Revelasyon 22:9 - Labib An Kreol Seselwa

⁹ Me i ti dir mwan: Pa fer sa! Mwan osi mon en serviter parey ou, parey ou bann frer bann profet ek tou bann ki obei parol sa liv. Bondye ki ou bezwen adore.

Revelasyon 22:9 ပူးပေါင်းရင်းမြစ်များ

2 Rwa 17:36

Zot devre ador SENYER ki'n fer zot sorti dan pei Lezip avek son gran pwisans ek lafors son lebra leve. Devan SENYER ki zot devre prosternen. An loner SENYER ki zot devre ofer sakrifis.

Psonm 45:11

Lerwa pou admir ou labote. In vin ou senyer; rann li loner ki i merite.

Egzod 34:14

Ou pa devre ador okenn lot bondye, akoz non SENYER i Zalou! I en Bondye zalou.

Matye 4:9

Dyab ti dir li, “Mon pou donn ou tousala, si ou met ou azenou e ador mwan.”

Levanzil dapre Lik 4:7

Par konsekan, si ou ador mwan, tousala ava vin pour ou.”

Deterononm 4:19

Kan ou ava lev ou lizye ver lesyel e war soley, lalin, bann zetwal e tou sa ki i annan dan lesyel, pa les ou ganny tante e prosternen devan zot e servi zot. Tousala, SENYER, ou Bondye ki'n donnen avek tou bann pep ki viv anba lesyel.

1 Zan 5:20

Nou konnen ki Garson Bondye in vini. I'n donn nou disernman pour konn sa enn ki vre Bondye. Nou, nou reste ini avek vre Bondye, gras a son Garson Zezi-Kri. Li menm vre Bondye; li menm lavi eternel.

Revelasyon 1:1

Sa liv i Revelasyon Zezi-Kri ki Bondye ti donn li pour li montre son bann serviter sa ki devre arive byento. Kris in anvoy son lanz kot son serviter Zan, pour fer li konnen.

Revelasyon 1:11

ki ti dir: Ekri sa ki ou war dan en liv, e anvoy li kot sa set Legliz ki Efez, Smirn, Perganm, Tyatir, Sard, Filadelfi ek Laodise.

Revelasyon 14:7

I ti kriy avek en lavwa for: Annan respe pour Bondye e rann li glwar, akoz ler son zizman in arive. Ador sa enn ki'n kree lesyel, later, lanmer ek bann sours delo!

Revelasyon 15:4

Senyer! Lekel ki pou refize onor ou? Lekel ki pou refize rann ou glwar? Zis ou tousel ki sen. Tou nasyon pou vin ador ou, akoz ou zizman in ganny revele.

Revelasyon 19:10

Alor, mon ti tonm ater dan son lipye pour ador li, me i ti dir mwan: Non, pa fer sa! Mon en serviter parey ou ek ou bann frer ki gard temwannyaz Zezi. Ador Bondye. Annefe, temwannyaz Zezi i lespri profesi.

Revelasyon 22:10

I ti azoute: Pa gard sekre parol profesi ki dan sa liv, akoz letan pour tousala arive i pros.

Revelasyon 22:18

La mon lavertisman solannel pour tou sa ki antann parol profesi ekri dan sa liv: Si en dimoun i azout keksoz avek sa bann parol, Bondye pou azout pour li, bann fleo ki'n ganny dekri dan sa liv.

Revelasyon 22:7

Zezi i dir: Mon pe vini byento! Byennere sa enn ki obei parol profesi dan sa liv!

Revelasyon 4:10

sa 24 ansyen ti prosternen devan sa enn ki asiz lo tronn e ador sa enn ki vivan eternelman. Zot ti zet zot kouronn devan tronn e sante:

Revelasyon 9:20

Lezot zonm ki pa ti ganny touye par bann fleo, pa ti abandonn sa ki zot ti'n fer. Zot pa ti aret ador bann demon ek bann zidol annor, annarzan, an bronz, an pyer e an bwa ki pa kapab ni war, ni tande, ni marse.