Revelasyon 3:12 - Labib An Kreol Seselwa

¹² Sa enn ki ganny laviktwar, mon pou fer li vin en pilye dan tanp mon Bondye e i pa pou zanmen sorti. Mon pou ekri lo li, non mon Bondye, ek non lavil mon Bondye: Nouvo Zerizalenm ki desann sorti dan lesyel kot mon Bondye. Mon pou osi ekri mon nouvo non lo li.

Revelasyon 3:12 ပူးပေါင်းရင်းမြစ်များ

1 Rwa 7:21

I ti plas sa de kolonn devan lavarang tanp; kolonn ki ti adrwat ti apel Yakin e kolonn agos ti apel Boaz.

Psonm 46:4

I annan en larivyer ki anmenn lazwa dan lavil Bondye, kot son sanktyer Treo i ete.

Psonm 48:8

Sa ki nou ti'n antann dir, nou'n osi war dan lavil SENYER liniver, dan lavil nou Bondye ki i'n etabli solid pour touzour.

Psonm 87:3

Bann bon parol i ganny dir lo size lavil Bondye.

Ezai 62:2

Bann nasyon pou war ou vanzans, tou bann lerwa pou war ou grander; ou pou ganny en nouvo non sorti dan labous SENYER.

Ezai 65:15

Bann ki mon'n swazir, pou servi ou non koman en malediksyon: Senyer BONDYE pou detri zot. Me i pou donn son bann serviter en lot non.

Zeremi 1:18

Konmansman ozordi, mon pou donn ou lafors pour reziste. Devan bann lerwa dan Zida, bann zofisye, bann pret e devan bann sitwayen sa rwayonm, mon fer ou vin parey en lavil fortifye, en pilye an feray, en miray an bronz.

Ezekyel 40:49

Vestibil ti mezir dis met edmi longer e senk met 80 santimet larzer. Ti annan dis mars pour monte, ki ti ganny ankadre par en kolonn lo sak kote.

Ezekyel 48:35

Dezormen, Lavil pou antoure avek en miray 9,000 met toultour. Dezormen, lavil pou apel: SENYER i la.

Mark 12:16

Zot ti anmenn en pyes larzan. Zezi ti demann zot, “Figir ek non lekel ki lo la?” Zot ti reponn li, “Sezar.”

Galat 2:9

Kan zot ti rekonnet lagras ki mon ti'n gannyen, Zak, Pyer ek Zan ki ti ganny konsidere koman bann dirizan, bann kolonn, zot ti donn mwan ek Barnabas lanmen drwat; sa ti koman en siny lakominyon. Alor, nou ti tonm dakor ki Barnabas ek mwan, nou pou al kot bann non-Zwif e zot, zot pou al kot bann Zwif.

Efezyen 3:15

kot ki tou fanmir dan lesyel e lo later zot tir zot non.

Ebre 12:22

Me zot, o kontrer, zot in apros montanny Siyon, lavil Bondye ki vivan, Zerizalenm ki dan lesyel, avek son bann mil milyon lanz dan rasanbleman lafet.

Ebre 13:14

Annefe, nou demer lo sa later pa pou dire pour touzour; nou pe rod sa lavil ki dan lavenir.

1 Zan 4:4

Me zot, mon bann zanfan! Zot pour Bondye e zot in ranport laviktwar lo bann fo profet, akoz sa enn ki dan zot, i pli gran ki sa enn ki dan lemonn.

Revelasyon 14:1

Apre, mon ti gete, e mon ti war Zenn Mouton pe debout lo montanny Siyon. Avek li ti annan 144,000 dimoun ki ti port son non ek non son Papa ekri lo zot fron.

Revelasyon 17:14

Zot pou konbat kont Zenn Mouton; me Zenn Mouton ki pou ganny laviktwar lo zot, akoz i Senyer tou senyer e Lerwa tou lerwa. I pou ganny laviktwar ansanm avek bann ki'n ganny apele, ki'n ganny swazir e ki fidel.

Revelasyon 2:11

Sa enn ki annan zorey! Ekout sa ki Lespri i dir avek bann Legliz. Sa enn ki ranport laviktwar, pa pou konn en dezyenm lanmor.

Revelasyon 2:17

Sa enn ki annan zorey! Ekout sa ki Lespri i dir avek bann Legliz. Sa bann ki ranport laviktwar, mon pou donn zot lamann ki'n ganny kasyet. E mon pou donn sakenn zot en pti ros blan. Lo sa ros, in ganny ekri en nouvo non ki personn pa konnen, eksepte sa enn ki resevwar sa non.

Revelasyon 2:7

Sa enn ki annan zorey! Ekout sa ki Lespri i dir avek bann Legliz: Sa enn ki ranport laviktwar, mon pou donn li drwa manz fri pye dibwa ki donn lavi, ki dan paradi Bondye.

Revelasyon 21:2

Mon ti war lavil sen desann sorti dan lesyel kot Bondye, nouvo Zerizalenm ki ti'n dekore parey en nouvel marye abiye pour son mari.

Revelasyon 22:4

Zot pou war son vizaz e son non pou ganny enskri lo zot fron.

Revelasyon 3:5

Ensi, sa bann ki'n ganny laviktwar, pou abiy dan en lenz blan. Mon pa pou efas zot non dan liv lavi, me mon pou rekonnet zot devan mon Papa e devan son bann lanz.