Revelasyon 20:3 - Labib An Kreol Seselwa

³ Lanz ti zet li dan labim, ki i ti fermen e sele pour ki i nepli kapab tronp bann nasyon ziska ki 1,000 an ava'n fini pase. Apre sa, fodre ki i ganny large pour en pti pe letan.

Revelasyon 20:3 ပူးပေါင်းရင်းမြစ်များ

Psonm 90:4

Pour ou, mil an i pas konmsi yer, oubyen parey en kourt letan dan lannwit.

Danyel 6:17

Zot ti met en ros devan lantre kavern; lerwa ti poz lo la son sele avek son bag personnel e avek bag son bann gran zofisye, pour ki nanryen pa ganny sanze konsernan Danyel.

Matye 24:24

Annefe, bann fo mesi ek bann fo profet pou aparet. Zot pou fer bann gran mirak ek bann gran siny, si posib pour tronp menm bann ki Bondye in swazir.

Matye 27:66

Zot ti ale. Zot ti met sele lo sa ros ki devan lantre tonbo e plas bann gard pou veye.

Mark 4:15

Bann ki dan bor semen kot Laparol in ganny senmen, se sa bann ki osito zot in antann Laparol, Satan i vini. I aras Laparol ki'n ganny senmen dan zot.

Levanzil dapre Lik 8:31

Sa bann move lespri ti sipliy Zezi pour pa anvoy zot dan labim.

2 Korentyen 11:3

Me mon per ki, parey Ev ti ganny tronpe par riz serpan, zot les zot lespri egare lwen avek senserite ek lapirte ki zot devre annan anver Kris.

2 Pyer 3:8

An tou ka, mon bann zanmi! Pa oubliy sa pwen: Pour Senyer, en zour i koman 1,000 an, e 1,000 an i koman en zour.

Revelasyon 12:9

Sa gran dragon, ti ganny zet deor. Li menm li sa serpan lantikite, ki apel dyab oubyen Satan, e ki tronp lemonn antye. I ti ganny zete lo later ansanm avek son bann lanz.

Revelasyon 13:14

Par sa bann mirak ki i ti'n ganny pouvwar fer dan prezans sa premye bebet, i ti tronp bann zabitan later. I ti demann zot fer en stati sa bebet ki ti'n ganny blese par lepe e ki'n reviv.

Revelasyon 17:2

Bann lerwa later in livre zot dan prostitisyon avek li e tou zabitan later in soule avek diven son prostitisyon.

Revelasyon 17:8

Sa bebet ki ou'n war, ti deza vivan, me i nepli. I pou monte e sorti dan labim, me i pou al ganny detri. Bann zabitan later ki zot non pa ankor ganny ekri dan liv lavi depi avan kreasyon lemonn, pou etonnen war sa bebet, akoz i ti deza vivan e aprezan i nepli. Me i pou aparet ankor.

Revelasyon 20:1

Apre sa, mon ti war en lanz desann sorti dan lesyel. I ti annan lakle labim ek en gran lasenn dan son lanmen.