Revelasyon 2:9 - Labib An Kreol Seselwa

⁹ Mon konn ou bann soufrans, ek ou mizer. Pourtan, ou ris. Mon konn dimal ki bann swadizan Zwif, me ki pa Zwif i dir lo ou. An realite, zot form en lasanble Satan.

Revelasyon 2:9 ပူးပေါင်းရင်းမြစ်များ

Matye 4:10

Zezi ti reponn li, “Sorti la, Satan! Ale. I'n ekri: Se Senyer, ou Bondye ki ou devre adore e li tousel ki ou devre servi!”

Levanzil dapre Lik 12:21

Zezi ti azoute, “Sanmenm sa ki arive avek sa enn ki anmas larises pour li menm, me ki pa ris devan Bondye.”

Levanzil dapre Lik 22:65

Zot ti dir li en kantite lezot parol lensilt.

Levanzil dapre Lik 4:18

Lespri Senyer i lo mwan, akoz in konsakre mwan pour anons Bonn Nouvel avek bann pov. I'n anvoy mwan proklanm delivrans bann prizonnyen, e fer bann aveg war kler, donn laliberte bann ki ganny oprimen,

Levanzil dapre Lik 6:20

Alor, Zezi ti fikse son regar lo son bann disip. I ti dir: Byennere bann ki pov, Rwayonm Bondye i pour zot!

Levanzil dapre Zan 16:33

Mon'n dir zot tousala pour ki zot ganny lape e reste ini avek mwan. Dan lemonn, zot bezwen soufer. Me pran kouraz. Mwan, mon'n ranport laviktwar lo lemonn.”

Akt de Zapot 14:22

Zot ti fortifye leker bann krwayan e ankouraz zot pour reste solid dan lafwa. Zot ti dir ki zot bezwen pas par bokou soufrans pour antre dan Rwayonm Bondye.

Akt de Zapot 26:11

Souvan mon ti fer pini zot dan sinagog e esey obliz zot renye zot lafwa. Mon ti sitan asarnen kont zot, ki mon ti al ziska dan bann lavil etranze pour persekit zot.

Romen 12:12

Reste dan lazwa akoz zot lesperans! Gard pasyans dan lasoufrans! Reste fidel dan lapriyer!

Romen 2:17

Me ou ki port sa non Zwif, ki met ou konfyans dan Lalwa e ki fyer ou relasyon avek ou Bondye,

Romen 5:3

Anplis ki sa, nou rezoui osi menm dan nou bann soufrans, akoz nou konnen ki lasoufrans i prodwi lapasyans;

Romen 8:35

Lekel ki pou separ nou avek lanmour Kris? Ladetres, langwas, persekisyon, lafen, lanmizer, danze, lanmor?

Romen 9:6

Mon pa pe dir ki promes Bondye pa'n reisi. Annefe, pa tou desandan pep Izrael ki vre pep Izrael,

2 Korentyen 6:10

Nou pas par latristes, me nou touzour dan lazwa. Nou pov, me nou anrisi bokou dimoun. Nou paret napa nanryen, me an realite nou posed tou!

2 Korentyen 8:2

Malgre bann leprev dir ki bann krwayan in pas ladan, zot lazwa ti telman gran, ki zot i'n montre zot byen zenere, menm si zot pov.

2 Korentyen 8:9

Annefe, zot konn lagras nou Senyer Zezi-Kri: Ris ki i ti ete, i'n fer li pov pour zot, pour ki zot vin ris par son povrete.

1 Tesalonisyen 3:4

Annefe, kan nou ti kot zot, nou ti anons zot ki nou ti pou ganny persekite. Parey zot konnen, sanmenm sa ki'n arive.

1 Timote 1:13

menm si dan letan pase mon ti blasfenm li, persekit li e ensilte li. Me li, i'n tret mwan avek konpasyon, akoz mon ti fer tousala dan linyorans, san lafwa.

1 Timote 6:18

Konsey zot pour fer sa ki byen; zot devre ris an bonn aksyon. Zot devre montre zot zenere e touzour pare pour partaz avek lezot.

Revelasyon 1:9

Mwan menm Zan, zot frer, ki'n partisip dan soufrans, dan rwayote, e ki'n andire avek pasyans, ini avek Zezi. Mon ti annegzil lo zil Patmos, akoz Parol Bondye ek temwannyaz Zezi.

Revelasyon 2:13

Mon konnen kot ou reste: Lanmenm la kot tronn Satan i ete. Ou'n reste fidel pour mon non, e ou pa'n renye ou lafwa dan mwan, menm dan lepok kan Antipas, mon temwen fidel, ti ganny touye kot ou, la kot Satan i reste.

Revelasyon 2:2

Mon konn tou ou bann aktivite, mon konn ou travay ek ou perseverans. Mon konnen ki ou pa kapab toler bann malfeter. Ou'n teste bann ki apel zot lekor zapot, me ki an realite pa vre, e ou'n dekouver ki zot bann manter.

Revelasyon 2:24

Me pour lezot dan Tyatir, ki pa'n atas zot avek sa move lansennyman, ki pa'n aprann sa doktrin ki serten i dir, bann profon sekre Satan, mon deklare: Mon pa pou met okenn fardo lo zot.

Revelasyon 3:9

La sa ki mon pou fer avek bann ki form lasanble Satan, sa bann manter ki pretann ki zot Zwif me ki pa Zwif: Mon pou fer zot vin azenou devan ou e zot ava rekonnet ki mon'n kontan ou.

Revelasyon 7:14

Mon ti reponn li, “Mon senyer! Ou ki konnen.” Alor, i ti dir mwan, “Zot sa bann ki'n pas atraver en gran soufrans. Zot in lav zot rob e blansi li dan disan Zenn Mouton.