout sa ki Lespri i dir avek bann Legliz. Sa enn ki ranport laviktwar, pa pou konn en dezyenm lanmor.

Revelasyon 2:7

Sa enn ki annan zorey! Ekout sa ki Lespri i dir avek bann Legliz: Sa enn ki ranport laviktwar, mon pou donn li drwa manz fri pye dibwa ki donn lavi, ki dan paradi Bondye.

Revelasyon 20:12

Mon ti war bann mor, gran koman pti, pe debout devan tronn, e bann liv ti'n ouver. Ti annan osi en lot liv ki ti'n ouver: Liv lavi. Bann mor ti ganny zize dapre sa ki zot ti'n fer, e dapre sa ki ti'n ganny ekri dan sa bann liv.

Revelasyon 20:15

Tou bann ki zot non pa ti ganny trouve ekri dan Liv lavi, ti ganny zete dan lak dife.

Revelasyon 21:27

Okenn lenpirte pa pou antre dan lavil, ni personn ki pratik bann akt degoutan ek mansonz. Zis bann ki zot non in ganny enskri dan liv lavi Zenn Mouton ki pou kapab antre.

Revelasyon 22:19

Si en dimoun i retir okenn parol profesi dan sa liv, Bondye pou retir son par dan pye dibwa lavi e dan lavil sen ki'n ganny dekri dan sa liv.

Revelasyon 3:12

Sa enn ki ganny laviktwar, mon pou fer li vin en pilye dan tanp mon Bondye e i pa pou zanmen sorti. Mon pou ekri lo li, non mon Bondye, ek non lavil mon Bondye: Nouvo Zerizalenm ki desann sorti dan lesyel kot mon Bondye. Mon pou osi ekri mon nouvo non lo li.

Revelasyon 3:4

Sepandan, dan Sard menm, i annan serten ki pa'n sali zot lenz. Zot ava akonpanny mwan abiye dan lenz blan, akoz zot diny.

Revelasyon 6:11

Alor, sakenn ti ganny en rob blan. Zot ti ganny demande pour pasyante ankor en pti pe letan, ziska ki tou zot bann frer ek lezot serviter ki devre ganny touye parey zot, ava ariv son kantite konplet.

1 Samyel 17:25

Bann zonm Izrael ti dir, “Ou'n war sa zonm ki'n monte? I'n monte zis pour provok nou. Lerwa in promet pour donn sa enn ki touy li en gro rekonpans, i pou donn li son fiy, e son fanmir pa pou pey taks dan Izrael.”